Godigo Nogi Ugwaba Sabo Tęąbi Po Wabo Buku Dabe 25:16 - Godigo dwagi yai po buku

¹⁶ Genuai Bidi, eno homugo nage ena ma aselama, tama nago te olo tau sabo wiegi yai kolesaga enaba yao, magi baso meni, enaduba deli tama eno bomo silalio.

Godigo Nogi Ugwaba Sabo Tęąbi Po Wabo Buku Dabe 25:16 Referans Kwoze

Godigo Nogi Ugwaba Sabo Tęąbi Po Wabo Buku Dabe 86:16

Nage enaba ma aselama, ena homu dene eyu, tau sao. Ena bomo mao, tama ena ma sao, magi baso meni, eno nago sę ebo te ena idago yali tiwai ebo dao.

Maika 7:19

Te nago olo mu tau sabo wiegi yai kolesaga dabolo ma yaibao. Te nago dago sęgę aiyaba elalu, te magi nai me deli nago sągągo agabo tiwai ebao, tama te sęgę nago te tamu ąį ge aiyanu mu dulaliba te sąwaibao.

Daniel 9:17

God, te eno gedu haluasa po me hanalubo po odao. Eno homugo te naga genuai nogide homu kone palama, tama te augwaligo dolali be te nago ma dodolabo homu yao.

Godigo Nogi Ugwaba Sabo Tęąbi Po Wabo Buku Dabe 143:4

Tama tialima, eno homu kolesaga te dolobaso, tama eno haliga te sęgę mu elalubadi geani.

Godigo Nogi Ugwaba Sabo Tęąbi Po Wabo Buku Dabe 60:1

God, nago da tagalama, tama da te hwįbode aiyaba elalumainu sula tagalalio. Nago dade wado homu elalu, tama nago te tiwai yali. Tiali goli, megi te nage ma asiyu, te da ma tau sagasao.

Godigo Nogi Ugwaba Sabo Tęąbi Po Wabo Buku Dabe 32:5

Nosali eno sęgę te eno nageba pusali. Eno ena yali dwai kolesaga geme me dualubeo. Eno te homu yali, eno te bomai po bolali kolesagade sali sęgę tigidali eno te Genuai Bidiba pusabo homu yali. Eno hania pusula silibaso, tama nago eno yali dwai sę me, eno sęgę me, sela sąwai dao. Tama tiyu, nago ena tede nosali elegobeo wali.

Godigo Nogi Ugwaba Sabo Tęąbi Po Wabo Buku Dabe 86:1

Genuai Bidi, ena bomo meniama, tama ena digi ena tau sabo usu ebeo. Tama tialima, eno homugo nago eno gedu haluasa po wabo odolama, te ena tau sao.

Godigo Nogi Ugwaba Sabo Tęąbi Po Wabo Buku Dabe 109:22

Ena dwai bidi mu bidiyu, tama ena odolali bidibao, tama ena dwai dene mu ebao.

Godigo Nogi Ugwaba Sabo Tęąbi Po Wabo Buku Dabe 119:132

Nage aselama, te nago homu dene eyu, tau sabo kolesaga enabolo yao. Te nage godolo homu ebo we bidi tigidaliba te tiwai sę nago ebo dao.