Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 20:1 - Godigo dwagi yai po buku

1 Dago king bidio, eno homugo te nage haliga sęgę ebo sogo, te Genuai Bidigo nage tau somainu yao. Mu tama, te Jekopgo Godigo nage seselaluaibao. Awe, agai nogigo bomogo tama tiao.

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 20:1
21 Referans Kwoze  

Genuai Bidi te bomai be me deli elalubo tiwai ebao. Te doloba pai kolesaga ebo bidi dabe augwa te beba udula sobaso, tama bugagia bidaibao.


Te sęgę hauwa enaba pedalubo sogo, nago ena tonalubaso, tama ena bugagia bidibao. Te boi bidi dabego enaba wado ebo dao, tiali goli, nago augwali dali hwįyu elama, tama nago bomogo naga nago ena ma sabo dao.


Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.


Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.


Dage te Genuai Bidi dologoba pelama, te agai sę bidigo po wali pabo hani dabe, dage wi me igimio. Te dage hulide biliyu, te dage ula meni yai, te dage konealubo homu Godiba dąų wao, te Genuai Bidigo dage tonalu, agai dage tau saibao.


Eno homugo nago te tiwai yao homu ebao, teda augwa mu konemainu ebao, nagaduba deli naga, nage te Genuai Bidi, tama nage te Ugwade Mu Bidibo God da, tama nago te tigidali tǫ tonalubo dao.


God aga te da seselalubo bidi da, tama agai sesemane sogo da bomo mabo dao. Aga te pąde bidiyu, te dago genuai sęgę sabo sogo tau sainu sisi elalubo dao.


Homu dene mu ebao, te dwai sogo mu me deli pedelaibao. Te dwai sogogo te gasa dwai sogo ebo tigidali aiyaba elalueibao. Eno we bidi dabe, te Israel dabe, augwali te sogo genuai sęgę elalueibao. Tiali digi, te eno augwali ma saibao.


Nago da tau sobaso, tama dago te boi bidi dabe dali hwįaibao. Magi baso meni, te bidi dabego naga da tau sobaso da, te olo nai tiwai naga dao.


Te augwaligo tama tiali sogo, te Juda te Genuai Bidigo tedali gasagi yai hani bage pedaliyu, te Israel dabe me tama tiali.


Godigo te tama po obao, “Te eno we bidi dabe, dagego ena dali te bomai po dąų walali, tama dagego te dąų walali po dąų waliyu, te kibu hasa dabe ofa yai. Dage te ena dali deliba sisinagasao,” po wai.


Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.


Genuai Bidi agai ena tau sabo da. Aga te eno bomai obo tiwai da. Genuai Bidigo ena tonalubaso, tama te boi bidi dabego ena me dologobeo. Genuai Bidi te hwįbo sabele tiwai elama, tama ena geme seselalubo. Agai te ena ma selama, tama ena tonaluabo bomo elalubo dao.


God, te nageba asobo we bidi te nago augwali tudiba munu me mugobeo. Tama tibaso, te nage koneani bidi dabego da, te nageba konealubo homu dąų mu wabo dao.


Bidigo te magi doado bage meni yai bidiba homu kone palama, tama augwali tau sabo bidi da, te bidigo homu wiegi yai pemene yao. Te sęgę agaba pedalubo sogode, te Genuai Bidigo aga tau saibao.


Swiv nou:

Piblisite


Piblisite