Godigo Nogi Ugwaba Sabo Tęąbi Po Wabo Buku Dabe 26:3 - Godigo dwagi yai po buku

³ Magi baso meni, nago te olo tau sabo wiegi yai kolesaga enaba eyu, tama ena sesemane sogo dodolobo dao, tama nage te ena soabo madi sesemane poligi solama, tama nago ena me tagalubo menio.

Godigo Nogi Ugwaba Sabo Tęąbi Po Wabo Buku Dabe 26:3 Referans Kwoze

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

Te Israel me Juda Hani Sigo Tuni Bidigo Po Elalubo Buku Si 20:3

“Genuai Bidi, ena nage wali mu peyu, tama eno nago sę mu yai dao. Tigidali sogo eno nago homu godolo ebo kolesagadu naga wali pai dao,” wali. “Tama teyu, nago te eno te sę yaliba kone palama, tama nago ena isimainogo sula tagaligio.” Tama agai tama gedu haluasa po olama, tama aga gela genuai mu wali.

2 Jon 1:4

Eno odali, nago wai dabe meba augwaligo Ayago dabolo “Tama tiao” wali po odoyu, tama augwaligo te mu po wali peyu bidibo dao. Tama odolama, eno dwagi yai homu yai.

Efesus 4:32

Te tobage dwai kolesaga munu me egimio. Te menio. Tama dagego duga ama dede dali deli homu eyu dwagi yai tau sabo sę yao. Tama duga hasi dali homu dene eyu, augwali godolo mu yao. Tama duga hasigo dwai sę dagebolo ebaso da, teda dage sębę egio, te dagego augwali godolo mu eyu augwaligo yali dwai sę sela sąyao. Te Krais agai dage tau selama tama Godigo dagego yali dwai sę sęgę sela sąwai dao. Te tiwai kolesaga dagego me tiao.

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

2 Korin 3:18

Tama da tigidali, da te nai me deligo da gesabidi me au palialubeo. Tama Genuai Bidigo wiegi yai bomo yai ula daba asiyu, tama da te gesabidi subo ąį dula tiwai pedalama te ula te bidi dabe augwaliba pobao, tama augwaligo subo dao. Sesemane sogo dago ula umabo mu sabo, tama da hasegeleyu tama Genuai Bidi aga noma tiwai pedalobo dao. Genuai Bidi aga te Mobo, tama agai te tiwai kolesaga da dali ebo dao, tama te bomo yai ula te genilama mu ela pabo dao.

Dwagi Yai Gesi Po Jongo Asęani 14:6

Jisasgo Tomasbolo te po wai, “Ena digi ena te pabo tų dao, tama ena mu po wabo page dali, bidabo ula page dali te enade elalubo dao. Tialima bidi me deli Aya pageba gasa tųdu nogo habu sugunai tųdu me pogobeo. Pabo tų ena deli dao.

Dwagi Yai Gesi Po Lukgo Asęani 6:36

Duga Ayago we bidi hobede elama, tau sabogia, dagego me we bidi hobede elama, tau siąo,” Jisasgo te po wali.

Aisaia 8:20

Te augwaligo te augwa Godiba pelama, tama agai homu kolesaga siyu, agai bomai po sigi peyu eyąo. Ma, augwaligo tama tisąma yali da, teda augwali hulia sai madi me bididuaibao. Tama wiegi yai sogo me sugobeo.

Aisaia 2:5

Asao, Jekopgo wąį dabe dage, da Genuai Bidigo da mani uladu pinao.

Godigo Nogi Ugwaba Sabo Tęąbi Po Wabo Buku Dabe 119:142

Te nago doloba pai kolesaga sesemane sogo elalua pidu bidaibao, tama sesemane sogo nago bomai po te mu naga dao.

Godigo Nogi Ugwaba Sabo Tęąbi Po Wabo Buku Dabe 101:2

Te eno doloba pai kolesaga naga wali paibao. Genuai Bidi, mena sogo nago ena tau sagasaibawe? Eno te doloba pai kolesaga naga ena bede ebo dao.

Godigo Nogi Ugwaba Sabo Tęąbi Po Wabo Buku Dabe 86:11

Genuai Bidi, eno homugo te nago eno emainu ebo kolesaga te ena bugagia ola mao, tama eno te nago mu po wali sesemane paibao. Te ena bugagia ola mayu, te eno nageba naga konealu, tama eno nago sę sesemane sogo yaibao.

Godigo Nogi Ugwaba Sabo Tęąbi Po Wabo Buku Dabe 52:1

Nage te bomai bidi, te magi baso nago te genuai po dągą weyu, tama nago te Godigo we bidi augwaliba dwai kolesaga elama, tama tede nago odolali te wiegi yai homu pemene ebo dawe? Te sesemane sogo Godigo te olo tau sabo wiegi yai kolesaga augwaliba ebo dao.

Godigo Nogi Ugwaba Sabo Tęąbi Po Wabo Buku Dabe 25:5

Te nago po mu eno wali pomainu ola mao, magi baso meni, nage te eno God dao, tama nago ena ma sabo dao. Te tigidali sogo nago ena tau somainu tonalubo dao.

Jongo Sela Sogo Wabo Asęani Pas - 3JN 1:11

Eno abagi mu, nago te dwai kolesaga ebo bidigo kolesaga wali pelamuo. Nago dwagi yai kolesaga wali pao. Dwagi yai kolesaga ebo bidi, te bidi Godigo bidi dao. Dwai kolesaga ebo bidi, agai God konebeo.