Godigo Nogi Ugwaba Sabo Tęąbi Po Wabo Buku Dabe 27:1 - Godigo dwagi yai po buku

¹ Genuai Bidi God aga te eno ula page da, tama agai ena tau sabo da. Tama tiyu, te bidi me delide ena midigi me egobeo. Genuai Bidigo naga ena seselalubao, te moni bomai obo tiwai te palialubao. Tama tiyu, te magi nai me delide ena wi me egobeo.

Godigo Nogi Ugwaba Sabo Tęąbi Po Wabo Buku Dabe 27:1 Referans Kwoze

Hibru 13:6

Tama Godigo te po obaso, dago dena homu bomonama tama dago e tiwai po waiyąo, “Genuai Bidi da ena tau sabo bidi dao. Te ena wi me egobeo. Te bidi dabe augwaligo ena dali ebo dwai kolesaga tigidaligo ena dologowe? Menio!”

Godigo Nogi Ugwaba Sabo Tęąbi Po Wabo Buku Dabe 118:6

Genuai Bidi ena dali bidibaso, tama ena wi me egobeo. Te bidi dabego enaba magi sę deli me yainu usu egobeo.

Ma Dobola Sali 15:2

Genuai Bidigo digi ena bomo ilali, tama eno tęąbigo aga nogi ugwaba saibao. Agai ena ma dobola sali, aga da te eno God mu dao, tama eno aga nogi ugwaba sobao. Tama aga te eno ayago God, tama agai genuai nogide eno tęąbi po waibao.

2 Korin 12:9

Tiali goli agai te po enabolo wai, “Woo, te eno olo tau sabo wiegi yai kolesaga nagede usu yai elalubao. Magi baso meni, te bomo meni yai bidide eno bomo hania mu pedalobo dao,” Genuai Bidigo te po wai. Tama ena bomo meni yai da te homu sęgę munu me egobeo. Menio. Ena wiegi yai homu pemene mu tede ebo dao, te Kraisgo bomo enade elalumainogo ebao.

Godigo Nogi Ugwaba Sabo Tęąbi Po Wabo Buku Dabe 84:11

Genuai Bidi, te da seselalubo bidi, te dago genuai nogi elalubo king dao. Agai te olo tau sabo wiegi yai kolesaga dabolo eyu, tama daba genuai nogi mayu yali. Agai te bugagia dolasa bilibo we bidi dabede te mena nai me deli me dąų me ela sogobeo.

Polgo Po Pas Rom Dabeba Asęani 8:31

Te Godigo te da tau sabo sę hauwa po odobaso, tama dago magi po Godigo te ebo sę dabede waibawe? E tama naga dao, te Godigo da tau sobaso, teda dego da dali boi bidi elama tama da aiyaba elalugowe? Woo, bidi mu menio.

Dwagi Yai Gesi Po Jongo Asęani 8:12

Te Jisasgo te Farisi hani bidi augwalibolo nosali te po ma wai, “Ena te tǫde we bidide ula dao. Bidi ena wali asobo bidi aga te bugagia bidabo ula aga selama, e tǫde bidaibao, aga hulide munu me bidigobeo,” wali.

Aisaia 12:2

Mu tama, Godigo ena ma oda sai dao. Tama megi da, eno agaba homu dąų ola saibao. Tama ena wi me egobeo. God, Genuai Bidigo ena bomo ilibo dao, tama tibaso, eno balia po obao, te agai nogi ugwaba sainogo. Magi baso meni. Agai ena ma oda salio.”

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Godigo Nogi Ugwaba Sabo Tęąbi Po Wabo Buku Dabe 62:6

Agai deligo naga ena tonalu, te ena tau sabo dao. Tama aga deli naga eno bomai obo elalubao. Tama tiyu, ena te hwįbo side me hagagobeo. Mu menio.

Godigo Nogi Ugwaba Sabo Tęąbi Po Wabo Buku Dabe 18:28

Te enade digi te Genuai Bidigo ula elalubao. Awe, tama ena Godigo te enade hulia sai elalubo te sela sąbo dao.

Jopgo Po Asęani Elalubo Buku 29:3

Aga te lam tiwai bidiyu, hulia sali ugwaba sela sąnama, tama ena bilabo sunumi ola mawai dao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Godigo Nogi Ugwaba Sabo Tęąbi Po Wabo Buku Dabe 118:21

Genuai Bidi, nago eno gedu haluasa po wabo odolama, tama nago ena tau selama, te ena bugagia bidibao. Tama tiyu, eno nago nogi ugwaba sobao.

Godigo Nogi Ugwaba Sabo Tęąbi Po Wabo Buku Dabe 19:14

Genuai Bidi, eno homugo eno po dali, eno homu kolesaga dali, te nago gedude usu emainogo te homu yai. Genuai Bidi, nage bidibo digi ena duala selama, tama nago ena tau siyu, ma dobola sabo bidi dao.

Kraisgo Geme Dualali Sę Pedelabo Po Jonbolo Ola Mani 21:23

Tama te hanude te giliga dali polua si te sę esiąyu te ula ilibeo. Menio. Te God aga digi te genuai ulago te ula mabo dao. Tama te Kibu Sipsip Wai te aga te hanugo ula mabo lam sole dao.

Godigo Nogi Ugwaba Sabo Tęąbi Po Wabo Buku Dabe 62:2

Agai deligo te ena tonalu, tama ena tau siyu ebao. Tama aga deli naga eno bomai obo elalubao. Tama tiyu, te hwįbo side ena me hagagobeo. Mu menio.

Malakai 4:2

“Tiali goli dage eno po wali pabo we bidi, te eno bomogo dage ma saibao. Eno bomo te giliga ulago bomo tiwai elalu, tama dage we bidi te giligago tigi dili ilibo tiwai yaibao. Te dage wiegi yai pemene eyu, te bulmakau wai dabe te banis tomode bidai te buluba dinibo side te sasa mano pabo tiwai ebo dao.

Aisaia 2:5

Asao, Jekopgo wąį dabe dage, da Genuai Bidigo da mani uladu pinao.

Godigo Nogi Ugwaba Sabo Tęąbi Po Wabo Buku Dabe 18:46

Genuai Bidi bididubadi gebao. Agai ena sesemane sogo bugagia seselalubo dao, te moni dobo dwai masigi tiwaigo ena mesegalobo dao. Tama tiyu, eno agai nogi ugwaba sabo da. God da, te ena tau sabo bidi da. Tama tiyu, eno agai genuai nogi ugwaba sobao.

Kraisgo Geme Dualali Sę Pedelabo Po Jonbolo Ola Mani 22:5

Tama be ma hulia sogobeo. Tama te lam sole ulade me te giliga ulade me sę yali te sę ma elalugobeo. Menio. Genuai Bidi Godigo aga digi ula augwalibolo mawaibao. Tama augwali te sogo tuni bidi bidada peyu bidada paibao.

Dwagi Yai Gesi Po Jongo Asęani 1:9

Te ula da te ula mu dao. Tama aga te sogo tǫba dulai, tigidali we bidi ula mawainogo yali.

Kraisgo Geme Dualali Sę Pedelabo Po Jonbolo Ola Mani 7:10

Tama augwaligo bomo elama i weyu tama wai, “Dago God aga te tuni bidi duabo naide dulalubao, tama te kibu sipsip wai me, augwali sigo te da ma dobola sabo sę yabo bomo mu elalubao, tama tialigo megi da bugagia bidibao.”

Dwagi Yai Gesi Po Lukgo Asęani 2:30

Eno gedugo nago da ma sainu yali sę eno sualio.

Godigo Nogi Ugwaba Sabo Tęąbi Po Wabo Buku Dabe 11:1

Eno konealubo po mu dąų wali, Genuai Bidigo ena tonaluaibao. Abagi dede, dage kolesaga isąyu, dagego enabolo te po wali, “Nage bulu duba wi pao, te ba me deli wi ebaso, polo pabo tiwai yao.

Godigo Nogi Ugwaba Sabo Tęąbi Po Wabo Buku Dabe 3:8

Genuai Bidi, nago deligo naga te da ma siyu, tama da me dolisiąbo da. Eno homugo nago te naga we bidi dabe wiegi yai bugagia bidimainu ilao.

Dwagi Yai Gesi Po Lukgo Asęani 3:6

Tigidali we bidigo Godigo olo hobede elama, tau sabo kolesaga augwa gedugo sueibao,’” te Aisaiago te po polobadu asęai dao.

Matyu 8:26

Tama agai augwalibolo te po wali, “Magi baso dage wi ebawe? Dagego homugo enade konealu po dąų wabo te dwasianu naga dao.” Tama aga hodaluama, te wali dali te moni wę dini te sia sao po wai. Tama te wali yali sia siyu, tama te wę memenege dwasianu me ebeo.

Aisaia 45:24

Te augwaligo te tama po waibao, ‘Genuai Bidigo naga te da tau siyu, te da dąų waliyu, te doloba pai kolesaga ugwa igulama, ugwa ela holomainu yaibao,’ te po augwaligo waibao,” wali. Tigidali we bidi agaba asobaso, te agaba haliga sębę ebo hani dabe te augwali dwai hale mu yaibao.

Godigo Nogi Ugwaba Sabo Tęąbi Po Wabo Buku Dabe 43:2

Magi baso meni, nage naga, nage eno God da. Ena nageba aselama, tama te dwai bidi dabede geme duala sali. Tialima, magi baso nago ena homu ebo gegeda palubawe? Magi baso te boi bidi dabego ena aiyaba elaluama, tama ena haliga sęgę dwai mu iduaibawe?

Bomai Po 7:18

Menio, dage augwalide wi me elamuo. Dagego dago God Genuai Bidigo te Isip tuni bidi hani we bidi dabe augwaligo tigide yali te sę bugagia ma koneiąo.

Bomai Po 7:21

“Tama tialima, dage te bidi hanide wi elamo dao. Magi baso meni, God dago Genuai Bidi dage dali bidibao. Agai bomo genuai mu elalubao, tama tigidali bidi dabe augwali agade wi mu yao.

Godigo Nogi Ugwaba Sabo Tęąbi Po Wabo Buku Dabe 18:29

Godigo te boi bidi dabe dali hwįbo bomo te enaba mawai. Tama agai enabolo te augwaligo seselalubo nai dabe dolobo te genuai bomo mawai dao.

Jeremaia 20:11

Tialima, Genuai Bidi, nage te bomai ami bidi me deli tiwai elalu, te nago ena tialu tau sainu elalubao. Tama te bidi dabego enaba dwai sę pedalumainogo yali, te dwai sęgo augwa aiyaba ma elaluama, te augwaligo ena aiyaba elalueinogo ebaso, usu me egobeo. Mu menio. Te augwa dwai hale mu eyu, tama augwa te hale te tigidali sogo elaludubadi, te me siligobeo.