Godigo Nogi Ugwaba Sabo Tęąbi Po Wabo Buku Dabe 25:2 - Godigo dwagi yai po buku

² Nage eno God da, tama eno konealubo homu nageba naga dąų wabo da. Nago ena tau sao. Tiyu, eno konealubo po odolali elama, tama ena hale idalio. Nago te boi bidi dabego ena aiyaba elalumainu elama, tama augwaligo ena kęnę po omainu me igio.

Godigo Nogi Ugwaba Sabo Tęąbi Po Wabo Buku Dabe 25:2 Referans Kwoze

Polgo Po Pas Rom Dabeba Asęani 10:11

Tama Godigo po bukude te sęde te tama po wai dao, “Te bidigo konealubo po agaba dąų obaso da, teda aga hale me sogobeo.”

Godigo Nogi Ugwaba Sabo Tęąbi Po Wabo Buku Dabe 41:11

Te boi bidi dabego ena dolisąbaso da, teda eno koneyu, te nago ena godolo eba homu yaibao.

Godigo Nogi Ugwaba Sabo Tęąbi Po Wabo Buku Dabe 71:1

Genuai Bidi, ena nage dali bidibaso, tama te boi bidi dabego ena me dologobeo. Nago ena te augwaligo elalumainu me sula tagaligio.

Polgo Po Pas Rom Dabeba Asęani 5:5

Tama tiyu, tama te dago aga bugagia tonalubo kolesaga te tulalugobeo, te kolesaga ebogo da guni bula sabo bidi tiwai pedalogobeo. Magi baso meni. Godigo aga Tedali Mobo Bidi dabolo mani, tama agai te Godigo da dali wiegi yai homu eyu tama godolo mu ebo kolesaga te da homude gisiga ola mawai dao, te kolesaga dwasianu menio.

Godigo Nogi Ugwaba Sabo Tęąbi Po Wabo Buku Dabe 22:5

Augwaligo nageba i weyu, gedu haluasa po obaso, tama nago augwali te boi bidi dabego nogode ma dobola sai. Awe, augwaligo konealubo homu nageba dąų wali, tama augwa te konealubo homu dąų wali te odolali me hagagobeo.

Godigo Nogi Ugwaba Sabo Tęąbi Po Wabo Buku Dabe 142:6

Te nago ena tau somainu, te eno nageba i wabo odao. Magi baso meni, eno haliga te sęgę mu ebao. Te enaba dwai sę yainu ebo bidi dabe augwaligo te bomo mu ebaso, tama eno augwali aiyaba elaluainu ebo usu egobeo. Tama tiyu, nago ena te augwaligo nogode ma dobola sao.

Godigo Nogi Ugwaba Sabo Tęąbi Po Wabo Buku Dabe 31:1

Genuai Bidi, ena nageba asobaso, te nago ena tonaluao. Nago ena tau sao, nago te boi bidi dabego ena aiyaba elalumainu me igio. Nage te doloba pai mu da, nago ena ma selama, te ena me dolobeo.

Aisaia 37:35

Eno tama tiaibao, magi baso meni, eno ena genuai nogi homu kone palama, te polobadu eno dąų wabo po ena sę bidi Devit dali wali po koneyu, tama tiaibao,’ wali.”

Godigo Nogi Ugwaba Sabo Tęąbi Po Wabo Buku Dabe 34:8

Genuai Bidigo wiegi yai kolesaga dabolo ebo dao. Duga digi te usu bugagia selama, suiąo, tama te dagego koneyu, te Genuai Bidi wiegi yai mu da waibao. Te Genuai Bidiba konealubo homu dąų mu wabo bidigo da, aga te bugai haliga mu elama bidaibao.

Aisaia 26:3

Genuai Bidi, augwali nage dologode naga bidibo dao, tama augwaligo homu nage delide naga dąų olama, elalubo dao. Tama tibaso, nago augwali dali homu nagame ebo kolesaga augwali mu pągąmainu ebo dao.

Godigo Nogi Ugwaba Sabo Tęąbi Po Wabo Buku Dabe 94:3

Nisu naga sogo dwai sę ebo bidi augwaligo ebo kolesagade dwagi yai homu egowe? Genuai Bidi, augwaligo bidabo sogo nisu naga elalubawe?

1 Pita 2:6

Te eno po digi po begelama wali pode, te Godigo po bukude te Godigo wali po te bidi me deligo tama asęani, “Odiąo. Te eno masigi dabego te be nigiyu, tama eno te wiegi yai dila pai masigi me deli selama, tama ‘Te be bugagia dąų wabo masigi dao’ weyu, eno te dila pai masigi te sęba dąį ilali elalubao, te bulu nogi Saion tede munalubao. Tama bidigo aga homu tigidali agaba mubaso da, te bidi hale munu me egobeo,” te po asęani.

Aisaia 49:23

Te king dabego, me kwin dabego, te nago wai dabe negeyu, te augwa aya idago ebo tiwai yaibao. Augwa kidu sugunama, te augwa tobolu te nago sągą page tǫba basigulama, te nageba genuai nogi mayu tiaibao. Nago te tiwai koneyu, ena tama te Genuai Bidi da waibao. Enaba homu kęą pelama, te eno augwali tau somainu tonalubo we bidi, te augwali odolali me tonalugobeo,” God Genuai Bidigo te po wali.

Aisaia 37:20

Te Genuai Bidi, dena God, eno homugo te megi nago da tau somainu homu eyu, tama da te king Senakeripgo nogode ma dobola sao homu yai. Tama te tigidali tǫde we bidi hanigo te tiwai bugagia koneyu, nage naga nage te Genuai Bidi da waibao,” po wai.

Godigo Nogi Ugwaba Sabo Tęąbi Po Wabo Buku Dabe 37:40

Augwaligo konealubo homu agaba dąų wai. Tama tiyu, agai augwali tau siyu, tama agai augwali te dwai bidi dabego nogode dobola selama, tama augwa bugagia bidibo dao.

Godigo Nogi Ugwaba Sabo Tęąbi Po Wabo Buku Dabe 18:2

Genuai Bidi agai ena tau sabo da. Aga te eno bomai obo tiwai da. Genuai Bidigo ena tonalubaso, tama te boi bidi dabego ena me dologobeo. Genuai Bidi te hwįbo sabele tiwai elama, tama ena geme seselalubo. Agai te ena ma selama, tama ena tonaluabo bomo elalubo dao.

Godigo Nogi Ugwaba Sabo Tęąbi Po Wabo Buku Dabe 7:1

Genuai Bidi, eno God da, ena nageba asiyu, tama ena te boi bidi dabede geme duala saibao. Nago ena tau sobaso, te ena pobeasa asali bidi dabego te augwaligo ena me eligobeo. Nago ena ma sobaso, te ena me dolobeo.

Godigo Nogi Ugwaba Sabo Tęąbi Po Wabo Buku Dabe 22:8

Augwaligo te po weyu, “Nago konealubo homu te Godiba mubo da,” wabo. “Magi baso agai nage ma sabewe? Te Godigo nage wei homu eyu da, te magi baso agai nage tau sabewe?” Augwaligo te tobage po wabo dao.

Godigo Nogi Ugwaba Sabo Tęąbi Po Wabo Buku Dabe 22:1

Eno God, eno God, magi baso nago ena tagaluwe? Magi baso nago ena tau sisąma ebawe? Magi baso eno gela wabo nago odobewe?

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Aisaia 37:10

Te Senakeripgo pasde te tiwai po wali, “Eno koneani, nago konealubo homu te dąų wabo god, agai te po weyu, te agai eno dage aiyaba elaluama, te Jerusalem sogobeo po obao. Tiali goli, agai tibo po obao, tiyu nago agai poba dąų wabo homu me mugio.

Aisaia 28:16

Tiali goli, God, Genuai Bidigo te po wali, “Odao. Eno te be page dąų walabo masigi dila pai deli me polo dąį ilai dao. Te aga te dwagi yai boma pai mu dao. Tama eno te masigi te bulu du Saionde muaibao. Te bidi dabego agaba homu dąų wabo bidi dabe da, teda augwali wi elama, didibili me egobeo.

Godigo Nogi Ugwaba Sabo Tęąbi Po Wabo Buku Dabe 56:1

God, nago te olo tau sabo wiegi yai kolesaga enaba yao. Te bidi dabego ena pobeasa biliyu, tama ena dali hwįyu ebao. Te boi bidi dabego sesemane sogo dwai enaba ebao.

Tuni Bidi Dabego Po Elalubo Buku Si 13:18

Te Juda dabe augwaligo koneani, te Genuai Bidi augwa wąį dabego God agai augwali hwįbode tau saibao homugo koneani. Tama tibaso augwaligo homu dąų mu olama, bomo elama, augwaligo Israel dabe aiyaba elaluama, tama augwali mu dolali.

Godigo Nogi Ugwaba Sabo Tęąbi Po Wabo Buku Dabe 13:5

Tiali goli, ena da, eno te nago ena sesemane godolo ebo kolesagade eno homugo dąų walai dao. Tama eno wiegi yai homu pemene nageba ebao, magi baso meni, te nago ena tau saibao.

Godigo Nogi Ugwaba Sabo Tęąbi Po Wabo Buku Dabe 31:2

Nago eno i wabo odolama, tama ena polo ma sao. Tama tiyu, nage te ena duala sabo madi te genuai masigi bulu du tiwai elalubao. Tama nago ena bugagia bobegelalu, te ena bugagia bidiyu, tama te boi bidi dabego ena aiyaba me elalugobeo.

Godigo Nogi Ugwaba Sabo Tęąbi Po Wabo Buku Dabe 31:15

Ena nago nogode sesemane sogo bidibao. Nago enade te boi bidi ebo bidi me, te ena pobeasa bilibo bidi dabego nogode ma dobola sao. Tiyu, augwaligo ena dolidalio.

Godigo Nogi Ugwaba Sabo Tęąbi Po Wabo Buku Dabe 91:2

Te bidigo te tama po Genuai Bidiba waibao, “Nago ena bagualu, tama nago ena bugagia seselalubo dao. Nage eno God dao. Eno konealubo homu nageba muai dao.”

Jeremaia 17:18

Tama megi eno homugo nago te enaba dwai posobo po sę ebo bidi dabeba hale ilama, te augwa homu dolomainao. Tialima, nago ena homu dolobo sę me isąyu, te ena hale me iligio. Eno homugo nago te dwai sę ebo sogo augwaliba pedalumainogo ilao, te nago augwali dwagila augwali mu doloyu da yao, ena Jeremaiago te po wai.