Godigo Nogi Ugwaba Sabo Tęąbi Po Wabo Buku Dabe 23:4 - Godigo dwagi yai po buku

⁴ God, ena te dwai bulu te be hulia sai madi bilibaso da, te tagalao, ena te dwai naide wi me egobeo. Magi baso meni, nage ena dali bidibao. Eno suali, nago te sipsip tonalubo bidigo dono tolasa bilibo suali, tama tibaso, eno homu nagame elama, bidibo dao. Ena me dologobeo.

Godigo Nogi Ugwaba Sabo Tęąbi Po Wabo Buku Dabe 23:4 Referans Kwoze

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Godigo Nogi Ugwaba Sabo Tęąbi Po Wabo Buku Dabe 118:6

Genuai Bidi ena dali bidibaso, tama ena wi me egobeo. Te bidi dabego enaba magi sę deli me yainu usu egobeo.

Godigo Nogi Ugwaba Sabo Tęąbi Po Wabo Buku Dabe 138:7

Te sęgę hauwa enaba pedalubo sogo, nago ena tonalubaso, tama ena bugagia bidibao. Te boi bidi dabego enaba wado ebo dao, tiali goli, nago augwali dali hwįyu elama, tama nago bomogo naga nago ena ma sabo dao.

Godigo Nogi Ugwaba Sabo Tęąbi Po Wabo Buku Dabe 3:6

Te 10,000 boi bidigo ena te tigidali badu bobogela sobaso, tagalao, ena augwalide wi me egobeo.

Dwagi Yai Gesi Po Lukgo Asęani 1:79

Tama te hulide bidalubo bageba ula ilimainu, me isabo pąde elalubo bage me, te bage tau somainu tiwaibao. Agai da te dwagi yai homude bilibo tųdu pabo po agai dabolo mobo ola mawaibao,” Sekaraiago te po wali.

Maika 7:14

Genuai Bidi, naga digi te naga dąų olama, sa muani we bidi dabe te naga tonalubo bidi bidao. Augwali te moni genuai dulu te wiegi yai tǫ elalubo bulu du dabe bagede bidibao, tama te gi bulabo wiegi yai tǫ me aiyadu elalubao. Tialima, nago augwaliba te wiegi yai tǫ elalubo madiba te gi bulugi pomainu yao, te Basan me Gileatde, te polobadu yali tiwai yao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Matyu 1:23

“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.

Polgo Si Wali Pas Timotiba Asęani - 2TI 4:22

Eno homugo te dago Genuai Bidi te nage dali bidao. Te agai olo mu tau sabo wiegi yai kolesaga te dage dali bidao. Te tama dao.

Jeremaia 2:6

Augwaligo ena homu kone me ebeo. Augwaligo te eno augwali tau sali sęde homu kone me ebeo. Eno augwali te tǫ kantri Isipde selama odasa asiyu, augwaligo te genuai olo bulu pesage tǫ nogeai. Te pesagede te olo masigi kemi tǫ elaluali, tama te dwai bulu pesage dabe elalua pai. Te buluba tulubage tulisąwai pesage elaluai, te bidi dolobo pesage elaluali. Te bidi dabe bilisąwai bulu, te bulude bidi bidisąwai bulu dao.

Godigo Nogi Ugwaba Sabo Tęąbi Po Wabo Buku Dabe 44:19

Tiali goli, nago da te uni hasa dabego pesagede dolomainu ebao. Tama nago da te be hulia sai dwai madi mu te mesegelibo tiwai ebao.

Godigo Nogi Ugwaba Sabo Tęąbi Po Wabo Buku Dabe 14:5

Tialima, te bidi dabe augwali wi mu yaibao. Magi basowe, God aga te agai po wali pabo bidi dabe augwali dali bidibao.

Jopgo Po Asęani Elalubo Buku 3:5

Te mu tama, Godigo te ena ame nani sogo mu gegeda pigi sogo da, usu igi dao. Mu da, agai ena ame nani sogo mu hulialugi sogo, tama sisi pǫgo te sogo dagalude hulia selama, te giliga palialugi sogo da, usu igi dao.

Sekaraia 11:10

Tama eno te Olo Mu Tau Sabo nogi poali dono selama, te dono eno togwalio, tama tiyu te eno gasa tǫ pedai kantri dabe dali dąų walali po togwai dao.

Godigo Nogi Ugwaba Sabo Tęąbi Po Wabo Buku Dabe 110:2

Yawe Genuai Bidi te Saionde bidiyu, tama agai nago te bulu hauwa tonalumainu nigilama, tama agai te po waibao, “Nago naga boi bidi dabe tonaluao,” waibao.

Jopgo Po Asęani Elalubo Buku 24:17

Te bidi dabe augwali giliga nanobo sogo bilibo wi ebo dao, te bidi meba hulide bilibo wi ebo yali gilama. Tiali goli, huli asobode da, augwali dwagi yai homu ebo dao,” wali.

Sekaraia 8:23

Te sogo te nogo si bidi, te haniani po wabo bage, te digibulu dabedu asama, te Juda bidi me deli pageabi elama tolalu, tama augwaligo te tiwai po waibao, ‘Dago te tiwai odali, te God dage dali bidibao wali. Tibaso, da me dage Juda bage dali deli hani pedelaibao homu ebao,’ te po waibao,” Genuai Bidigo te po wali.

Sekaraia 11:14

Tialima nosali eno te si wali dono togwali, te dono nogi eno te tiwai nogi yali te Deliba Sisinibo dono nogi polali, tama te Juda me Israel si tomode pedelama, te hani si me pedelai dao.