Godigo Nogi Ugwaba Sabo Tęąbi Po Wabo Buku Dabe 34:5 - Godigo dwagi yai po buku

⁵ Te tigidali we bidigo sęgę elaluali, tiali goli te augwa Genuai Bidiba konealubo homu dąų weyu, te augwa wiegi yai homu pemene yaibao. Tama tiyu, te augwa konealubo homu dąų wali te me dolobeo, augwali tede hale munu me egobeo.

Godigo Nogi Ugwaba Sabo Tęąbi Po Wabo Buku Dabe 34:5 Referans Kwoze

Hibru 12:2

Tama tiyu dago gedugo Jisasba naga tonono iyąo, aga te dago agade konealubo po dąų wabo kolesaga page bidi, tama nosali agai dago agade tią pabo kolesaga ebo mu usu naibao. Polobadu Jisas aga homugo te wiegi yai homu pemene yabo sę te nosali sabo homu elama, tama aga bomo elama bidali, tama aga dene bugagia tolama aga ni pedaide isai. Agai homugo te ni pedaide hale sabo te olo nai tiwai da, te homu yai. Tama megi da agai genuai nogi elalubaso, aga te God dulalubo sia saide te dolo nogo badude megi dulaluyu bidibo dao.

Godigo Nogi Ugwaba Sabo Tęąbi Po Wabo Buku Dabe 25:3

Awe, nageba te konealubo homu ąų wabo bidi dabe, te augwaligo konealubo odolali dąų omainu elama, tama me tagaliyu me egobeo. Menio. Te nageba hagoma polo ebo bidi dabe, augwali naga te dwai dene somainu elama, tama augwa yali kolesagade hale yaibao.

Godigo Nogi Ugwaba Sabo Tęąbi Po Wabo Buku Dabe 18:28

Te enade digi te Genuai Bidigo ula elalubao. Awe, tama ena Godigo te enade hulia sai elalubo te sela sąbo dao.

Godigo Nogi Ugwaba Sabo Tęąbi Po Wabo Buku Dabe 97:11

Godigo te doloba pai we bidi dabeba ula mayu, tama augwali homu pemene ilibo dao.

Godigo Nogi Ugwaba Sabo Tęąbi Po Wabo Buku Dabe 36:9

Magi baso meni, nage te tigidali naigo bidibo ula page bidi dao. Tama nage te ulago page da. Dago te nagede naga ula siyu, tama da bugagia bidibao.

Aisaia 60:5

Nago te tebo sulama, te nago gesabidi ula umagia mu yaibao. Te nago hoboludu dali pua pelama, genuai pemene yaibao. Te genuai sipidu wiegi yai nai hauwa nageba sesaibao. Te nago mone hauwa mu te tigidali tǫ kantride saibao.

Aisaia 45:22

“Dage tigidali bulu tǫ habu we bidi dabe, dage enaba asiąo, te dage bugagia bidaibao, magi baso meni, enaduba deli ena God, te gasa god munu me bidibeo.

Godigo Nogi Ugwaba Sabo Tęąbi Po Wabo Buku Dabe 13:3

Genuai Bidi, nage eno God da. Nago enade homu koneama, te eno gedu haluasa po wabo odao. Te ena isidali weyu, nago ena dąų ma walao.

Godigo Nogi Ugwaba Sabo Tęąbi Po Wabo Buku Dabe 83:16

Genuai Bidi, nago augwali aiyaba mu elalubaso, tama augwali hale dwai mu eyu, tama augwaligo nage wali pabo homu yaibao.

Esta 8:16

Tama Juda dabe augwali homu bugagia mu tegaluama, tama nagame yai homu elama bidai. Augwali wiegi yai homu pemene mu elama, tama augwaligo kone palali, te usu si yali homu elama, tama augwali hagabo usu me egobeo homu yai.

2 Samuel 19:5

Tialima, Joap te kingo beba pelama, tama agaba te tama po wai, “Odao. Megi nago te naga ami bidi tigidali te dwai hale mu ilibo sę yalio. Te sogode naga te bidi dabego nage tau salio. Tama nage dali, te nago we wai, me te nago si wali we hani dabe dali, te dage tigidali me dolobeo.

1 Samuel 23:13

Devitgo te po odama, tialima te polo mu tama aga hani bidi dabe selama, te megi da augwali namba te tama 600 bidi elaluali. Tama tigidali hogodama, tama te Keila bulu tagalama palio. Augwali te hauwa pedai badu tedela bilali. Te Solgo te Devit te bulu Keila tagalama wi pali po odobo side, teda Sol te Keila buluba pabo homu me ebeo.

Godigo Nogi Ugwaba Sabo Tęąbi Po Wabo Buku Dabe 3:5

Ena te betde pibo, te ena isibo tiwai ebo dao. Kigamude ena ma hodasa holama, tama ena bugagia bidibao, magi baso meni, Genuai Bidigo ena tonaluali.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Godigo Nogi Ugwaba Sabo Tęąbi Po Wabo Buku Dabe 50:23

Te enaba usu da weyu, gedu haluasa po weyu, te enaba ofa mabo tiwai ebo bidi, agai te eno nogi ugwaba sobao. Tama eno te po wali pabo bidi dabe te eno ma dobola saibao,” po wai.

Godigo Nogi Ugwaba Sabo Tęąbi Po Wabo Buku Dabe 138:3

Te eno nageba i wabo sogo, nago eno gedu haluasa po wabo odolama, tama nago naga bomo digi enaba menama, tama ena bomo mu elalu bidalio.