Godigo Nogi Ugwaba Sabo Tęąbi Po Wabo Buku Dabe 22:14 - Godigo dwagi yai po buku

¹⁴ Eno bomo tigidali silalio, augwa te tǫba wę gelama, te soa sabo tiwai gilama yai. Te dili ununani tigidali te guda pai. Eno homu te mu nagamea pali, te posolo yai ili wę pedalubo tiwai yali.

Godigo Nogi Ugwaba Sabo Tęąbi Po Wabo Buku Dabe 22:14 Referans Kwoze

Daniel 5:6

King te wi mu yali, tama aga gesabidi te hasegelama, tedela yai pedelali, tama aga bomo me silali, tama aga tigi dili dabe te mumunu eyu, didibili yalio.

Godigo Nogi Ugwaba Sabo Tęąbi Po Wabo Buku Dabe 31:10

Te ena haliga sęgęgo digi ena bidabo ula pęwadage ilali. Ena gela mu udu gebaso, tama tiyu, te ena sesabi elama me bidigobeo. Eno genuai sęgę mu elalubao, tama tiyu, eno bomo silalio, tama eno dili tigidali dolobo sę ebao.

Jopgo Po Asęani Elalubo Buku 23:16

God Tigidali Bomo Elalubo Bidigo eno bomo silama, tama ena wi mu ilalio.

Josua 7:5

Augwaligo te Israel dabe te hanu tomoba pabo te genuai sunumidu pobeasa pelama, te masigi pepedebo buluba usu nigi pai. Tama augwaligo te bulu duba aiya dulubo te sunumide te bidi te 36 tama bidi usu nama elai. Tama te Israel dabe augwali wi mu elama, tama bomo elama me dolalubeo.

Dwagi Yai Gesi Po Jongo Asęani 12:27

Agai po ma weyu, Jisasgo te po wai, “Megi eno homu sęgę mu eyu, midigi ebao. Tama eno magi po wagowe? Tiyu eno te po wagawe, ‘Aya, nago te enabolo tamadi pedalainogo ebo sę sela sąyao, enaba asidali.’ Eno te po wagawe? Woo, te po eno wagobeo. Tialima, te tiabo sogo ena pedalagasai dao, te ena dene somainogo yaibao.

Nahum 2:10

Te taun Ninive mu dolalio, te bidi dabego tagalama wi tedela pali. Tama taun te pobele bage yai olo tǫ mu elaluai. Te we bidi dabe wi dwai mu elama, te augwali nogo sągą didibili ebao. Augwa bomo kimi te isalio, tama augwa gedu te tedela dwai mu yai dao.

Godigo Nogi Ugwaba Sabo Tęąbi Po Wabo Buku Dabe 68:2

Waligo te hano sela sąbo dao, te tama tiwai gilama naga Godigo te boi bidi dabe sela sąyu tiaibao. Siago te kandel ili posolo ilibaso, tama ili te wę tiwai pedelaibao. Te tama tiwai naga te dwai sę ebo we bidi dabe te augwali God gedude dolaibao.

Godigo Nogi Ugwaba Sabo Tęąbi Po Wabo Buku Dabe 22:17

Eno tigi dili tigidali te hania pedelali. Tama te bidi dabego ena sulama, tama ena dolali sęde te augwa wiegi yai homu pemene yai.

Jopgo Po Asęani Elalubo Buku 30:16

“Pąde mu tama, eno bidibo ula mu tama silaibao. Tama tigidali sogo eno tigi dene naga eyu ebo.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Matyu 26:38

Agai augwalibolo te po wali, “Eno homu sęgę mu ebaso, pąde ena isainogo ebao. Dage ede bidiyu, tama ena dali tonaluyu, godege pigimio.”

Jopgo Po Asęani Elalubo Buku 16:10

“Bidi dabego ena bobegela sali, enade dwai sę yainu. Augwaligo ena gisugu mayu, eno naboge eleyu ebo.

Godigo Nogi Ugwaba Sabo Tęąbi Po Wabo Buku Dabe 35:21

Augwaligo enaba po kisilama, te genuai po dągą weyu, te tama po wabo dao, “Mu tama, dago te nago dwai kolesaga meba te ebo gedugo sualio,” te po wabo dao.

Te We Bidi Dabego Jerusalem Hagede Gela Wali 3:46

Dago boi bidi dabe tigidaligo da posobo po hauwa wai dao.