Godigo Nogi Ugwaba Sabo Tęąbi Po Wabo Buku Dabe 22:16 - Godigo dwagi yai po buku

¹⁶ Te dwai bidi dabego ena te tigidali habu badu te yowigo uni hasa pobeasa bilibo tiwai gilama ebao. Augwaligo eno sągąde me nogode te augwaligo gąųgo kelebao.

Godigo Nogi Ugwaba Sabo Tęąbi Po Wabo Buku Dabe 22:16 Referans Kwoze

Dwagi Yai Gesi Po Jongo Asęani 19:37

Tama gasa po me te Godigo bukude asęyu te po wai, “Tama augwaligo te enani bidi teba gedugo tonaluaibao,” te po me asęani.

Matyu 27:35

Augwaligo Jisas aga te ni pedaide elama daganai madi, tama agai gudali ugwa dabe augwa dobola sainogo augwa hasi satu gagali bolo yalio.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Dwagi Yai Gesi Po Jongo Asęani 20:25

Tama Jisas aga wali pabo bidi mebago Tomas agabolo te po wai, “Dago naga Genuai Bidi dago suai dao,” te po Tomas dali wai. Tialima Tomasgo augwalibolo te po wai, “Eno aga nogode nel enani digi susiąyu da, tama eno nogo dani te nel enani digi tomoba musiąyu da, te eno nogo aga punali badu palama susiąyu da, teda te eno te poba ena homu mu mugobeo,” Tomasgo te po wai, augwali dali.

Dwagi Yai Gesi Po Jongo Asęani 19:23

Te ami bidi dabe augwaligo Jisas ni pedaide elama daganai. Tama te sę elama, tama augwaligo Jisas aga ugwa dabe sai. Aga ugwa dabe selama, tama ami bidi me si me si augwa hasi te ugwa dabe dobola sai, tama te ami bidi deli deligo Jisas agai te ugwa me deli sai. Tialima agai holobo ugwa hobolisiąwani bobobage mu nigai ugwa dao.

Dwagi Yai Gesi Po Makgo Asęani 15:24

Tialima, augwaligo aga te ni pedaide ela daganama, tama te ami bidi dabe augwaligo te agai gudali ugwa tigidali te augwa dobola sai. Augwaligo te satu gagali elama, dego te mena ugwa te dąį elama sainu tiali.

Dwagi Yai Gesi Po Jongo Asęani 19:34

Tialima ami bidi me deligo Jisas punali badu sesemonego enai. Tama polo kaneme dali ąį dali geasa dulai, tǫba.

Dwagi Yai Gesi Po Lukgo Asęani 23:33

Augwali bulu meba sabolai, te bulu nogi diligo tobolu dao. Te bulu dude augwaligo Jisas ni nami pedaide neligo enama, te ni nami pedaide dąų dagana ulai, te ni tǫba bulai. Augwaligo te dwai sę yai bidi si me ni namide neligo enama, te ni pedai si tǫba bulai. Te bidi me Jisas dolo nogo badu muai, me bidi Jisasgo pobase nogo badu muai.

Filipai 3:2

Dage dua dao, te sę dwai ebo bidi dabe, te wili sulai yowi tiwai. Dage dua dao, dwai bidi dabego dagebolo “Te da Juda bidi dabe tiwai eyu, duga tigi togoyu, Godigo sa mubo dąį tigiba muao,” te po wabo bage, te augwalide dua dao.

Dwagi Yai Gesi Po Lukgo Asęani 23:23

Tiali goli, augwaligo bomo mu yai, augwaligo moni i bomonama mu wai. Te Pailatgo Jisas elamuo po augwalibolo omainogo, te augwaligo i wabo elabo pogo Pailatgo po aiyaba elaluai.

Aisaia 53:5

Te dago yali dwai sęgęde naga aga dolali. Te augwaligo aga dodagia mu elama, te aga tigi tologola pali, agai te tolali sęgęde aga da usu ma ilama pedelali, te da bugagia mu bidibo dao.

Godigo Nogi Ugwaba Sabo Tęąbi Po Wabo Buku Dabe 22:20

Nago ena ma dobola sali da, teda augwaligo ena te moni hwągo me ela mugobeo. Nago ena tau sobaso da, teda te yowi tiwai bidi dabe augwaligo ena ela muainu ebaso, te usu me egobeo. Menio. Te ena bidibo ula elalu, bidaibao.

Godigo Nogi Ugwaba Sabo Tęąbi Po Wabo Buku Dabe 22:1

Eno God, eno God, magi baso nago ena tagaluwe? Magi baso nago ena tau sisąma ebawe? Magi baso eno gela wabo nago odobewe?

Dwagi Yai Gesi Po Jongo Asęani 20:27

Tama agai Tomasbolo te po wai, “Nago nogo dani eba da muao. Tama nago eno nogo me suao. Tama nago nogo eno punali badu palama suao. Nago homu si ebo tagalao. Enade nago homu deli yao, te tiwai bidao,” Jisasgo te po Tomas dali wai.

Godigo Nogi Ugwaba Sabo Tęąbi Po Wabo Buku Dabe 59:6

Te hulide augwali te genuai hanuba ma aselama, tama augwali te taun bobegelali obo sesege badu bagula biliyu, tama te yowi dabego wabo tiwai i ola bilai.

Kraisgo Geme Dualali Sę Pedelabo Po Jonbolo Ola Mani 22:15

Tiali goli te dwai dwai kolesaga ebo bage, augwali te yowi dabe tiwai da, augwali me, te pobi po wabo bidi dabe me, te penani kolesaga ebo we bidi me, te bidi ela mubo bidi dabe me, te tibo god dali lotu po wabo bage, tama te ili po wabo kolesaga godolo eyu wali pabo bidi dabe, te dwai kolesaga wali pabo bidi dabe augwali te Godigo hanu bulu badu bidaibao.

Godigo Nogi Ugwaba Sabo Tęąbi Po Wabo Buku Dabe 86:14

God, megi te hagoma ebo bidi dabe meba aselama, tama ena dali hwįainu ebao. Te dwai sę ebo bidi dabego te bidi hasi homu dene eyu, tau sabo kolesaga eyu, me sogobeo, tama augwali sisinama, ena ela muainu yali. Augwaligo te nago po wali me pisąwai, augwaligo te sela sąyu naga ebo dao.

Matyu 26:57

Te bomai po page koneai bidi dabe dali, te Juda dabe tobolu bidi dabe dali, augwali te bidi Kaiafasgo beba sisinama bidaluai. Te Kaiafas aga te pris bage tuni bidi mu dao. Tama te Jisas nogo tulama dąų wali bidi dabe augwaligo aga te Kaiafasgo beba odasa palio.

Matyu 7:6

“Te dagego te wiegi yai tedali nai te yowi dabebolo magimio. Tama dagego duga wiegi wiegi yai au yabo bis tiwai nai dabe te kibu dabeba sągimio. Tiyu augwaligo te nai dabe sągągo agalama, tama augwali ma begeleyu, tama dage ma tuidali weyu tama egimio,” Jisasgo te po wai.

Jeremaia 12:6

Te sęgę dabede te me deli te tiwai elalubao. Te naga hani dabego digi te nageba dwai sę yabo po mia salio. Te nage augwaligo nage pobeasa pabo tiwai elama, te pąde nage pageabi yainu ebo tiwai yaibao. Te augwaligo nage dali wiegi yai po obadi, te tagalao, nago augwaligo poba homu kęą pelamu dao,” wali.

Godigo Nogi Ugwaba Sabo Tęąbi Po Wabo Buku Dabe 59:14

Tama hulide te eno boi bidi dabe te taunba ma aselama, tama augwali te bagula biliyu, tama te yowi dabego go wabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 38:11

Te eno abagi, me hai namu dabe, te augwali ena pąba asabo homu isąwai. Augwaligo te eno keni suabo homu isąwai. Tama ena hani sibi dabe augwali te digibulu bidibao.