Godigo Nogi Ugwaba Sabo Tęąbi Po Wabo Buku Dabe 34:9 - Godigo dwagi yai po buku

⁹ Te Genuai Bidigo we bidi dabe, dage te aga dologode bidao. Magi baso meni, te aga dologode bidibo bidi dabe da, te augwali magi nai deli me sǫą pogobeo.

Godigo Nogi Ugwaba Sabo Tęąbi Po Wabo Buku Dabe 34:9 Referans Kwoze

Polgo Po Pas Rom Dabeba Asęani 8:32

Agai aga Ogwa digi te dabolo mawainogo homu si me ebeo. Menio. Agai aga tagala palali te agai da tigidali tau sagasomainogo olo tagala palalio. Agai aga Ogwa digi da tau somainogo mobaso, teda mu tama dao, agai homugo te gasa nai me tigidali te olo mu dabolo te aga dali mawaibao.

Filipai 4:19

Tama ena wali pabo God agai dage bugagia wei ponaibao. Dage Krais Jisas dali wadolama tama dagego mena nai sǫą pobaso da, teda agai umabo elalubo wiegi yai ula yai naigo dage tau siyu, tama dage me mu pągąna paibao.

Godigo Nogi Ugwaba Sabo Tęąbi Po Wabo Buku Dabe 23:1

Genuai Bidi te ena tonalubo bidi da, tama ena te aga sipsip me deli tiwai dao. Tama tiyu, te magi nai me deli ena me sǫą pogobeo.

Godigo Nogi Ugwaba Sabo Tęąbi Po Wabo Buku Dabe 31:23

Te Godigo we bidi dabe, dagego aga wei eyu, godolo mu yao. Agai te aga wali asobo we bidi dabe bugagia tonalubo da. Tiali goli, agai te hagoma ebo we bidi dabeba te dwai dene dolo wei ponobo dao.

Godigo Nogi Ugwaba Sabo Tęąbi Po Wabo Buku Dabe 89:7

Te ensel dabe augwa polalubo dabe te po miting ebo sogo augwali te nagede wi ebo dao. Tama te nage bagualubo gasa ensel tigidali, augwali te nagede wi mu ebo dao.

Tigidali Nai Gagalama Nigali Side 22:12

Tama Mobo Bidi Enselgo te po wali, “Nago te wai elamuo. Nago magi sę me deli aga dali me igio. Nago ogwa deli naga elalubadi, tama nago aga yogo eyu, dąų me wabeo. Tama tibaso, eno koneani, nage te Godigo po odobo bidi dao,” Yawego Ensel Mobo Bidigo te po wai.

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Godigo Nogi Ugwaba Sabo Tęąbi Po Wabo Buku Dabe 22:23

Eno tama po waibao, “Dage te Godigo hani da,” po waiba, “aga nogi ugwaba sao. Dage Jekopgo hani, te Genuai Bidigo nogi ugwaba sao. Awe, dage te Israel dabego hani, dagego agaba lotu wabo po wao.

Godigo Nogi Ugwaba Sabo Tęąbi Po Wabo Buku Dabe 2:12

Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.