Godigo Nogi Ugwaba Sabo Tęąbi Po Wabo Buku Dabe 22:31 - Godigo dwagi yai po buku

³¹ Te hani augwali ame nisiąbadi, tiali goli augwali pedalubo si da, teda augwaligo te tama po augwaliba waibao, “God aga digi te aga we bidi dabe ma sai dao,” te po waibao.

Godigo Nogi Ugwaba Sabo Tęąbi Po Wabo Buku Dabe 22:31 Referans Kwoze

Godigo Nogi Ugwaba Sabo Tęąbi Po Wabo Buku Dabe 78:6

Tama tialima, te nosali pedalubo hani wai dabego te nosali augwa me ola mayu, tama te hanigo te augwa wai dabeba te po omainao, te po wai.

Godigo Nogi Ugwaba Sabo Tęąbi Po Wabo Buku Dabe 86:9

Tigidali hani we bidi nago augwali nigali, te augwaligo lotu po wainogo eyu, nageba kidu sugunagasaibao, tama augwaligo te nago nogi ugwaba saibao.

Polgo Po Pas Rom Dabeba Asęani 1:17

Odiąo. Te wiegi yai gesi pogo te Godigo te dwai sę yali we bidi te doloba pai we bidi ilabo sę page te dabolo hania ola mabo dao. Te sę page e dao: bidigo aga homu tigidali Kraisba munama tama agade naga tialuyu da, teda te Godigo gedude te bidi te doloba pai bidi pedalaibao. Gasa sę ebo te usu egobeo, te Kraisde tialubo kolesaga naga usu yaibao. Tama te doloba pai bidi ilabo sę page hania ilimainogo te Godigo po pusali profet bidi agai polobadu mu te Godigo wali po me deli tama asęai, “Te bidigo aga homu tigidali enaba muyu, te enade tialubo bidi, te bidi eno gedude doloba pai bidi pedalama, tama bugagia bidada peyu bidada paibao,” te po asęai.

Godigo Nogi Ugwaba Sabo Tęąbi Po Wabo Buku Dabe 102:18

Te sę Genuai Bidigo yali, dago te bukude asęnama muao, te nosali pedalubo te wąį nǫų dabe augwaligo konemainu yao. Nosali te idago augwali ame nabo side, teda augwaligo me te Genuai Bidigo yali sę po odolama, tama augwaligo me te aga nogi ugwaba somainu yai dao.

2 Korin 5:21

Te bidi Krais agai dwai sę me isąwai, tiali goli da tobade Godigo dago dwai sę yali sęgę tigidali agaba sisinama, tama aga te dwai sęgę sai bidi tiwai mu pedalai. Agai tama tiali te da Kraisde wadolomainogo yali, tama agai bomogo da te Godigo gedude doloba pai we bidi pedalomainogo yai dao.

Aisaia 60:4

“Nago tobolu ugwaba selama, tonono bilao. Te naga wai dabe augwali deliba sisinama, asobo sueibao. Te nago ogwa dabe te digibulude bidai asaibao. Te gasa bulu tǫ kantri bidi dabego te nago wegi dabe augwa hagawiade munama, tolasa asaibao.

Aisaia 54:1

Genuai Bidigo te tiwai po wali, “Jerusalem, nage te hobedagia wai ame nesiąbo we tiwai eyu, nage te wai ame nabode dene isiąbo we tiwai ebao. Tiali, megi da, nago te balia po weyu, pemene elama, i wao, magi baso meni, te nago wai dabe hauwa mu umabo elalueibao, te aga bidi dali bidibo wego wai te aiyaba mu elalueibao.

Godigo Nogi Ugwaba Sabo Tęąbi Po Wabo Buku Dabe 40:9

Genuai Bidi, eno te nago bukude po pusubo sę te nago we bidi dabe sisinibo tomode wai dao. Eno te tama po wai, “Genuai Bidigo te da ma sabo dao.” Genuai Bidi, nago koneani, eno te po sesemane pusaibao. Eno pedauwali me pania sogobeo.

Aisaia 53:10

Tiali goli, Genuai Bidigo digi aga sę bidi aiyaba elaluama, tama agai te dene selama, tolomainu yali, magi baso meni, te sę bidigo digi aga bidibo ula mayu, te we bidi dabego sęgę sela sąbo ofa tiwai ebaso da, teda aga bidibo sogo te bobobage mu igi pelama, te aga bulai wąį nǫų wai dabe sueibao. Te aga yali sęde, te sę bidigo te Genuai Bidigo homugo yao homu ebo sę ebaso, te agai te sę bugagia pedalumainu ebo dao.