Godigo Nogi Ugwaba Sabo Tęąbi Po Wabo Buku Dabe 37:1 - Godigo dwagi yai po buku

¹ Abagi, nago te dwai sę ebo bidi dabego te wiegi yai nai dabe sabode te nago homugo pesa me elamuo. Nago te dwai kolesaga ebo bidi dabego naide haliga dwai me elamuo.

Godigo Nogi Ugwaba Sabo Tęąbi Po Wabo Buku Dabe 37:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 37:7

Nage dua digi te Genuai Bidi pąba pelama, bidao. Te dua digi bidiyu, te agai nage tau sabo tonaluao. Te bidi dabego augwa ebo kolesagade te wiegi yai nai dabe sabode te nago homugo pesa me elamuo. Mu tama, te haniani dwai kolesaga yabo homu ebo bidi dabego ebo homude nago homu kekeli eyu, tama te tiwai sę eyu, pedelabo homu me elamuo.

Bugagia Bidibo Kolesagade Po Asęai Buku 23:17

Nago te dwai sę ebo bidi dabego ebo kolesaga wei me igio. Menio. Sesemane sogo nage te Genuai Bidigo dologode bidabo bomo mu yao.

Bugagia Bidibo Kolesagade Po Asęai Buku 24:19

Nago te dwai kolesaga ebo bidigo kolesaga te nago homu si me elamuo. Tiyu, naga homu kolesaga dolabuo. Tama nago augwaligo ebo kolesaga me te homu godolo me elamuo.

Bugagia Bidibo Kolesagade Po Asęai Buku 3:31

Te hwįbo bidi dabego kolesaga wali painu te nago haliga me hodalugio, tama nage te augwaligo sunumidu me bilamu dao.

Bugagia Bidibo Kolesagade Po Asęai Buku 24:1

Nago te dwai kolesaga ebo bidi dabego ebo dwai kolesaga wei homu me elamuo. Tama nago augwali dali kisa sabo homu me elamu dao.

Godigo Nogi Ugwaba Sabo Tęąbi Po Wabo Buku Dabe 73:3

Magi baso meni, eno suali, te dwai sę ebo bidi dabe te moni bidi pedalubaso, tama eno te hagoma ebo bidi dabego nai dabede pesa yali.

Galesia 5:21

te gasa bidigo naide dwai homu ebo kolesaga me, te bomo yai ąį tulama polobo bidi tiwai ebo kolesaga me, te dwai dwai penani sę ebo kolesaga me, tama te tobage haniani kolesaga ebo dao. Tama eno polobadu dagebolo wali po megi ma obao, te tobage kolesaga ebo bidi aga te Godigo we bidi tonalubo bomo dologoba munu me pisiąbaso aga tede wiegi yai homu egobeo.

Bugagia Bidibo Kolesagade Po Asęai Buku 19:3

Te meba hani bagego te esela pabo bidigo kolesaga eyu, tama augwa digi dolama, tama nosali te sęgę Genuai Bidiba munama, tama agaba wado ilibo dao.

Jopgo Po Asęani Elalubo Buku 17:8

Te doloba pai bidi dabe augwali magi naide dwai sę me isąwai bidi dabe augwaligo e nai eno tigide pedalobo sulama, augwali noma salio. Tama augwaligo suali, dwai bidi dabe bugagia bidibo suali. Tama augwaligo augwalide homu sębę mu yali.

Kolesaga Koneai Bidigo Pusali Po Elalubo Buku 8:13

“Te dwai kolesaga ebo bidi da, te aga bugagia me bidigobeo. Te aga pęwadage sogo naga te tǫde bidaibao, magi baso meni, aga te God dologoba pelama bidibeo.”