Godigo Nogi Ugwaba Sabo Tęąbi Po Wabo Buku Dabe 22:15 - Godigo dwagi yai po buku

¹⁵ Eno dogoni te wa mu pali, tama eno hamena te pedauwalide agana sai. Naga digi ena tagalama, ama ena mu isainu ebao.

Godigo Nogi Ugwaba Sabo Tęąbi Po Wabo Buku Dabe 22:15 Referans Kwoze

Dwagi Yai Gesi Po Jongo Asęani 19:28

Te silama, Jisas agai koneai, eno sę tigidali megi tama siliyu te ebao, te homu yai. Tialima, Godigo polobadu asęani po me usu numainogo, agai te po wai, “Ena ąį nogonego sobao,” te po wai.

Godigo Nogi Ugwaba Sabo Tęąbi Po Wabo Buku Dabe 69:3

God, eno nageba te i wedu wedu gebo sę edubadi, tama eno bomo te silalio. Tama eno dogoni wa pelama, tama eno gedu dene yai, magi baso meni, eno te sesabi elama gana nago ena tau sabo tonaluai.

Aisaia 53:12

Te we bidi dabego aga te dwai bidi me deli tonobo tiwai yai. Tiali goli, aga bidibo ula digi te olo wę mu gelebo tiwai eyu, agai te hauwa we bidigo dwai sę yali sęgę tolalio. Tama augwali dolidali weyu, agai te dwai sę ebo we bidi tau siyu, gedu haluasa po wai dao. Tama tibaso, eno agaba te genuai bidi dabe tomode te agaba genuai nogi mawaibao. Eno te bomai ami bidi dabego te boi hwįnama, te sali nai dabe agaba dobolama mawaibao,” wali.

Godigo Nogi Ugwaba Sabo Tęąbi Po Wabo Buku Dabe 69:21

Te eno nasi ebo sogo, augwaligo te dwai marasin ena mani. Te ena dogoni wa pobaso, tama augwaligo te ha ebo ąį nogi viniga naga ena mayu yai dao.

Godigo Nogi Ugwaba Sabo Tęąbi Po Wabo Buku Dabe 38:10

Te eno hoboludu sę bomo mu ebaso, tama eno bomo te mu sia salio. Te eno gedu hulia selama, tama eno bugagia ma tonosiąbo dao.

1 Korin 15:3

Te eno polasa po dagebolo hasia bolo mani, te eno me eno polobadu te po naga sali. Te po e tiwai dao: te Krais isilama dago dwai sęgę tigidali sela samainogo yali, te Godigo po bukude polobadu asęani po tama usu nani.

Godigo Nogi Ugwaba Sabo Tęąbi Po Wabo Buku Dabe 104:29

Nago augwali tudiba mubaso, augwali wi ebo dao. Tama nago augwaligo mobo sela sąwani da, te augwali isilama, tǫ tiwai ma gagawaibao.

Matyu 27:50

Te Jisasgo i bomonama ma olama, tama aga noma bidi mobo tagala palalio, te aga mu isalio.

Bugagia Bidibo Kolesagade Po Asęai Buku 17:22

Te bugai haliga ebo kolesaga te bidi bugagia bidimainu mabo marasin tiwai ebao. Tiali goli, te bidigo homu dolobaso da, te dwai gasigo te bidigo tigi dili dabe tomode te dolobo sę ebo tiwai ebao.

Jopgo Po Asęani Elalubo Buku 29:10

Tama genuai bidi dabe me po me wabo menio. Augwali pedauwali pani selama elaluai dao,” wali.

Daniel 12:2

Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Te We Bidi Dabego Jerusalem Hagede Gela Wali 4:4

Te dwasianu wai bǫų dabe augwali tuabo ame menio. Tama augwaligo dogoni dolama, mu aloa pabo dao. Te wai bǫų dabe augwali biliyu, te we bidigo augwali nai momainu biliyu, hanalua bilalio. Tiali goli, te bidi mego augwali nai me mabeo.

Godigo Nogi Ugwaba Sabo Tęąbi Po Wabo Buku Dabe 30:9

Tama eno te po wai, “Te ena te isai madiba pobaso da, teda te mena wiegi yai nai pedelaibawe? Te ena gų pageba pobaso da, teda tebogo de tau sogowe? Te isali bidi dabego nago nogi ugwaba somainu te homu eba, agawe? Te augwaligo nageba pusuyu, te nago sesemane sogo augwali wiegi yai bugagia ilibo da homu ebo po waiba, agawe? Menio.

Jopgo Po Asęani Elalubo Buku 34:15

teda te tigidali tǫde bidibo nai dabe deli sogo tama isigi dao, tama da we bidi me tǫ ma gagagi dao,” Elihugo te po wali.

Jopgo Po Asęani Elalubo Buku 10:9

Konea, nago ena nigali te bidigo tǫ sene nigibo tiwai yai dao. Tama megi da, mena tama tialiwe? Nago homugo ena tǫ ma gagamainu ebawe?

Tigidali Nai Gagalama Nigali Side 18:27

Tialima, Abrahamgo po ma wali, “Genuai Bidio, nago eno te po hauwa wabode wado po wabo homu me elamuo. Ena olo bidi naga dao. Eno magi nai po deli me wagobeo.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

Jopgo Po Asęani Elalubo Buku 7:21

Magi baso nago eno sęgę dali, dwai sę dali si tagalobo homu ebewe? Dwasianu sogo ena isama, ena gų pagede pila muaibao. Tama nago ena gegebo sogo, te nago ena munu ma sugobeo,” Jopgo Genuai Bidibolo te po wali.

2 Samuel 14:14

Dago koneani, da tigidali te isaibao, tama te da bidabo ula ma sainu ebo te usu me egobeo. Te wę tǫba gealuali, te dago ma sainu ebo te usu isiąbo, te tobage tiwai ebao. Tiali goli, Godigo te bidigo bidibo ula te olo dali sela sąwainu ebaso, usu me egobeo. Menio. Te bidi me deli agade te digibulu bidibaso da, agai te bidi te aga pąba ma odasa asabo sunumi gegibo dao.

Jopgo Po Asęani Elalubo Buku 19:20

Ena dili pulu hą elama, ena mu nomona selama, bomo menia pali. Ena mu dolama, ena mu isabo ąǫ yali. Awe, pąde mu ena isai dao,” wali.

Jopgo Po Asęani Elalubo Buku 30:16

“Pąde mu tama, eno bidibo ula mu tama silaibao. Tama tigidali sogo eno tigi dene naga eyu ebo.