Godigo Nogi Ugwaba Sabo Tęąbi Po Wabo Buku Dabe 37:14 - Godigo dwagi yai po buku

¹⁴ Te dwai sę ebo bidi dabego te bainat hwą dią siyu, tama te enesigi kegelama, te nai meni yai bidi dabe, me te magi doado bage sǫą pabo bidi dabe enainu yaibao. Augwaligo te doloba pai kolesaga wali pabo we bidi dabe ela muabo homu ebo dao.

Godigo Nogi Ugwaba Sabo Tęąbi Po Wabo Buku Dabe 37:14 Referans Kwoze

Bugagia Bidibo Kolesagade Po Asęai Buku 29:27

Te doloba pai kolesaga ebo bidi dabego te dwai kolesaga ebo bidi dabe wei homu me egobeo. Tama te dwai kolesaga ebo bidi dabego te wiegi yai doloba pai kolesaga wali pabo bidi dabe wei homu mu me egobeo.

1 Jon 3:12

Da te polobadu bidali bidi Kein bidali tiwai bidamuo. Aga te Satango bidi bidai, tama agai aga ama ela muai. Tama magi baso aga ama ela muaniwe? Agai dwai kolesaga naga yali, tama aga amago yali kolesaga tigidali dwagi yai doloba pai kolesaga yai. Tibaso, aga sębę elama, aga ama ela muai.

Godigo Nogi Ugwaba Sabo Tęąbi Po Wabo Buku Dabe 11:2

Magi baso meni, dwai bidi dabe augwaligo ene selama, te balibiba tulama, nage enainu, te kegebao. Augwali te hulia sai bulude geme dualama, tama te dwagi yai bidi dabe enainu te ebao.

Godigo Sęba Tagala Palai Bidigo Po 12:11

Tama Pita agai homugo ‘Te yali sę te nade ebeo homu eyu, te eno mu koneanio,’ wali, ‘Genuai Bidi agai ensel bidi tagala palama, tama agai ena Herotgo nogode ma sali. Te Juda bidi hani augwaligo ena dali dwai sę yai hagede yali, tiali goli te Genuai Bidigo augwaligo homu dolai,’ Pitago te homu yai.

Godigo Sęba Tagala Palai Bidigo Po 7:52

Polobadu duga wąį dabe augwaligo Godigo dwagi yai po pusa mabo bidi dabe tigidali ela silali. Me deli bidibawe? Mu menio. Polobadu mu Godigo dwagi yai po odasa pabo bidi dabe augwaligo te po wai, ‘Nosali God agai dwagi yai dolo sę ebo bidi asaibao.’ Tialima, duga wąį dabe augwaligo te po odasa pabo bidi dabe ela muani. Megi tama dagego te Godigo dwagi yai dolo sę ebo bidi ela muai.

Bugagia Bidibo Kolesagade Po Asęai Buku 29:10

Te gasa bidi ela mubo bidi, agai te doloba pai kolesaga ebo bidi dabe te wei homu mu me egobeo. Tiali goli, te doloba pai kolesaga ebo bidi dabego homugo da, te gasa doloba pai kolesaga ebo bidi dabe te bugagia bidimainu homu eyu, augwali seselalubo sę ebo dao.

Godigo Nogi Ugwaba Sabo Tęąbi Po Wabo Buku Dabe 35:10

Tama te eno usu da po mu te Godiba waibao, “Genuai Bidi, te nage tiwai me deli elalubeo. Nago te bomo meni yai bidi dabe bugagia tau sabo dao, tama te bomo mu ebo bidi dabego augwali dolainu ebo te usu me egobeo.”

1 Samuel 24:17

Tama agai Devitba te tiwai po wali, “Nage wiegi yai bidi, te ena da dwai bidi mu dao. Nago enaba wiegi yai kolesaga mu yali, tiali goli eno dwai kolesaga nage dali yalio.

1 Samuel 24:11

Eno aya, suao, nago eno e tolalubo ugwa dage pedai bugagia suao. Eno te nago ugwade togwa sali, tiali goli eno nage me elibeo. Tama teyu, nago bugagia koneao, eno nageba dwai sę yabo homu me, te nage dolabo homu me elalubeo. Eno nagede hagoma eyu, nage dologode bidibo hagela homu ebeo. Eno tede sęgę sabeo. Eno dwai sę me deli nageba me ebe, tiali goli, nago ena gegebo sę eyu, te ena ela muainu ebao.

Godigo Sęba Tagala Palai Bidigo Po 12:23

Tama Herot agai Godigo nogi ugwaba sisąbaso, Godigo ensel bidi me deli agai Herotgo tigide elali. Tama te dwai gasi agai tigide pedelama, te dwai osoganigo agai tigide tudu pedelama, te nosali aga mu isali.

Habakuk 1:13

Te Babilon dabe augwali te tibo po wabo bidi dabe dao, me augwali te haniani dwai sę ebo bidi dabe dao. Mena tama mu tibaso, nago augwali nago sę emainogo sula tagalobawe? Eno koneani, nage doloba pai mu elama, tama nago dwai kolesaga ebo bidi dabe po tų ela mayu, tama augwalibolo dwai pe wei ponobo dao. Tiali goli, te Babilon bidi dwai dabego te bidi meba dwasianu wiegi yai bidi dabe dolobao, tama nage ma olo dulaluyu tonalubao. Nago magi baso tama tibawe?

Esta 5:14

Aga we Seres badi, te aga abagi dede augwaligo agabolo te po wai, “Moni homu me igio. Te bidi dabe augwalibolo olama, augwaligo te ni bobobage me deli tulao, te aga bobobage usu nama nedebo, te bidi sese tama 20 mita, tama do kigamu nage te tuni bidi bidibo madi pelama, te Mordekai te nide walabo po hanalugi pagameo. Te tiwai eyu da, te nage homu wiegi yai elama, te nage nai tugi paibao,” wali. Hamango te wiegi yai po da te homu yai, tama agai te bidi dabe mebabolo olama, tama augwaligo te Mordekai walabo ni me deli tulai dao.