Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 35:10 - Godigo dwagi yai po buku

10 Tama te eno usu da po mu te Godiba waibao, “Genuai Bidi, te nage tiwai me deli elalubeo. Nago te bomo meni yai bidi dabe bugagia tau sabo dao, tama te bomo mu ebo bidi dabego augwali dolainu ebo te usu me egobeo.”

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 35:10
31 Referans Kwoze  

Genuai Bidi, eno te tama koneani, nago te nai meni yai bidi dabe te po tų ebode tau siyu, tama te magi doado bage sǫą pali bidi dabe tau sabo dao, te bidi dabego augwaliba dwai sę ebo sogo tama tibo dao.


“Genuai Bidi Yawe, mena gasa god bidibo te nago bomo tiwai dawe? Me deli menio. Nage te polalubo tuni bidi te nage ugwadu tama tigidali wiegi yai tedali mu dao. Tama niwai bidi te nage dali usu tiwai dawe? Me menio. Nago te bidigo isąwai bomai sę eyu, tama genuai sę ebaso, te we bidi augwali nagede wi mu ebo dao.


Magi baso meni, agai te magi nai meni yai bidi dabe tau selama, tonalu ebao, te bidi dabego augwali po tų eyu, tama te augwali isimaina obaso, te usu me egobeo.


Genuai Bidi, te God nage tiwai me deli elalubeo. Te Israel hani isąwai dabego augwa god wabo nai dabe da, augwali te tibo god dabe naga dao. Nago augwali aiyaba elaluai. Tama te bidi me deligo te nago ebo sę tobage tiwai me elalubeo.


God, nago doloba pai kolesagago te tigidali badu usu nani, tama te tigidali we bidigo gedude te pepeli dilide elalubao. Nago genuai sę mu yai. Te tǫde bidi me deli te nage tiwai me elalubeo. Menio. Nago tigidali mu elaluai dao.


Nago eno homu dwagi yai ma ilao. Mu tamao, nago ena aiyaba elaluai, tama nago eno sęgę wei ponai, tialima, megi eno dwagi yai homu ma yaibao.


Agai ena te boi bidi dabego bomai nogode me, te ena wei isiąbo bidi dabego nogode ma salio. Te bidi dabe augwaligo bomogo te eno bomo aiyaba elaluai dao.


Nago enaba wado ebaso, tama ena dwai gasi yai. Eno sęgę elalubaso, tama eno tigi bomo mu meni yai.


Genuai Bidigo aga mu tonaluaibao, tama agai tigigo dili me deli me togwa pogobeo.


Te eno ena dwai sę yali po te Godibolo pususiąbadi digi, eno te giligade me hulide dwai gela wali. Tama eno tigi bomo kimi mu meni yai.


Eno bomo tigidali silalio, augwa te tǫba wę gelama, te soa sabo tiwai gilama yai. Te dili ununani tigidali te guda pai. Eno homu te mu nagamea pali, te posolo yai ili wę pedalubo tiwai yali.


Tiali goli, menio. God, nago te dwai sę ebo bidi dabego kolesaga subo dao. Tama da gasa we bidi dabeba te sęgę me dene mabo, te nago koneani, tama nago da tau sainu sisi yai. Te bomo meni yai bidi aga digi te nage nogoba muani, magi baso meni, te sesemane sogo nago te magi nai meni yai bidi tau sabo dao.


“Ena Genuai Bidi, ena te Wiegi Yai Doloba Pai Kolesaga Tigidali Ebo God dao, tama ena tiwai de dawe? Te eno kolesaga ebo tobage kolesaga ebo bidi tiwai me deli elalu, bidibawe?”


Tama tialima, God te de mu tiwai dawe? Te elalubo nai me deli te God tonobo tiwai ebo da, agawe?


Te eno bidibo ula te sia hano tiwai dao, te dwasianu sogo naga elaluama, tama pela silaibao. Tama eno tigi posolo mu dao, te genuai siago ulubo posolo tiwai ebo dao.


Genuai Bidigo te doado bage sǫą pabo we bidi dabego gedu haluasa po wabo odali, tama agai te aga we bidi dabe te kalabuside bidibo bage te homu kone ebo me tagalugobeo.


Te dwai sę ebo bidi dabego te bainat hwą dią siyu, tama te enesigi kegelama, te nai meni yai bidi dabe, me te magi doado bage sǫą pabo bidi dabe enainu yaibao. Augwaligo te doloba pai kolesaga wali pabo we bidi dabe ela muabo homu ebo dao.


Te sęgę elalubo bidi dabego te Genuai Bidiba gedu haluasa po obaso, tama agai te augwaligo gedu haluasa po wabo odolama, tama augwa te tigidali sęgęde te augwali tau sali.


Agai te magi doado bage meni yai bidi dabe tudiba me mubeo. Agai te augwalide sęgę me dene ebo te olo nai da homu me egobeo. Tama aga te augwalide digibulu me bidigobeo. Menio. Agai te augwaligo usu da weyu, gedu haluasa po wabo odobo dao.” Eno tama po waibao.


Nage te tigidali hani we bidigo king bidibao, tiyu tigidaligo nagede wi elama, te nage dologode bidibaso usu yaibao. Te nago koneani wiegi yai homu kolesagago te king dabego koneani homu kolesaga, me te po page konea pai bidi dabego homu kolesaga, me te tigidali hani we bidigo kolesaga me, te aiyaba mu elaluai dao.


Te eno boi bidi dabe augwaligo bomo mu ebaso, tama eno augwali aiyaba elaluainu ebo usu meni yai. Tiali goli, Genuai Bidigo ena te augwali nogode ma dobola sali.


God, nago eno homu kolesaga tomode meda meni yai dwagi yai gesi kolesaga ilibo sę ma yao. Awe, ena nage dali homugo kęą pai bidi pedalumainu yao.


Genuai Bidigo dwagi yai sę we bidi augwali gasa dwai bidi dabego dwai sę dologode bidibadi tau sabo dao. Tama agai augwali ma hodolama, augwali bugagia bidibo dao.


Mu tama, te doloba pai we bidi dabego te nago nogi ugwaba siyu, tama te augwali nage dali sesemane bidada paibao.


Te boi bidi dabego dologode dwai mu bidibo te we bidi dabe te Genuai Bidigo tau sabo dao. Tama agai te nai sili bidalubo we bidi dabe nai mabo dao. Genuai Bidigo te kalabuside bidibo bidi dabego kalabus silimainu ebo dao.


Te Genuai Bidiba balia po weyu, agai nogi ugwaba saibao. Magi baso meni, agai te walu doado bage meni yai bidi dabe tau siyu, tama te dwai sę ebo bidi dabego aga aiyaba me elalugobeo.


Swiv nou:

Piblisite


Piblisite