Godigo Nogi Ugwaba Sabo Tęąbi Po Wabo Buku Dabe 37:10 - Godigo dwagi yai po buku

¹⁰ Te pąde tama digi sogo, te dwai sę ebo bidi dabe mu hagawaibao. Te nago augwa pesagede te augwali gegebo sę yaibao, tiali goli nago augwali me sugobeo.

Godigo Nogi Ugwaba Sabo Tęąbi Po Wabo Buku Dabe 37:10 Referans Kwoze

Jopgo Po Asęani Elalubo Buku 24:24

Tama augwali genuai nogi osogo naga elalubo dao. Tama deli sogo tama augwali polo isai, te gasa olo we bidi dabe isibo tiwai gilama. Augwali te wit nai inawai te bidigo togobo tiwai ebo dao.

1 Pita 4:7

Te tigidali nai silabo sogo te pąba yagasobao. Tama tibaso, dage te homu nagamea pai we bidi bidao, te dage God dali te hanalu wabo po gisiga omainogo te dagego duga homu bugagia tonaluyu bidao.

Godigo Nogi Ugwaba Sabo Tęąbi Po Wabo Buku Dabe 103:16

Wali asu, te plaua memenege elama, tulalubo dao, tama bidi dabego te plaua elalubo ma subeo.

Godigo Nogi Ugwaba Sabo Tęąbi Po Wabo Buku Dabe 52:5

Tiali goli, odao. Godigo te nage mu doloyu, tama nage te tiwai elalua paibao. Agai te nage pageabi elama, tama naga bede te nage sela sąwaibao. Tama nage mu sia somainu ilama, tama nage te tǫde ma bidimainogo me elalugobeo.

Jopgo Po Asęani Elalubo Buku 7:10

Aga aga beba ma asogobe. Tama aga hanigo aga homu kone me egobeo, tama mu gegeda paibao,” wali.

Godigo Nogi Ugwaba Sabo Tęąbi Po Wabo Buku Dabe 49:10

Da tigidaligo koneai, kolesaga koneai bidi, augwali me isibo dao. Tama dwai kolesaga ebo bidi, te kolesaga meni yai bidi me, augwali isibo dao. Te bidi dabe augwaligo walu me mone masigi tigidali nai isu, taga peyu, tama gasa bidi dabego te nai sabo dao.

Jopgo Po Asęani Elalubo Buku 14:10

Ma, da bidi dabe, da te tiwai ebo menio. Te da isibo sogo, te da mu tama sia sabo dao. Tama me badugo da ma subo menio.

Esta 7:10

Tama agai te Mordekai walainogo tulali posde augwaligo te Haman aga ma tede walali. Augwaligo te tiwai tama ela silama, tama king bidigo haliga sębę yali silai dao.

Jopgo Po Asęani Elalubo Buku 7:21

Magi baso nago eno sęgę dali, dwai sę dali si tagalobo homu ebewe? Dwasianu sogo ena isama, ena gų pagede pila muaibao. Tama nago ena gegebo sogo, te nago ena munu ma sugobeo,” Jopgo Genuai Bidibolo te po wali.

Te Israel me Juda Hani Sigo Tuni Bidigo Po Elalubo Buku Si 9:25

Tama te Jehugo te Bitkarbolo te po walali, te aga dali bidiyu sę yali gavman ofisa bidi, e tama, “Te Joramgo tigi sagaselama, tama te bidi Nabotgo tǫba sągi pao,” wali, “te Jesril bidi. Te Genuai Bidigo te polobadu king Ahapbolo pusa mani po nago me konealubawe, Joram aga aya? Dadi si te Ahap wali pobao, te dadi sigo karis me tama te Genuai Bidigo te Ahapbolo e tama po wali,

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

Bugagia Bidibo Kolesagade Po Asęai Buku 14:11

Te bidi dwaigo we wai hani sibi te mu dolama, tama sia saibao. Tiali goli, te doloba pai bidigo hani da, te bomai hani mu pedelaibao.