Godigo Nogi Ugwaba Sabo Tęąbi Po Wabo Buku Dabe 36:4 - Godigo dwagi yai po buku

⁴ Aga te betide pila mudu, tama te dwai sę yabo kolesaga te homu kone paludaibao. Agai te dwai sę ebo sunumi naga wali pidu, tama te dwai sę ebo kolesaga tudiba me mugobeo.

Godigo Nogi Ugwaba Sabo Tęąbi Po Wabo Buku Dabe 36:4 Referans Kwoze

Maika 2:1

Te dage dwai kolesaga yabo homu ebo bidi, te hobede ya, te dage dolaibao! Dage te hulide godege me pisąma, dagego te dwai kolesaga yabo homu naga eyu, te kigamu mu dage hodaluama, te sę ebo dao, magi baso meni, dagego te sunumi gegali dao.

Bugagia Bidibo Kolesagade Po Asęai Buku 4:16

Magi baso meni. Te dwai sę ebo bidi dabego te dwai sę me isąbadi da, teda augwali me pigobeo. Te augwali gasa bidiba te dwai sę bolo elama da, teda augwali te bugagia pibaso usu ebo dao.

Polgo Po Pas Rom Dabeba Asęani 12:9

Duga hasi dagego duga ama dabebolo dwagi yai homu eyu godolo eba wida, teda dagego homu mu naga eyu augwali godolo mu ela pao. Tama tiyu, dagego te dwai kolesagaba tudi mu ola menama, tama dagego te wiegi yai kolesagaba homu mu kęą sao.

Aisaia 65:2

Te tigidali side eno nogo dinigalubao, tama eno te eno po sela sąbo we bidi ma sainu tonalubao, te dwai kolesaga ebo sunumidu augwa homugo digi wali bilibo we bidi te ma sainu tebo dao.

Kraisgo Geme Dualali Sę Pedelabo Po Jonbolo Ola Mani 2:2

Te nago ebo kolesaga tigidali eno koneani, te nage sę dene ebo dao. Te me eno koneai, nage bomo elama sęgę bugagia tolama dolaluyu, tama nago te dwai sę ebo bidi dabe augwali hagela mu yai. Te bidi dabe augwaligo nagebolo te po wai, ‘Da me te Jisasgo sę ebo bidi dabe dao’ wai. Tiali goli te menio, augwali te Jisasgo sę ebo bidi dabe menio. Tama nago augwaligo wabo po osola suai dao, tama nago augwaligo ebo kolesaga page gegelama koneai, tama augwali te ili po naga wabo bidi dabe dao. Nago tama yali augwali osola suali sę eno koneai.

Godigo Nogi Ugwaba Sabo Tęąbi Po Wabo Buku Dabe 97:10

Genuai Bidigo te dwai kolesaga wei isąbo we bidi dabe augwali te agai wei homu mu ebao. Agai te aga we bidi dabe bugagia tonalu, tama augwali te dwai bidi dabego nogode ma sabo dao.

Polgo Po Pas Rom Dabeba Asęani 1:32

Te Godigo te tobage dwai sę ebo bage dali ebo homu e tiwai dao: “Te tobage haniani dwai kolesaga ebo bidi dabe augwali isimainao, te dolo mu dao,” agai te homu ebo dao. Te dwai kolesaga ebo bidi dabe augwaligo te Godigo ebo homu bugagia koneai goli, koneama tagalama, augwaligo te tiwai dwai kolesaga yai. Tama augwaligo te sę naga me ebeo. Menio. Te augwaligo te tiwai dwai kolesaga ebo gasa bidi dabe augwali nogi me ugwaba siyu, te sę usu dao weyu yai.

Godigo Sęba Tagala Palai Bidigo Po 23:12

Te do kigamu Juda hani bidi me badu sisinani, augwaligo yabo sę po dodolali. Tama augwaligo te po bodolu Godibolo dąų walama, te po wai, “Dago tubo nai me, ąį me gisilama, Polbolo polasa ela muaibao. Tilama, nosali dago nai me ąį me ma tueibao,” wali.

Matyu 27:1

Te be posa pabode, tama te tigidali Godibolo nai ula mabo pris genuai bidi dabe badi, te Juda hani tobolu bidi dabe dali, augwaligo po minama, Jisas elabo po olama, tama deli homu elama te po dąų wai.

Maika 6:8

Genuai Bidigo dabolo te wiegi yai kolesaga yabo po walio. Tama agai homugo dago te tiwai kolesaga naga emainu yai. Dago te doloba pai kolesaga wali pao, te gasa bidi dabe homu dene eyu, tau sao, te dena homu kolesaga digi tegaluama, te dena God dali deli haliga elama bidiyu, tama aga wali pabo usu dao.

Amos 5:15

Dwai kolesaga ebo tudiba muao, te wiegi yai kolesaga naga godolo eyu, wali pao. Dagego doloba pai po tų naga yao. Te dagego tama tiyu da, te Genuai Bidigo dage dolisąwai dwasianu me bidibo Josepgo hani bage homu dene eyu, tau saibao.

Jeremaia 8:6

Eno augwaligo poba olo bugagia mubadi, tiali goli eno augwaligo mu po wabo me odobeo. Te bidi me deligo homu begeligi soyu, te po weyu, ‘Tegobao, eno genuai sęgę mu sali,’ po wabeo. Menio. Tigidaligo augwa homu naga wali pabo homu yali, te ami dabe hosde dugulama, te hwįgi painogo udabo tiwai ebo dao.

Jeremaia 6:16

Genuai Bidigo aga we bidi dabeba e tama po wai, “Te dagego mena sunumi wali pabo homu ebaso da, te bugagia homu kone palao. Dagego te duga wąį nǫų dabego wali te wiegi yai sunumi gegao. Te dagego me te sunumi wali pobaso, tama te nai dabego dageba sęgę masiąyu, te duga haliga te toma nomainu ilao,” wali. Tialima, te Israel dabego te po wai, “Dago te sunumi wali me pogobeo,” wali.

Bugagia Bidibo Kolesagade Po Asęai Buku 24:23

Te wiegi yai homu kolesaga elalubo bidi dabego me te po pusali. Te bidi dabe te po tųba asobo sogo, te jasgo te meba tau siyu, meba aiyaba elalubo, te dolo me ebeo.

Godigo Nogi Ugwaba Sabo Tęąbi Po Wabo Buku Dabe 52:3

Nago te wiegi yai kolesaga wei me isiąyu, nago te dwai kolesaga naga wei ebo dao. Nago te mu po wabo kolesaga wei meni yai. Nago te tibo po wabo kolesaga naga wei ebo dao.

Godigo Nogi Ugwaba Sabo Tęąbi Po Wabo Buku Dabe 38:12

Te ena ela muainu ebo bidi dabe, augwaligo te ena tola somainu yabo bono gągą sisi elama, muani. Te ena dolainu ebo bidi dabe, augwaligo te enaba dwai sę yabo po miani. Tama sesemane sogo augwaligo enaba dwai sę yabo homu kolesaga ebo dao.

Jopgo Po Asęani Elalubo Buku 15:16

Tiali goli, da tǫde bidi da, da dwagi yai mu menio. Dago kolesaga da, damua pai mu dao. Dago dwai sę yabo homu godolo naga ebo dao, dogoni wa pai bidigo wę gegebo tiwai dao,” wali.

Esta 6:4

Tialima, king bidigo augwalibolo hanalu wali, “Te eno sę tonalubo bidi ofisa bidi meba te bede bidibowe, ma meniwe?” Tama te po obadi, megi naga tama Hamango te tuni bidibolo hanalu wainu asali, te agai sisi ilali nide te Mordekai walainogo hanalu wagasali. Tama Haman aga digi te tuni bidigo be obo tomoba solama, asalio.

Esta 5:14

Aga we Seres badi, te aga abagi dede augwaligo agabolo te po wai, “Moni homu me igio. Te bidi dabe augwalibolo olama, augwaligo te ni bobobage me deli tulao, te aga bobobage usu nama nedebo, te bidi sese tama 20 mita, tama do kigamu nage te tuni bidi bidibo madi pelama, te Mordekai te nide walabo po hanalugi pagameo. Te tiwai eyu da, te nage homu wiegi yai elama, te nage nai tugi paibao,” wali. Hamango te wiegi yai po da te homu yai, tama agai te bidi dabe mebabolo olama, tama augwaligo te Mordekai walabo ni me deli tulai dao.

1 Samuel 19:11

Tama te sogo hulide Solgo te sę bidi meba tagala palama, te Devit te bede tonalumainu, te tiwai ebaso te Devit wi pisiąbadi, tama Solgo aga te kigamu te beba aselama, te bede ela muainu tialio. Tiali goli, Mikal, te Devitgo wego, te Devitbolo te tiwai po walali, “Megi e sogo hulide naga nage wi pao. Te meni yani da, te do augwaligo nage ela muaibao,” wali.

Bugagia Bidibo Kolesagade Po Asęai Buku 24:2

Augwaligo te bidi dolabo homu naga elama, tama augwaligo te sesemane sogo po miyu, te dwai sę pedalubo kolesaga ebo dao. (20)

Jeremaia 4:22

Genuai Bidigo tama po wali, “Eno we bidigo homu kolesaga wiegi yai me elalubeo. Augwaligo ena me konebeo. Augwali te homu kolesaga konesiąwai wai puluba tiwai elalubao, te augwali umuna pai elalubao. Augwaligo te dwai sę ebo mu konea pai elaluali, tialima augwaligo te wiegi yai kolesaga ebo me konebeo,” wali.