Godigo Nogi Ugwaba Sabo Tęąbi Po Wabo Buku Dabe 33:6 - Godigo dwagi yai po buku

⁶ Genuai Bidi Godigo te po naga obadi, tama te giliga, me polua, me hǫ dabe te dagalude pedelai. Awe, agai po naga obaso, tama tigidali nai te ogwade pedelai dao.

Godigo Nogi Ugwaba Sabo Tęąbi Po Wabo Buku Dabe 33:6 Referans Kwoze

Hibru 11:3

Dago Godide konealubo po dąų olama tama agade tiąlubaso, dago koneani, Godigo agai po wabogo e tǫ de dagalu si nigai. Tama agai tama tialigo da, tigidali nai megi dago gedugo subo, te Godigo dago susiąbo naigo nigai dao.

2 Pita 3:5

Tama tiyu, augwaligo homugo te Godigo polobadu yali sę konebo hagela homu yai dao. Te polobadu mu Godigo po obaso te dagalu pedalama elaluai, tama tǫ te wę tomodu pedalama, tama te wę tomode te tǫ elaluai dao.

Jopgo Po Asęani Elalubo Buku 33:4

“God Tigidali Bomo Elalubo Bidigo Mobo Bidigo ena nigai dao. Tama agai mobo ena menama yaligo ena bidibao.

Godigo Nogi Ugwaba Sabo Tęąbi Po Wabo Buku Dabe 33:9

Magi baso meni, agai po naga obaso, tama te tǫ pedelali. Agai bomai po waligo, tama tigidali nai elalubao.

Tigidali Nai Gagalama Nigali Side 2:1

Tama tialima, Godigo te dagalu e tǫ si nigila siliyu, tama tigidali nai me nigila silai.

Tigidali Nai Gagalama Nigali Side 2:7

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

Dwagi Yai Gesi Po Jongo Asęani 20:22

Jisas agai te po olama, tama aga mobo augwalibolo ponai, tama augwalibolo te po wai, “Dagego Godigo Dwagi Yai Mobo Bidi te sao,” Jisasgo te po wai.

Tigidali Nai Gagalama Nigali Side 1:6

Nosali Godigo te po wai, “Te wę ugwaba sagolabo dąį me deli pedelama, te wę si badu elalumainao,” wali. Tama te nai pedelali.

Jopgo Po Asęani Elalubo Buku 26:13

God aga digi bomai wali tagala palama, te pǫ dabe sela sąwai dao, tama dagalu sisi ma yai dao. Tama aga nogogo digi naga te bulu hwa gula mani ma isilai dao.

Tigidali Nai Gagalama Nigali Side 6:7

Homu dene mu eyu, tama agai te po wali, “Te eno nigali bidi tigidali te eno ela silaibao, te augwali menade bidada pabo te mu silaibao. Te eno tigidali hasa sibi dabe tigidali me, te ba dabe me, te nai dabe me, tigidali silaibao. Magi baso meni, ena digi ena te nai dabe nigali goli, augwaligo ebo kolesagago enaba dene ilibo dao, tama wiegi yai homu pemene ma egobeo,” te po wai.

Polgo Po Pas Rom Dabeba Asęani 1:25

Da bidi dago te Godigo nogi sesemane bidada pabo sogo ugwaba sidu geao. Mu dao. Tiali goli te tobage bidi dabe augwaligo te Godigo mu po tagalama tama hasegelama tibo po sali. Tama tiyu, augwaligo te tigidali nai nigali God tagalama, tama augwaligo agai nigali naiba naga lotu po weyu, tama augwaligo teba sę yali.

Godigo Nogi Ugwaba Sabo Tęąbi Po Wabo Buku Dabe 104:30

Nago mobo augwali mobaso, augwaligo bidibo ula sabo dao. Nago tigidali nai tǫde gesi ma pedelabo dao.

Tigidali Nai Gagalama Nigali Side 1:1

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.

Bomai Po 4:19

Tiyu dagego dagalude elalubo subo nai dabeba lotu po waidalio, te giliga, me polua, me hǫ dabeba lotu olamuo. Menio. God dago Genuai Bidigo te gasa we bidi dabego te nai dabeba lotu omainu sula tagalai dao.

Jeremaia 8:2

Te Juda dabego te giliga, me polua, me hǫ dabe, te godolo homu mu yalio. Tama augwa te nai dabeba kidu sugunama, gedu haluasa po augwaliba weyu, te augwali tau somainu augwaliba hanalu wali. Te augwaligo te tobage kolesaga dabe augwaliba lotu weyu ebo sę dabe yali. Tama tibaso, te boi bidi dabego te Juda dabego tigi dili dabe selama, te tǫba sąyu, te yowigo di tabo tiwai yaibao. Te giligago, me poluago, me hǫ dabego te tigi dili sueibao. Tama te dili dabe selama, te ma pubulabo bidi dabe meni yaibao.

Jeremaia 10:16

Tialima, Jekopgo God te tama me tegobeo. Aga te tedali gasagi yai mu dao. Agaduba deligo naga te tigidali nai nigali. Tama agai te Israel dabe dąį elama, sa muani, te aga hani tiwai da wali. Aga nogi te e dao, Tigidali Bomo Elalubo Genuai Bidi dao.