Godigo Nogi Ugwaba Sabo Tęąbi Po Wabo Buku Dabe 22:29 - Godigo dwagi yai po buku

²⁹ Te dwai kolesaga eyu, hagoma ebo bidi dabego kidu sugunama, tama agaba lotu waibao. Te bidabo ula elalubo usu isiąyu, te isabo ąǫ ebo bidi dabego, te tigidaligo kidu sugunama, te Godiba lotu waibao.

Godigo Nogi Ugwaba Sabo Tęąbi Po Wabo Buku Dabe 22:29 Referans Kwoze

Filipai 2:10

Tama tibaso, dagalu bidi me, tǫde bidi me, tǫ dai dologo badu bidibo bidi dabe me, augwali tigidaligo Jisasgo nogi ugwaba somainogo augwali kidu sugunaibao,

Godigo Nogi Ugwaba Sabo Tęąbi Po Wabo Buku Dabe 45:12

Te Tair bulu we bidi augwaligo te nageba wiegi yai homu ilibo nai dabe sesaibao, tama te mone hauwa elalubo bidi dabego me te nageba wiegi yai homu ebo nai dabe mawaibao.

Aisaia 26:19

Tiali goli, naga te hani polo isila pali, tama augwali megi hulia sai madi bidibao. Te augwali ma hodaloama, te ula ma sueibao. Nago te isai bidi dabe bidibo ula ma mabo dao, te hulide tulubage segeni elama, te tǫ wa pai madi te gesi noma nosai hogonu ma holomainu ebo tiwai ebo dao. Dage te gų pagede pila mubo bage, dage hodaloama, dage wiegi yai homu elama, po hae waiąo.

Godigo Nogi Ugwaba Sabo Tęąbi Po Wabo Buku Dabe 113:7

Agai te magi nai meni yai bidi dabe tau sobaso, tama augwali dwai me ma bidibeo. Augwali bugagia naga bidibao. Agai te doado bage sǫą pali bidi dabe tau selama, tama augwa usu nama sabo dao.

Aisaia 45:23

Ena Genuai Bidi, ena nogide digi daide ugwadu mu po obao, te eno pedauwalide wali po te me hasegelegobeo. Eno te tama po wali, te tǫde tigidali we bidi enaba aselama, te enaba kidu sugunagasaibao, te augwali tigidaligo ena dologode naga bidabo po dąų waibao, te po wai.

Kraisgo Geme Dualali Sę Pedelabo Po Jonbolo Ola Mani 21:24

Tama tigidali tǫde bidi hani augwali te hanu ula ebode biliyu bidaibao. Tama haniani tǫde tuni bidi augwaligo nogi elalubo au dobage tigidali te hanu tomoba naga selasa asaibao.

Dwagi Yai Gesi Po Jongo Asęani 3:36

Niwai bidi agai homu tigidali te Godigo Ogwaba mubaso, te bidigo bidabo bomo da bidada peyu, bidada paibao. Tialima, niwai bidigo Godigo Ogwago po wali pisąbaso da, te bidi aga bidabo bomo me sogobeo. Menio. Godigo sębę te bidide elalua paibao.

Hosea 13:9

“Te Israel dabe, te ena deli naga te dage tau sabo usu yaibao. Tiali goli, dagego hagela ebaso, tama eno dage dolaibao. Tama dego dage tau sogowe? Te bidi dabe menio.

Aisaia 60:16

Te nago wiegi wiegi yai nai te gasa kantride siyu, te king dabego augwa wiegi yai sawi yai nai nageba mawaibao. Tama nago te tiwai koneama, ena naga te Genuai Bidi da waibao. Ena te ena we bidi ma sabo God dao, ena te nage posolalu, tonalu, tau sabo God, ena te Jekopgo hani dabego bomai God dao,” wali.

Aisaia 29:4

Tama nage mu tama tulaluama, tama tǫgo nage mu mesega saibao. Tama nago po dabe te isi bidigo po te tǫ dologode dua dua wabo tiwai tǫdu pedalaibao.

Aisaia 10:16

Megi da, Genuai Bidi Tigidali Bomo Elalubo Bidigo te Asiria dabebolo genuai gasi me deli augwalibolo menama, tama augwali bomo sia somainu yaibao. Tama me ma, bidigo magi nai dolainu sia nogebo tiwai eyu, agai te Asiria bagego bomo me, genuai nogi dali, mu dolaibao.

Godigo Nogi Ugwaba Sabo Tęąbi Po Wabo Buku Dabe 78:31

tama Godigo augwaliba wado po weyu, tama te bomai bidi dabe ela muani, te Israel wiegi yai ogwa bidi dabe dao.

Godigo Nogi Ugwaba Sabo Tęąbi Po Wabo Buku Dabe 73:7

Te augwa haligade homugo, augwa yainu homu ebo te haniani dwai kolesaga augwaligo ebaso, te pedelali.

Obadia 1:21

“Te Jerusalem dabego te boi hwįnama, augwali aiyaba elalubaso da, te augwali pelama, te Idom dabe dali hwįgi pelama, te augwaligo bulu tǫ kantri selama, te augwaligo augwali tonalueibao. Tiali goli, ena Genuai Bidi, te ena digi ena te augwa king bidaibao,” wai dao.