Godigo Nogi Ugwaba Sabo Tęąbi Po Wabo Buku Dabe 24:1 - Godigo dwagi yai po buku

¹ Te tǫ dali, tigidali tǫde elalubo nai, te tigidali Godigo nai naga dao. Tigidali bulu me, te Godigo nigali nai dao. Tama tigidali bulude bidibo we bidi me, augwali me te Godigo hani we bidi naga dao.

Godigo Nogi Ugwaba Sabo Tęąbi Po Wabo Buku Dabe 24:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 89:11

Dagalu me tǫ te nago naga dao. Nago tǫ nigali, te tǫde tigidali nai me bugagia nigali.

1 Korin 10:26

Magi baso meni. Dago koneani, te bukude elalubo po me deli e tiwai dao, “Te e tǫde, pągąnalubo tigidali nai dabe dali, te Genuai Bidigo naga dao.”

Tuni Bidi Dabego Po Elalubo Buku Deli 29:11

“Nago tigidali bomo kolesaga mu elalubao. Nago nogi genuai elalu, te nage ugwadu mu bidibao. Nage mu polalubao. Magi baso meni, tigidali dagalude me tǫde elalubo nai tigidali te nago nigai nai naga elalubao. Tama nage te tigidali naigo tuni bidi king bidibao.

Jopgo Po Asęani Elalubo Buku 41:11

Te tigidali nai e tǫde elalubo nai dabe da, eno nai dabe naga dao. Tama dego mu ena dali usu si elama, tama eno bomo aiyaba elaluama, tama enabolo aga nai me mao po wabo usugowe?”

Bomai Po 10:14

Dagalu ugwanu mu elalubao, te da te Godigo dao. Tama te tǫ, me te tǫde elalubo nai dabe sese tama, te Godigo naga dao.

Ma Dobola Sali 9:29

Tama Mosesgo te tuni bidi agabolo te po wali, “Te ena te hanu buluba pabo sogo, te eno nogo ugwaba selama, te Genuai Bidibolo gedu haluasa po waibao. Tama te be kulukulu ma wasiąma, tama te talua ge tulubage silaibao. Tama te sogo nago koneyu, te tǫ te Genuai Bidigo tǫ naga da waibao.

Ma Dobola Sali 19:5

Tama dagego megi eno bomai po dąų olama, tama eno po mu wali peyu da, teda dage eno gasagi yai tedali we bidi hani pedelaibao. Tigidali tǫ me, tigidali we bidi me, te eno naga, tiali goli eno dage sa munama, hagea siyu, tama dage ena we bidi mu bidaibao.

Nahum 1:5

Tigidali bulu du te Genuai Bidigo gesabidide mumunu elama, te olo wę tiwai me pedelali. Te Genuai Bidi sabalubo sogo tǫ te mumunu yai, te tigidali we bidi me mumunu elama gęo page ebo dao, wali.

Godigo Nogi Ugwaba Sabo Tęąbi Po Wabo Buku Dabe 50:12

“Ma, te ena nasi ebaso, te eno dageba po me wagobeo. Magi baso meni, te tǫ dali, tigidali elalubo nai, te eno naga dao.

Daniel 4:25

Nago te we bidi dabe bidibo pesage tagalama, tama nage pelama, te uni hasa dabe dali bidigi paibao. Nage te kibu bulmakau dabego nosai dabe tubo tiwai eyu, tama nage bulude piaibao, tama te hulide tulubage segeni tulubo te nageba idubadi, te kibu be 7, teba usu nigi paibao. Nage te tiwai bididubadi, te nago te tiwai te Ugwadu Mu Bidibo Godigo te tigidali we bidi tonalubo homu konebo teba usu nigi pabo teba usu naibao. Te aga homugo digi, agai te bidi dabe te king pedalumainu ebo dao.

Godigo Nogi Ugwaba Sabo Tęąbi Po Wabo Buku Dabe 98:7

Tama tamu ąį, nage dali te nagede elalubo tigidali sųgų me, dagego te tęąbi waiyąo.

Tuni Bidi Dabego Po Elalubo Buku Deli 29:16

O God, dago Genuai Bidi, dago e sisinani nai tigidali te nago be sę elama, te nago genuai nogi ugwaba pedelabo sę ebao. Tialima te tigidali nai nagedu asali, te nago naga nigai nai dao,” wali.

Tuni Bidi Dabego Po Elalubo Buku Si 25:9

Amasiago te po odama, tama agai te profetbolo te po hanalu wali, “Tiali goli, eno te Israel dabe ami bidi dabebolo mani, te silva dabe magi yaibawe?” Tama profetgo Amasiago po wei ponoyu, te po wali, “Nage moni homu igio. Genuai Bidigo nage silva hauwa mu mabo usu yaibao, nago augwali mani te silva edelama mu mabo usu yagameo,” wali.

Jopgo Po Asęani Elalubo Buku 34:13

Tama me ma, dego mu God sę menama, e tǫ sese tonalumainu sę mawai dawe? Te bidi me meni.

Jopgo Po Asęani Elalubo Buku 41:3

Nago homu mena tama tibowe? Ma, nago aga toubo si da, teda agai nagebolo aga hobede ya po olama, tama aga tagala palao po waibawe? Agai nagebolo po dua mu dwagi yai pogo waibawe? Tega?

Godigo Nogi Ugwaba Sabo Tęąbi Po Wabo Buku Dabe 50:10

Magi baso meni, te tigidali buside bidibo uni hasa, tama te tigidali bulu dude bidibo bulmakau me, te tigidali te eno naga dao.

Godigo Nogi Ugwaba Sabo Tęąbi Po Wabo Buku Dabe 89:12

Nago te not badu, me saut badu dali, te nigai. Te Tabor bulu du, me Hermon bulu du sigo te wiegi yai pemene eyu, nageba balia po obao.

Maika 4:13

Genuai Bidigo te po wali, “Dage Jerusalem we bidi dabe, dage pelama, te duga boi bidi dabeba dwai dene magi piąo. Te eno dage te bulmakau me deligo te gąų ain, me sągą bras te bomo elalubo tiwai pedalumainu ilaibao,” wali. “Tialima, dagego te we bidi hani hauwa agamainu yaibao. Te boi bidi dabego te hwįyu sali tigidali nai doado bage, te dagego selama, enaba mawaibao, te tigidali tǫde Genuai Bidi dao,” te po wai.