Godigo Nogi Ugwaba Sabo Tęąbi Po Wabo Buku Dabe 31:10 - Godigo dwagi yai po buku

¹⁰ Te ena haliga sęgęgo digi ena bidabo ula pęwadage ilali. Ena gela mu udu gebaso, tama tiyu, te ena sesabi elama me bidigobeo. Eno genuai sęgę mu elalubao, tama tiyu, eno bomo silalio, tama eno dili tigidali dolobo sę ebao.

Godigo Nogi Ugwaba Sabo Tęąbi Po Wabo Buku Dabe 31:10 Referans Kwoze

Godigo Nogi Ugwaba Sabo Tęąbi Po Wabo Buku Dabe 88:15

Te ena gesi ogwa bidide digi gagalasa, te e sogoba megi usu nagasobao, ena te sęgę tolu, tama pąde ena isainu ebao. Nago enaba te dene mabogo te ena nogo sągą dili kimi isalio.

Godigo Nogi Ugwaba Sabo Tęąbi Po Wabo Buku Dabe 38:3

Nago enaba wado ebaso, tama ena dwai gasi yai. Eno sęgę elalubaso, tama eno tigi bomo mu meni yai.

Polgo Po Pas Rom Dabeba Asęani 9:2

E tiwai dao, eno homu sęgę mu elama tama sesemane sogo ena dwai dene ebo dao. Magi baso meni, te eno hani Juda bage augwali meba hauwago Krais tudiba muanio.

Godigo Nogi Ugwaba Sabo Tęąbi Po Wabo Buku Dabe 78:33

Tialima, polo tama mu, te agai augwali dola silalio, te pedauwalide mobo pedelama, te polo pela silibo tiwai yalio. Agai augwali polo tama mu dolama, tama augwali isai dao.

Godigo Nogi Ugwaba Sabo Tęąbi Po Wabo Buku Dabe 39:11

Nago te bidi me deliba wado eyu, tama aga yali sę wei ponoyu ebo dao. Tama nago te agai godolo ebo nai te mu siliyu yaibao, te asobago te ugwa togobo tiwai eyu, tama te ugwa dolobo tiwai ebao. Mu tama, tigidali bidi pedauwalide te po mobo wali asobo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 13:2

Te nisu naga sogo ena te dene tolomainu ebawe? Te nisu naga sogo ulade me hulide te eno haliga sęgę elaluaibawe? Nisu naga sogo ena te boi bidi dabe dologode bididuaibawe?

Jopgo Po Asęani Elalubo Buku 3:24

“Ena nai me tubo meni yani. Eno haligade gela naga wabo. Ena dene dwai mu ebaso, ena hwąwa boma mu wabo dao. Tama eno homu sęgę da, ąį gamiade wę pągąlubo tiwai elama pabo tiwai ebo.

Godigo Nogi Ugwaba Sabo Tęąbi Po Wabo Buku Dabe 71:9

Megi da, ena monu dabe ebaso, te eno bomo me menio, tialima tiyu, nago ena tagalama tudiba muidalio.

Godigo Nogi Ugwaba Sabo Tęąbi Po Wabo Buku Dabe 6:8

Dage te dwai kolesaga ebo bidi dabe, dage geda sao. Godigo eno gedu haluasa po odalio.

Godigo Nogi Ugwaba Sabo Tęąbi Po Wabo Buku Dabe 27:7

Genuai Bidi, te eno nageba i wabo sogo, nago enaba te olo mu tau sabo wiegi yai kolesaga yao. Tama nago eno gedu haluasa wabo po odao.