Godigo Nogi Ugwaba Sabo Tęąbi Po Wabo Buku Dabe 2:12 - Godigo dwagi yai po buku

¹² Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

Godigo Nogi Ugwaba Sabo Tęąbi Po Wabo Buku Dabe 2:12 Referans Kwoze

Godigo Nogi Ugwaba Sabo Tęąbi Po Wabo Buku Dabe 40:4

Bidigo konealubo homu te Genuai Bidiba dąų wabo bidi da, te aga wiegi yai homu pemene yao. Te hagoma ebo bidi dabe wali pisąbo bidi tiwai, tama te Genuai Bidi me tagalisiąma, tama te tibo god dabeba lotu po me wagobeo. Mu menio.

Dwagi Yai Gesi Po Jongo Asęani 5:23

Magi baso meni. Tigidali bidigo Godigo Ogwa nogi ugwaba samainogo, te Godigo nogi ugwaba sabo gilamao. God Ayago aga Ogwa e tǫba tagala palobaso, tama bidi te Godigo ogwago nogi ugwaba sisąbo bidi da, agai Godigo nogi me ugwaba sisąbo bidi da,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 84:12

Godigo Te Tigidali Bomo Elalubao, te nageba konealubo homu dąų wabo we bidi dabe, augwa te wiegi yai pemene sesemane emainu yagameo!

Godigo Nogi Ugwaba Sabo Tęąbi Po Wabo Buku Dabe 34:8

Genuai Bidigo wiegi yai kolesaga dabolo ebo dao. Duga digi te usu bugagia selama, suiąo, tama te dagego koneyu, te Genuai Bidi wiegi yai mu da waibao. Te Genuai Bidiba konealubo homu dąų mu wabo bidigo da, aga te bugai haliga mu elama bidaibao.

Jeremaia 17:7

“Tiali goli, bidigo konealubo bomai po Genuai Bidi, enaba elama, tama eno naga aga tau sabo te homu konebaso da, teda eno te bidiba wiegi yai sę bugagia mu yaibao.

Aisaia 30:18

Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.

Bugagia Bidibo Kolesagade Po Asęai Buku 16:20

Te bidi dabego aga ola mabo poba olo bugagia munama te po odobaso da, teda aga bugagia bidibo kolesaga elaluaibao. Tama bidigo konealubo po Genuai Bidiba dąų obaso da, te aga wiegi yai homu pemene yaibao.

1 Pita 2:6

Te eno po digi po begelama wali pode, te Godigo po bukude te Godigo wali po te bidi me deligo tama asęani, “Odiąo. Te eno masigi dabego te be nigiyu, tama eno te wiegi yai dila pai masigi me deli selama, tama ‘Te be bugagia dąų wabo masigi dao’ weyu, eno te dila pai masigi te sęba dąį ilali elalubao, te bulu nogi Saion tede munalubao. Tama bidigo aga homu tigidali agaba mubaso da, te bidi hale munu me egobeo,” te po asęani.

Efesus 1:12

Tama hasia te gasa we bidi augwaligo te kolesaga isiąbadi da Juda we bidi dena homu tigidali te Godigo sa muani nosali asaibao wali bidi Krais te bidiba dena homu muani. Tama dena homu tigidali agaba munama, tama dwagi yai homu eyu, da aga ma asobo bugagia tonaluai dao. Tama da te tobage sę hasia ebo bidi dabe dago Godigo ula yai bomo elalubo nogi ugwaba sao.

Te Israel me Juda Hani Sigo Tuni Bidigo Po Elalubo Buku Deli 19:18

Tiali goli, te eno bidi sese umabo, 7,000 we bidi, te Israelde bidimainu hageai dao. Te augwali enaba naga wali pabo we bidi da, te augwaligo te tibo god Balba kidu sugunisąma, te agai piksa noma dabeba nono nisąma, te agaba lotu po me wasiąyani we bidi dao,” Genuai Bidigo te po wai.

Polgo Po Pas Rom Dabeba Asęani 9:33

Te tiwai po me deli te Godigo po bukude polobadu asęani, te po e tama wai, “Odao. Te Saion hanude eno te bidi sągą dani tuą palama tulaluabo masigi me deli mubao. Eno te bidi me deli tede mubao, tama we bidi augwaligo aga dali dwai homu yaibao, te augwali dani tuą palama tulaluabo masigi tiwai dao. Tama tiali goli we bidigo agaba konealubo po dąų wabo bage, agai augwali tau mu sabo usu mu yaibao, te augwali tulaluama hale me sogobeo,” te po asęani.

Godigo Nogi Ugwaba Sabo Tęąbi Po Wabo Buku Dabe 2:5

Aga te haliga sębę posolo elama, tama augwaliba bomai po mobao. Tama agai wado po genuai weyu, te augwali wi dwai ilibao.

Godigo Nogi Ugwaba Sabo Tęąbi Po Wabo Buku Dabe 1:6

Magi baso meni, Godigo te doloba pai bidi dabe bugagia tonalubo dao, tialima dwai kolesaga ebo bidi dabe, augwali dwai dene ebo bulude bidada peyu, bidada pabo elalubo.

1 Samuel 10:1

Tialima, Solgo te sę bidi polasa tagala palai, tama Samuelgo te oliv wel botol dwasianu me deli selama, tama te wel habu te Sol toboluba geliyu, te aga king pedalumainu nigiliyu, sa muani. Tama Samuelgo agaba te gesabidi nono neyu, te e tiwai po wai, “Genuai Bidigo te nage aga we bidi, te Israel dabego king bidi nigilali dao. Tama nago augwali tonalu, tama augwali tau siyu, te boi bidi dabego augwali dolomainu me egobeo. Tama megi eno te nageba nosali pedelabo sę po nagebolo wainogo ebao. Tama nago te sę dabe pedalubo subaso da, te nago koneao, Genuai Bidigo te nage sa muyu, te aga we bidi dabe tonalumainu nigilali dao. Te e tama tiwai sę dabe dao.

Hosea 13:2

Tama megi me, augwaligo te dwai sę me idubo sę ebao wali. Augwa te tibo god te silvago nigilama, augwa teba lotu wabo dao. Te bidi dabe augwa homugo digi koneama, te tibo god noma piksa dabe te augwa nogogo digi nigali. Tama augwa te po weyu ebo, “Dagego te piksa nomaba ofa yao,” wabo dao. Ae, tegoba, augwaligo te bulmakau nomaba te nono nani! Augwali te menagi yai bidi mu dawe?

Godigo Nogi Ugwaba Sabo Tęąbi Po Wabo Buku Dabe 2:7

God Genuai Bidigo sa muani kingo te po wali, “Megi da, eno te Genuai Bidigo enabolo mani po pusubao. Agai enaba te po wai, ‘Nage eno wai dao. Megi tama nage te king bidi pedalubo sogo, ena te nago aya pedalubao.

Polgo Po Pas Rom Dabeba Asęani 10:11

Tama Godigo po bukude te sęde te tama po wai dao, “Te bidigo konealubo po agaba dąų obaso da, teda aga hale me sogobeo.”

Dwagi Yai Gesi Po Jongo Asęani 14:6

Jisasgo Tomasbolo te po wai, “Ena digi ena te pabo tų dao, tama ena mu po wabo page dali, bidabo ula page dali te enade elalubo dao. Tialima bidi me deli Aya pageba gasa tųdu nogo habu sugunai tųdu me pogobeo. Pabo tų ena deli dao.

1 Pita 1:21

Tama tiyu, Godigo aga te gų pagede ma hodolama, agabolo genuai ula yai nogi mawai dao. Tama tiwai ebaso, agadu dagego duga homu tigidali Godiba muyu agade mu dąų wali. Tama duga homu tigidali Godiba munama, tama agai dage dali wiegi yai sę yabo sogo dagego dwagi yai homu eyu tonalubo dao.

Tigidali Nai Gagalama Nigali Side 41:40

Te tama tialima, eno nage te eno hanu tǫde te polalubo gavman bidi nigilama, tama eno hani we bidi Isip dabe tigidali augwaligo nago po wali pomainu yaibao. Ena te gavman tuni bidi te eno nogi deli naga te nago nogi aiyaba elaluaibao,” wali.

Godigo Nogi Ugwaba Sabo Tęąbi Po Wabo Buku Dabe 31:20

Nago te konealubo homu dąų wabo bidi dabe te nage pąba geme dualubo dao, tama te augwali elainu te po mia sali bidi dabe, augwali usu me egobeo. Nago te nageba homu kęą pabo bidi dabe geme bugagia dualama, tama te boi bidi dabego tibo po kisilibo po wabogo te augwali aiyaba me elalugobeo.

Godigo Nogi Ugwaba Sabo Tęąbi Po Wabo Buku Dabe 34:9

Te Genuai Bidigo we bidi dabe, dage te aga dologode bidao. Magi baso meni, te aga dologode bidibo bidi dabe da, te augwali magi nai deli me sǫą pogobeo.

Godigo Nogi Ugwaba Sabo Tęąbi Po Wabo Buku Dabe 109:20

Eno homugo te Genuai Bidigo ena po tų ebo bidiba te tiwai dene momainu yaibao, magi baso meni, augwaligo te dwai po enaba walio.

Sefanaia 2:2

Tiyu, Godigo aga homu sębę haniniyu, dage deli sogo tama te plaua sasia pabo tiwai elama dolidali weyu iyąo. Tiyu, Genuai Bidigo sę yagasiyu, dage isi ulubo tiwai elama ulidali weyu iyąo.