Godigo Nogi Ugwaba Sabo Tęąbi Po Wabo Buku Dabe 31:21 - Godigo dwagi yai po buku

²¹ Genuai Bidigo nogi ugwaba sao. Agai enaba dwagi yai sę umabo mu elama, tama agai ena tau sabo wiegi yai sę yali, te boi bidi dabego ena pobeasa biliyu, dolainu yali sogo te ena tau sai.

Godigo Nogi Ugwaba Sabo Tęąbi Po Wabo Buku Dabe 31:21 Referans Kwoze

Godigo Nogi Ugwaba Sabo Tęąbi Po Wabo Buku Dabe 17:7

God, nago dabolo dwagi yai homu elama, olo mu tau sabo genuai kolesaga ola mayu, tama ena tau sao. Da nage dali pąde bidiyu, tama boi bidi augwaligo da suidali weyu duala sai.

1 Pita 2:9

Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.

Jeremaia 1:18

Jeremaia, odao. Megi da, eno nage te bomai obo elalubo taun tiwai bomonama dolalumainu yaibao, te ain pos tiwai, me te brasgo nigali obo tiwai elalueibao. Te Juda king dabego, me te kingo ofisa dabego, me te pris dabego me, te tigidali we bidigo te nage aiyaba me elalugobeo.

Godigo Nogi Ugwaba Sabo Tęąbi Po Wabo Buku Dabe 118:23

Genuai Bidigo digi te tiwai elama, tama dago suali, te wiegi yai mu yai dao.

Godigo Nogi Ugwaba Sabo Tęąbi Po Wabo Buku Dabe 98:1

Dago gesi balia Genuai Bidiba wao. Agai te haniani wiegi yai sę yai. Te agai genuai bomogo, tama aga tedali wiegi yai kolesagade naga, agai te hwįbo boi bidigo bomo aiyaba elaluai.

Jopgo Po Asęani Elalubo Buku 5:21

“Ma, te bidi dabego ili po walama, nago nogi aiyaba elaluainu ebaso da, me ma te dwai nai pedalama, tama nage dolainu ebaso da, teda God nage pagede bidiyu, tau saibao, nage wi me egobeo.

Godigo Nogi Ugwaba Sabo Tęąbi Po Wabo Buku Dabe 27:5

Te dwai sę enaba pedalubo sogo, teda agai ena te agai beba geme dualaibao. Te aga wiegi yai beba te sunumi paliama, tama ena geme bugagia mu dualaibao. Te agai ena te genuai masigi mu me deli te daiba dualama, tama ena bugagia bidaibao.