Godigo Nogi Ugwaba Sabo Tęąbi Po Wabo Buku Dabe 28:3 - Godigo dwagi yai po buku3 Nago ena te dwai sę ebo bidi dabe dali aiyaba me elalugio, tama te dwai kolesaga ebo bidi dabe dali me, te tama me tigio. Augwali da te wiegi yai pusu yai pogo homu bega sabo po wabo bidi dabe dao, tiali goli augwali homude te dwai sę ebo kolesaga pągąnalubao. Gade chapit la |
Te tibo profet mebago te bidi dabego augwaligo mone momainu, te dąų wabo po waibao, te augwa wiegi yai sogo elalubaso tibo dao, tiali goli te augwaligo te augwali tibo po ola mawai. Tialima, te augwaligo augwali mone masiąbaso da, teda te profet dabego augwali wi iliyu, te boi bidi dabego augwali dali hwįagasaibao po waibao. Tama tibaso, Genuai Bidigo te tiwai po te profet dabeba obao,
“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.
Tiali goli, menio. God, nago te dwai sę ebo bidi dabego kolesaga subo dao. Tama da gasa we bidi dabeba te sęgę me dene mabo, te nago koneani, tama nago da tau sainu sisi yai. Te bomo meni yai bidi aga digi te nage nogoba muani, magi baso meni, te sesemane sogo nago te magi nai meni yai bidi tau sabo dao.