Godigo Nogi Ugwaba Sabo Tęąbi Po Wabo Buku Dabe 33:3 - Godigo dwagi yai po buku

³ Te gesi tęąbi po wao. Te gita bugagia eliyu, tama wiegi yai musik mu weyu, tama bomonama i dali wao.

Godigo Nogi Ugwaba Sabo Tęąbi Po Wabo Buku Dabe 33:3 Referans Kwoze

Aisaia 42:10

Dage tǫde we bidi tigidali, dagego gesi balia po weyu, te Genuai Bidi nogi ugwaba sinao. Dage te sipidu bilibo bidi dabe, me te tamu ąįde bidibo hasa dabe, dagego agai nogi ugwaba siyąo. Dage te digibulu tǫ kantride bidibo we bidi dabe, dagego te gesi balia po waiyąo.

Efesus 5:19

Tama tiyu, dagego duga hasi duga ama dedego noma bidi mobo dąų omainogo, dagego haniani dwagi yai balia po wao. Tama te lotu balia wabo buku nogi Sam, te bukude elalubo Godigo nogi ugwaba sabo po me, te Jisasgo nogi ugwaba sabo tęąbi po me, te po tama duga ama dedebolo wao. Tama tiyu, bomo eyu te dago Genuai Bidibolo me aga nogi ugwaba sabo balia po dali lotu tęąbi po dali wao.

Tuni Bidi Dabego Po Elalubo Buku Deli 25:7

Te Genuai Bidigo nogi ugwaba siyu te tęąbi dabe bugagia wabo skul bugagia wali te bidi dabe dali te gasa meba Livai dabe daligo namba te 288 bidi dao. Te tigidali bidigo te musik wabo mu konea pai dao.

Kolosi 3:16

Krais agai ola mani po te wiegi yai po mu naga dao. Tama te po dagego homude bugagia elalumainao. Duga hasi dagego wiegi yai homu kolesagago Kraisgo po ola mayu tama dua dao, e pode geda mugio, te tobage po weyu duga hasi ola mao. Tama tiyu, tama dagego haniani balia po wao, tama te lotu balia wabo buku nogi Tęąbi Po Buku, te bukude elalubo Godigo nogi ugwaba sabo po me, te Kraisgo nogi ugwaba sabo tęąbi po me, te Godigo Mobo Bidigo mabo haniani tęąbi pogo me duga hasi ola mao. Dagego duga homude Godibolo usu da po weyu tama te balia po wao.

Godigo Nogi Ugwaba Sabo Tęąbi Po Wabo Buku Dabe 96:1

Dagego gesi balia Genuai Bidiba waiyąo. Dage tigidali tǫde we bidigo te Genuai Bidiba balia po waiyąo.

Kraisgo Geme Dualali Sę Pedelabo Po Jonbolo Ola Mani 5:9

Tama augwaligo gesi tęąbi me tama wai, “Nago te buku selama, te dąų wali nai togobo usu mu dao. Magi baso meni. Augwaligo nage ela muani, tama nago isibo kanemego te bidi dabe augwali ma abelai, te augwali Godibolo mayu tiai dao. Te nago tigidali we bidi hanide we bidi meba abelali, te tigidali haniani po wabo bulude me, te tigidali haniani tigi yai bidi hanide me, te tigidali genuai tǫde bidibo bagede me te nago we bidi meba abelai.

Godigo Nogi Ugwaba Sabo Tęąbi Po Wabo Buku Dabe 144:9

God, megi da, eno te gesi balia po nageba waibao. Te eno gita eliyu, tama nageba balia waibao.

Godigo Nogi Ugwaba Sabo Tęąbi Po Wabo Buku Dabe 98:1

Dago gesi balia Genuai Bidiba wao. Agai te haniani wiegi yai sę yai. Te agai genuai bomogo, tama aga tedali wiegi yai kolesagade naga, agai te hwįbo boi bidigo bomo aiyaba elaluai.

Tuni Bidi Dabego Po Elalubo Buku Deli 13:8

Tama Devit dali te tigidali Israel dali dwagi yai homu eyu, te karis sela pelayu, te augwa tęąbi wabo sę genuai eyu musik weyu, te Godigo nogi ugwaba mu salio. Augwa te bu wabo nai biugel ponoyu, te hąbidi me gita eleyu, te musik wabo sę haniani mu yalio.

Kraisgo Geme Dualali Sę Pedelabo Po Jonbolo Ola Mani 14:3

Tama te genuai hani we bidi augwaligo gesi balia me deli te tuni bidi God dulalubo gesabidide bidibadi te balia weyu, tama te bidibo ula elalubo hasa me si me si gedude me, te polalubo tobolu bidi augwali gedude me te balia wai. Te we bidi hauwa umabo mu te 144,000 augwali Godigo te tigidali tǫde we bidi bidibo tomode agai augwali dią selama tama ma abelali, te augwaligo te gesi balia wabo koneabo te usu yaibao. Tama niwai gasa bidi agai te balia koneainogo ebo usu munu me egobeo.

Godigo Nogi Ugwaba Sabo Tęąbi Po Wabo Buku Dabe 149:1

Te Genuai Bidigo nogi ugwaba sao. Te gesi balia Genuai Bidiba waiyąo. Tama te we bidi dabego aga sesemane sogo wali peyu, augwa te lotuba sisinibo sogo, dago agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 40:3

Agai te gesi tęąbi po me deli enaba mani, te agaba konealubo homu dąų wabo God nogi ugwaba sabo tęąbi po dao. Te bidi hauwago te agai enade yali sę po odolama, tama augwa wi elama, tama augwa te Genuai Bidiba konealubo homu dąų omainu yaibao.

Tuni Bidi Dabego Po Elalubo Buku Si 34:12

Te bidi dabe augwaligo wiegi yai sę mu yali. Te kingo ofisa dabego te Livai dabego te sę ebo bidi dabe tonalumainu sa muani. Te Livai dabe augwaligo nogi e dao, Jahat, me Obadia, te Merari hani, me Sekaraia, me Mesulam, augwali si te Kohat hani dao. Tama te Livai dabego te gitago te musik elebo mu konea pali.

Tuni Bidi Dabego Po Elalubo Buku Deli 15:22

Augwaligo te bidi Kenaia dąį ilama te halobage sela asobo sę tigidali tonaluali, magi baso meni, agai te tobage sę ebo mu koneai bidi. Kenaiago te tobage sę sesemane sogo tonalubo sę ebo bidi bidai.

Godigo Nogi Ugwaba Sabo Tęąbi Po Wabo Buku Dabe 40:4

Bidigo konealubo homu te Genuai Bidiba dąų wabo bidi da, te aga wiegi yai homu pemene yao. Te hagoma ebo bidi dabe wali pisąbo bidi tiwai, tama te Genuai Bidi me tagalisiąma, tama te tibo god dabeba lotu po me wagobeo. Mu menio.