Godigo Nogi Ugwaba Sabo Tęąbi Po Wabo Buku Dabe 25:10 - Godigo dwagi yai po buku

¹⁰ Godigo te agai da dali dąų wali po, me bomai po te wali pabo we bidi tigidaliba te agai homu kęą peyu, godolo mu ebo dao. Tama agai homu me hasegeliyu me egobeo.

Godigo Nogi Ugwaba Sabo Tęąbi Po Wabo Buku Dabe 25:10 Referans Kwoze

Jems 5:11

Tama te tiwai augwaligo te sęgę polobadu bugagia tolai baso, megi dago tama po wabo dao: “Te homu kolesaga dąų olama te sęgę tolali bidi dabe, te bidi megi augwaligo homu wiegi yai eyu bidibao.” Tama gasagi yai bidi me agai nogi Jop, agai yali sę po dagego odai. Te genuai sęgę hauwa te agabolo pedalali digi te agai bomo eyu dolalu, te sęgę te aiyaba elaluai. Tama nosali Genuai Bidigo dwagi yai kolesaga aga dali yai, te me dagego koneai. Tama te bidi Jopde yali sę po odama, tama dago koneani, Genuai Bidi agai da hobede mu eyu, tama sesemane sogo agai da homu dene elama, da agai dwagi yai homu eyu, da olo mu tau sabo dao.

Polgo Po Pas Rom Dabeba Asęani 8:28

Tama dago koneani, te augwaligo aga dali dwagi yai homu eyu godolo mu ebo we bidi, te we bidibolo pedalabo sę tigidali te Godigo digi dodolama, tama te sę tigidali te we bidi dabeba pedaluyu augwali tau sabo dao. Te we bidi augwali te Godigo ma saiba po wali we bidi augwali tama agai augwali sa munama i wai dao.

Godigo Nogi Ugwaba Sabo Tęąbi Po Wabo Buku Dabe 40:11

Genuai Bidi, eno koneani, te nago homu dene eyu, tau sabo sę ebo te palia sogobeo. Menio, nago ena sesemane sogo homu ebo dao. Nago ena wei eyu, tama naga mu po te wali peyu, tama tebo kolesagade te nago ena sesemane sogo tonalubo dao.

Dwagi Yai Gesi Po Jongo Asęani 1:17

Te bidi nogi Moses agai da Juda dabego wąį mu augwalibolo agai Godigo bomo yai po ola mawai. Tiali goli, Jisas Krais agai genuai olo tau sabo sę dali mu po dali si magasai.

Godigo Nogi Ugwaba Sabo Tęąbi Po Wabo Buku Dabe 91:14

Godigo te tama po wali, “Te eno te ena wei mu ebo bidi dabe augwali ma saibao, tama te eno te ena mu koneani bidi dabe seselalubo dao.

Polgo Po Pas Rom Dabeba Asęani 2:13

Magi baso meni. Te bidi dabe augwaligo bomai po odolama, tama te po augwaligo homuba musiąwani da, augwali te God gedude doloba pai bidi me pedalogobeo. Menio. Te tigidali bomai po tigidali sogo wali pali bidi, te bidi dabe augwali naga te Godigo augwali te doloba pai bidi nogi yaibao.

Hibru 12:14

Dage deli deligo te tigidali bidi dali te homu nagamea pabo kolesaga wali pabo sę bomo elama yao. Tama dagego te Godiba homugo kęą peyu, te dwai sę me isąwai kolesaga me wali pabo sę bomo elama yao. Magi baso meni. Te bidigo te tobage kolesaga meni yani da, teda agai dago Genuai Bidi me sugobeo.

Godigo Sęba Tagala Palai Bidigo Po 10:35

Tigidali haniani po wabo bidi hani augwaligo God wi elama, dwagi yai kolesaga ebaso da, tede Godigo ‘Usu da’ waibao. Duga digi koneai dao.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Sefanaia 2:3

Dage we bidi hamaga isąnama Genuai Bidigo po sela sąsiama ebo we bidi, dage agaba asiąo. Dagego duga digi aiyaba elaluama, tama doloba pai kolesaga naga iyąo. Tialima, dagego te tama tiyu da, teda Genuai Bidigo sębę elama, tama te dwai pe te dwai we bidi dabebolo wei ponobo sogo dage da dologobeo.

Aisaia 43:2

Dagego te ąį gebo aiyanu dulai te nogebo sogo, te ena dage dali bidaibao, tama te ąįgo dage me dologobeo. Awe, dage te soabo ąį nogebo si, te ąįgo dage mesegelegobeo. Tama dage te posolo yai sia tomoba mu pabo sogo, te siago dage me dogobeo. Te sia bogoligo dage dogobeo.

Aisaia 25:1

O Genuai Bidi, nage eno God dao. Tama eno nago nogi ugwaba saio. Magi baso meni. Nago te bidigo isąwai bomai sę dabe mu ebo dao. Da tau sainogo, nago tigidali nai dabe mu usu nani, te polobadu digi nago yaibao po wali gilama.

Godigo Nogi Ugwaba Sabo Tęąbi Po Wabo Buku Dabe 98:3

Agai te aga dąų walali pode homu konealuai, tama agai te Israel dabe homu dene eyu, tama augwali me tagalubeo. Tigidali bulu te tigidali we bidigo sualio. Te dena Godigo te boi bidigo bomo aiyaba elaluama, tama da ma sai dao.

Godigo Nogi Ugwaba Sabo Tęąbi Po Wabo Buku Dabe 89:14

Nage te king bidiyu, tama nago te we bidi dabe doloba pai kolesagade tonalubao. Tama nago po tų dolo naga ebao. Nago te tigidali we bidi wei mu elama, tama nago naga po sesemane wali peyu yali, tama nago po hasegelama eyu, me egobeo. Te tobage kolesaga ebo da, te nago naga we bidi tonalubo sę page mu dao.

Godigo Nogi Ugwaba Sabo Tęąbi Po Wabo Buku Dabe 85:10

Te sogo da, te we bidi dabego te gasa bage wei mu elama, tama wiegi yai kolesaga augwaliba yaibao. Tama augwa dolasa bidiyu, tama haliga nagame elama, tama hodobo bugagia bidaibao.

Godigo Nogi Ugwaba Sabo Tęąbi Po Wabo Buku Dabe 57:3

Aga te dagalude bidiyu, tama agai eno gedu haluasa po wabo odama, tama ena ma dobola saibao. Agai te ena dolainu ebo bidi dabe te aiyaba elalueibao. Godigo te sesemane sogo ena wei mu eyu, godolo elama, tama agai ena munu me tagalugobeo. Mu menio.

Godigo Nogi Ugwaba Sabo Tęąbi Po Wabo Buku Dabe 50:23

Te enaba usu da weyu, gedu haluasa po weyu, te enaba ofa mabo tiwai ebo bidi, agai te eno nogi ugwaba sobao. Tama eno te po wali pabo bidi dabe te eno ma dobola saibao,” po wai.

Godigo Nogi Ugwaba Sabo Tęąbi Po Wabo Buku Dabe 33:4

Magi baso meni, te Genuai Bidigo po da te mu po tama dao. Agai te doloba pai kolesaga wali peyu, te tigidali sę ebo dao.

2 Samuel 15:20

Nage ede te pęwadage sogo naga bidali, tama tiyu, eno homugo nago te bidibo bulu tagalumainu ilama, tama da dali bilimainu me iligobeo. Da te bulu wau subigila bilalubo bidi tiwai bilaluaibao. Te nago naga hani selama, tama dage ma geasa peyu da, te wiegi yai dao. Tama eno homugo te Genuai Bidigo nage bugagia wiegi yai ilama, tama nage sesemane sogo tonalumainu homu ebao,” Devitgo te po wali.

Tigidali Nai Gagalama Nigali Side 24:27

Tama agai te po wai, “Dago Yawe nogi ugwaba sao, te eno genuai bidi Abrahamgo God dao. Agai te eno genuai bidibolo dąų wali po te mu usu nanio, te aga dwagi yai tau sabo kolesaga ebo me, te Abraham dali homu kolesaga kęą pai bidi kolesaga ebo me, te Yawego tagalobeo. Yawego te eno genuai bidi aga amago hanigo beba dolo ena sela asama, tagalagasali dao,” tama wali.

Tigidali Nai Gagalama Nigali Side 17:1

Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Tigidali Nai Gagalama Nigali Side 5:24

Aga te God dali sesemane sogo deli homu eyu bidali, tama Godigo aga selama, tama bidi dabego aga ma subeo.

Hosea 14:9

Te wiegi yai homu kolesaga elalubo bidi dabe, augwaligo te e bukude elalubo po konea sao. Tama eno homugo te augwaligo homu kone palama, tama te po wali pomainao. Te Genuai Bidigo kolesaga te dolo naga elalubao, tama te doloba pai bidi dabego te kolesaga wali peyu bidaibao. Tiali goli, te dwai sę ebo bidi dabe, te augwaligo Genuai Bidigo kolesaga wali pogobeo. Tama tiyu, augwali tulalubo dao.

Godigo Nogi Ugwaba Sabo Tęąbi Po Wabo Buku Dabe 138:7

Te sęgę hauwa enaba pedalubo sogo, nago ena tonalubaso, tama ena bugagia bidibao. Te boi bidi dabego enaba wado ebo dao, tiali goli, nago augwali dali hwįyu elama, tama nago bomogo naga nago ena ma sabo dao.