Godigo Nogi Ugwaba Sabo Tęąbi Po Wabo Buku Dabe 28:5 - Godigo dwagi yai po buku

⁵ Augwaligo te Genuai Bidigo genuai sę te homu konesiąyu, tama agai ebo sę dabede homu konebeo. Tama augwaligo tama tialigo da, teda agai augwaliba te dene mayu, tama augwali tigidali silimainu yaibao.

Godigo Nogi Ugwaba Sabo Tęąbi Po Wabo Buku Dabe 28:5 Referans Kwoze

Aisaia 5:12

Te nai daa tuyu, wain wę tuyu, me haniani musik gitago eliyu, genagego eliyu, hąbidigo eliyu ebo, te dagego mu koneani. Tiali goli, Genuai Bidigo yainu ebo, te sę dabe dagego munu me konebeo. Dagego te sę dabe te olo nai dabe da homu ebo dao.

Polgo Po Pas Rom Dabeba Asęani 1:28

Augwaligo te God augwa homude dąų ola sabo hagela homu yaligo da, teda Godigo augwali te augwa dwai kolesaga page tolalubo bidigo kolesaga wali pomainogo sula tagalalio. Tama tibaso, augwaligo te bidigo isąwai doloba pisąwai haniani kolesaga yai.

Dwagi Yai Gesi Po Jongo Asęani 12:37

Agai yali bomai sę hauwa augwaligo suali goli, augwaligo agabolo homu dąų olama mubeo.

Godigo Nogi Ugwaba Sabo Tęąbi Po Wabo Buku Dabe 10:5

Te agai yali sę tigidali, te wiegi yai pedalubo dao. Agai te Godigo po tų yabode te homu kone dwasianu me ebeo. Agai te boi bidi dabeba te posobo po weyu ebo dao.

2 Samuel 7:13

Te kingo naga te eno be sę emainu yaibao, te eno we bidi dabe augwali ena pąba asomainu emainao. Tama te eno aga hani bidi dabede naga te sesemane bidada pabo sogo king bidi pedalumainu ilaibao.

Polgo Po Pas Rom Dabeba Asęani 1:20

E tiwai dao: polobadu mu Godigo tigidali nai nigali, tama te sogo gagalama megi e sogoba usu nagasali, tama te bidi dabe augwaligo agai nigali nai dabe suali. Tama augwaligo tede te Godigo kolesaga meba koneani, te bidi dabego gedugo susiąbo kolesaga te augwaligo koneagameo. Te aga gasagi yai tedali mu da, aga God dao, te augwaligo hania koneagameo. Tama agai genuai bomo te sesemane sogo bidada pabo bomo dao, silisiąbo bomo mu dao, te me augwaligo agade koneagameo. Tama tibaso, te bidi dabe augwa dwai sę ebo kolesaga te geme dualiyu tama augwaligo te po wei ponabo tų menio, “Dago te God konebeo,” te po me wagobeo.

Hosea 14:9

Te wiegi yai homu kolesaga elalubo bidi dabe, augwaligo te e bukude elalubo po konea sao. Tama eno homugo te augwaligo homu kone palama, tama te po wali pomainao. Te Genuai Bidigo kolesaga te dolo naga elalubao, tama te doloba pai bidi dabego te kolesaga wali peyu bidaibao. Tiali goli, te dwai sę ebo bidi dabe, te augwaligo Genuai Bidigo kolesaga wali pogobeo. Tama tiyu, augwali tulalubo dao.

Jeremaia 31:4

Dage Israel, eno gedude dage te bidi dali pagela pisąwai gesi we tiwai dao. Tama te eno dage bomai hani we bidi ma pedalumainu yaibao. Te gesi ogwa wego pemene elama, hąbidi eleyu, te tęąbi wabo hani dabe dali pemene ebo tiwai dagego yaibao.

Aisaia 45:18

Genuai Bidi naga te God. Agai te dagalu dali, tǫ dali si nigali bomo mu pedelali. Agai te tǫ olo elalumainu nigibeo. Menio. Agai te tǫ page bugagia dodolama, tama tigidali nai tede elalumainu nigali. Agai te tiwai po obao, “Enaduba deli naga ena Genuai Bidi, te gasa god munu me bidibeo.

Aisaia 45:12

Eno naga eno te tǫ nigali, te bidalubo we bidi dabe me nigali. Te ena digi eno te giliga, me polua, me hǫ dabe tonalubo dao.

Aisaia 45:8

“Dagalu, nage te dage pǫ dabe me, dagego te wiegi yai sogo augwaliba ilibaso, te tulubage tǫba tulumainao. Te augwa bugagia bidimainu, te wiegi yai doloba pai kolesaga bomo elama, pedalumainu ebao, te tǫgo tulubage selama, te gide nai dabe bugagia holobo tiwai emainao. Ena Genuai Bidigo digi, eno te sę dabe pedalumainu tebo dao,” te po wali.

Aisaia 40:26

Dagego te dagaluba ugwa tonama, te ugwade elalubo hǫ dabe suiąo. Dego augwali nigai dawe? Te Genuai Bidigo naga nigali. Te nai dabe te Genuai Bidigo ami hani tiwai elalubao. Agai augwaligo namba koneani, te agai augwali deli deli nogi koneama, tama agai augwali nogi nogi yaibao. Agai tigidali bomo mu elalubo, tama tibaso, te nai dabe te augwalide me deli me hagagobeo.

Aisaia 22:11

Tama dagego genuai dedage deli te hanu bobegelali obo si tomode nigai dao, te tigidali uludu asobo wę ge bo dąį elalumainogo. Dagego te tama sę dabe yai dao. Tiali goli, dagego God me kone me ebeo. Agai deligo naga te nai dabe dageba pedalabo po polobadu digi bodolu muai dao.

Godigo Nogi Ugwaba Sabo Tęąbi Po Wabo Buku Dabe 104:24

Genuai Bidi, nago nai hauwa nigai! Nago genuai homu kolesagago koneama, te nai tigidali nigai. Nago nigali nai tigidali tǫde mu pągąwai.

Te Israel me Juda Hani Sigo Tuni Bidigo Po Elalubo Buku Deli 11:38

Te nago eno bomai po tigidali me, te eno po me, te wali peyu, tama nage te eno sa muani te wiegi yai sunumidu biliyu, tama nago eno te wei eyu, godolo homu yabo kolesaga eyu, te Devitgo yali tiwai ebaso da, teda ena nage dali bidiyu, te nage tau saibao. Tama eno nage te Israel dabego king bidimainu yaibao. Tama sesemane sogo eno te nago hanide king pedalumainu eyu, te eno Devit dali yali tiwai gilama yaibao.

2 Samuel 7:27

“Genuai Bidi, nage te tigidali bomo elalubo, tama nage te da Israel dabego God. Tama nago enabolo te tama po pusali, nago te eno wąį nǫų hani bidi dabe te bomo sesemane sogo elaluaiba wali. Tama ena, te naga sę bidi, eno te nageba gedu haluasa po wabo wi me egobeo.

Israel Hanigo Namba 23:23

Ma, te boi bidi dabego pobi weyu, me kebele aulama augwali elali da, tego augwali me dologobeo. Tama tialima, megi te gasa we bidigo te Jekopgo hani dabede te po waibao, ‘Te Godigo Israel bage augwali tau sainogo genuai sę dabe mu yali suao.’

Godigo Nogi Ugwaba Sabo Tęąbi Po Wabo Buku Dabe 8:3

Te eno nago nogogo nigali dagalu subo sogo, tama eno te poluaba me, te tigidali hǫ te nago ugwade muani tonono ebo sogo,