Godigo Nogi Ugwaba Sabo Tęąbi Po Wabo Buku Dabe 22:1 - Godigo dwagi yai po buku

¹ Eno God, eno God, magi baso nago ena tagaluwe? Magi baso nago ena tau sisąma ebawe? Magi baso eno gela wabo nago odobewe?

Godigo Nogi Ugwaba Sabo Tęąbi Po Wabo Buku Dabe 22:1 Referans Kwoze

Dwagi Yai Gesi Po Makgo Asęani 15:34

Tama te giliga dega sainu ebode te Jisasgo po dagą bomonama weyu, te po wai, “Eloi, Eloi, lama sabaktani?” E tiwai po wai, “Eno God, eno God, magi baso nago ena tagalubawe?”

Matyu 27:46

Tama be pio ebo pąde Jisasgo i bomonama weyu, te po wai, “Eli, eli, lama sabaktaniwe?” Te po page e tiwai dao: “Eno God, eno God, magi baso nago ena tagaluwe?”

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Godigo Nogi Ugwaba Sabo Tęąbi Po Wabo Buku Dabe 22:16

Te dwai bidi dabego ena te tigidali habu badu te yowigo uni hasa pobeasa bilibo tiwai gilama ebao. Augwaligo eno sągąde me nogode te augwaligo gąųgo kelebao.

Jopgo Po Asęani Elalubo Buku 3:24

“Ena nai me tubo meni yani. Eno haligade gela naga wabo. Ena dene dwai mu ebaso, ena hwąwa boma mu wabo dao. Tama eno homu sęgę da, ąį gamiade wę pągąlubo tiwai elama pabo tiwai ebo.

Dwagi Yai Gesi Po Lukgo Asęani 24:44

Te Jisasgo augwalibolo te po wai, “Polobadu ena dage dali bidibadi, tama eno dagebolo wai dao, tigidali po te polobadu bidi Moses bidibo side asęani, te polobadu Godigo po pusa mani bidi dabego asęani bukude me, te buku nogi Sam tede me asęani po me, te enade asęani po tigidali nai igilama mu walaibao wai,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 10:1

O Genuai Bidi, magi baso nage digibulu dolalubawe? Magi baso te dwai sę daba pedalubo sogo nago dade geme duala sobawe?

Hibru 13:5

Dagego te monede pesą eyu godolo ebo kolesaga wali me pigio. Te dagego tolalubo naide te dagego e tiwai homu yao, “Te wiegi yai dao. Te ena usu yaibao.” Magi baso meni, Godigo digi te po walio, “Te ena nage munu me tagalogobeo. Te eno nage tudiba munu me mugobeo.”

1 Samuel 12:22

Te Genuai Bidigo homugo naga te agai dage sa munama, te aga hani bage pedelali. Tama teyu, agai te aga genuai nogi me te aga dąų walali poba homu kone palama, tama agai dage tudiba me mugobeo.

Godigo Nogi Ugwaba Sabo Tęąbi Po Wabo Buku Dabe 22:11

Te sęgę enaba megi pedalubao, tama tiyu, nago ena me tagaligio. Ena tau sabo bidi deli me menio.

Godigo Nogi Ugwaba Sabo Tęąbi Po Wabo Buku Dabe 71:11

Augwa te tama po wali, “Ae, tegoba, dago aga pobelama, tama tola sinao,” wali. “Te aga tau sabo bidi me deli menio. Godigo aga tagalai dao,” wali.

Aisaia 46:13

Menio. Te pąba pedelalio. Te eno munu ma tonalugobeo. Te eno dage Israel dabeba boi bidi ebo bidi dabeba dene mu menama, te dage bugagia ma bidaibao. Te Jerusalem taun me wiegi yai bugagia ma ilaibao, te eno ena genuai nogi me bomo te dage Israel dabe tomode hania pepeli diliba pedalumainu yaibao,” wai dao.

Godigo Nogi Ugwaba Sabo Tęąbi Po Wabo Buku Dabe 38:8

Ena mu dolama, tama ena dwai bidali, te magi nai me deligo ena bomonama agabo tiwai gilama yali. Eno haligade te dwai homu mu yali, tama ena te genuai denede i me weyu yali.

Godigo Nogi Ugwaba Sabo Tęąbi Po Wabo Buku Dabe 37:28

Magi baso meni, Godigo te doloba pai kolesaga ebo we bidi wei eyu, godolo mu ebo dao. Agai te aga we bidi hagamainu me egobeo. Sesemane sogo Genuai Bidigo te we bidi dabe dolasa bilimainu tonalueibao. Tiali goli, te dwai bidi dabego wai dabe da, te mu dolaibao.

Godigo Nogi Ugwaba Sabo Tęąbi Po Wabo Buku Dabe 16:1

God, nago ena tonaluao. Magi baso meni, eno te nago ena bugagia tonalueibao homu eyu, tama ena nage dologoba bidagasobo dao.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Aisaia 59:11

Te sęgę dabego da dwai dene mu ebaso, te dago te genuai hasa bea dabego gani gani wabo tiwai weyu, te dago gela wali te ba higo po wabo tiwai yali. Tama dago te nageba tonalu, te nago doloba pai kolesaga ola mayu, te da tau selama, ma sabo tonalubo dao. Tiali goli, menio. Te nago doloba pai kolesaga dade digibulu elalubo dao,” wali.

Godigo Nogi Ugwaba Sabo Tęąbi Po Wabo Buku Dabe 26:9

Nago ena te dwai sę ebo bage dali me dologio. Nago ena te gasa bidi ela mubo bidi dabe dali me ela mugio.

Pris Sę Ebo Bomai Po 2:6

Te dagego te plaua dwasianu dwasianu miminama teba wel gelama, te Genuai Bidiba ofa yao,” te po wai.