Godigo Nogi Ugwaba Sabo Tęąbi Po Wabo Buku Dabe 22:22 - Godigo dwagi yai po buku

²² Nago tama tiwai ebaso da, teda eno te ena hani bidi dabebolo nago yali sę po pusaibao. Augwali te lotu weyu, deliba sisinibo side, tama eno nago nogi te augwali tomode ugwaba saibao.

Godigo Nogi Ugwaba Sabo Tęąbi Po Wabo Buku Dabe 22:22 Referans Kwoze

Polgo Po Pas Rom Dabeba Asęani 8:29

Magi baso meni, te Godigo augwali polo koneani bidi dabe, agai augwali me hagea siyu tedali muani, te aga Ogwa tiwai pedalomainogo yai, tama ama name hauwa bidimai hagede yali, tama Krais te augwaligo ama gomunai bidi bidaibao.

Matyu 28:10

Jisasgo po weyu te we sibolo te po wai, “Dage si wi elamuo. Dage sigo eno ama dede augwalibolo wagi pelama, tama augwali te Galili buluba pao wao. Tama augwaligo ena tede sumainogo yaibao,” Jisasgo te we sibolo te po wai.

Matyu 25:40

Tama tuni bidigo po wei ponoyu, augwalibolo te po waibao, ‘Eno mu po dagebolo obao, te tigidali sę dagego te eno amanu e tiwai te nogi meni yai bidi dali yali wiegi yai sę, te sę dabe te dagego ena dali te yali dao.’ Tuni bidigo te po waibao.”

Dwagi Yai Gesi Po Jongo Asęani 20:17

Jisasgo Maria dali te po wai, “Nago ena diągio. Ena eno Aya God bidibo digi dagaluba me pabeo. Tama tibaso, nago ena dąų ola sigio. Tialima, nage eno ama dabe bidibo digi pelama, augwali dali te po tama wagibao, ‘Ena eno Aya bidibo madigi dagaluba holobao, tama te aga dagego Aya me dao. Tama eno ena God bidibo digi pobao, tama te God dagego God me dao,’ te po eno ama dabebolo pusigi pao,” Jisasgo Maria dali te po wai.

Godigo Nogi Ugwaba Sabo Tęąbi Po Wabo Buku Dabe 22:25

Te lotu wainu sisinibo genuai pesagede te eno nago nogi deli naga ugwaba saibao, te nago ebo sę tigidalide te tama tiaibao. Te polobadu eno yaibao po dąų wali ofa, te eno te nagede wi ebo we bidi gedude yaibao wali.

Godigo Nogi Ugwaba Sabo Tęąbi Po Wabo Buku Dabe 57:9

Genuai Bidi, te eno nageba usu da wabo po te gasa hani tomode waibao. Te ena tigidali tǫde bidibo we bidiba pelama, te nago nogi ugwaba saibao.