Godigo Nogi Ugwaba Sabo Tęąbi Po Wabo Buku Dabe 19:8 - Godigo dwagi yai po buku

⁸ Genuai Bidigo dabolo dwagi yai po mu ola mabo dao. Te pogo dago homu kolesaga dwagi yai pemene mu ebo dao. Genuai Bidigo tama tiao wabo po te dwagi yai mu dao, tama dabolo dwagi yai koneabo homu kolesaga mabo dao.

Godigo Nogi Ugwaba Sabo Tęąbi Po Wabo Buku Dabe 19:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 12:6

Godigo dąų walali po te mu po naga dao. Agai po te wiegi yai mu, te wiegi yai kapa silva tiwai dao, tama te silva augwaligo te a naga olama, nogo me badu si, te tama sogo siaba ulama, te dwasianu meda mu meni yai tiwai mu dao.

Godigo Nogi Ugwaba Sabo Tęąbi Po Wabo Buku Dabe 119:105

Nago po te lam sole ula tiwai eyu, te ena tau sobaso, dolo paibao, tama te ula tiwai eyu, ena sunumi ola mabo dao.

Jeremaia 15:16

Nago po enabolo mobaso, te eno sali, te bidigo nai sabo tiwai yali. Tama nago te pogo ena pemene eyu, wiegi yai haliga mu yai, magi baso meni, ena nagaba elalubao, God Genuai Bidi Tigidali Bomo Elalubo Dao.

Bugagia Bidibo Kolesagade Po Asęai Buku 30:5

“Godigo po te mu po naga dao. Te agai yaibao po wali sę tigidali, te mu pedelai. Tama agaba pabo bidi tigidali te agai bugagia obo elaluyu, te hwįbo sogo te ami bidi te sabelego bugagia tigi bea sabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 119:128

Tama tiyu, eno nago po tigidali wali pobao. Eno homugo te gasa sunumi dabego te nago sunumi ela soabo te eno homugo hagela homu mu ebao.

Bugagia Bidibo Kolesagade Po Asęai Buku 2:6

Magi baso meni, Genuai Bidide digi agade te wiegi yai homu kolesaga page elalubao. Tama agai te wiegi yai homu konebo kolesaga te dabolo mabo dao.

Godigo Nogi Ugwaba Sabo Tęąbi Po Wabo Buku Dabe 119:92

Te eno nago bomo yai po godolo menigi sogo da, teda nago enaba dene mabo sę ebaso, te isigi dao.

Godigo Nogi Ugwaba Sabo Tęąbi Po Wabo Buku Dabe 119:80

Te eno homugo nago ena tau sobaso, te nago bomo yai po tigidali eno wali peyu, tama ena te ena ebo kolesagade hale sabo sę me egobeo.

Bugagia Bidibo Kolesagade Po Asęai Buku 6:23

Magi baso meni. Te aya idago po te lam ula me deli te wiegi yai eyu, te nageba sunumi ola mabo tiwai ebao. Tama augwaligo te nage dodolobo sogo, te nage bidibo ula elalubo tau sabo wiegi yai kolesaga wali pomainu yaibao.

Polgo Po Pas Rom Dabeba Asęani 7:22

Mu tama, eno homude eno Godigo bomai po mu godolo ebo dao.

Galesia 2:19

Tama eno te bomo yai po nedeyu tama te nedebogo eno koneani, eno te bomo yai po dabe bolama, tama eno Godigo gedude dwai sę yai dao, tama agai ena sęgę mawaibao, te eno konea sali. Tama koneyu, eno te me koneani, eno te dena wąį dabego bomo yai po wali peyu, tama tedu ena Godigo gedude te doloba pai bidi munu me pedalogobeo. Tama tibaso, megi eno Godigo po wali peyu aga sę eyu bidibo dao. Tama ena te bidi Jisas dali te ni pedaide isali tiwai ebo ąǫ te homu ebo dao.

Polgo Po Pas Rom Dabeba Asęani 3:20

Magi baso meni, te bomai po wali pabo kolesagade te bidi deli agade Godigo ‘Aga doloba pai bidi dao’ po me wagobeo. Te bomai pogo dena dwai sę ebo kolesaga denabolo hania mu ola mayu ebo dao, te tama sę naga te bomai pogo ebo dao.

Polgo Po Pas Rom Dabeba Asęani 7:7

Tama tibaso dago magi po waibawe? “Te bomai pogo digi dabolo te dwai sę ilibo page pedalai dao,” ma dago te tiwai po waiba agawe? Mu menio. Te bomai pogo te eno yali sęde te dwai sę ebo po me ola magi menigi sogo da, teda eno me konegi meni dao. E tiwai yali, bomai pogo te po wai, “Nago gasa bidigo nai sabo homu eyu pesa me elamuo.” Tama bomai pogo te tiwai po me wasiąwai tigi sogo da, teda eno te gasa bidigo nai pesa ebo kolesaga te dwai kolesaga dao me konegi menio.

Godigo Nogi Ugwaba Sabo Tęąbi Po Wabo Buku Dabe 119:16

Nago bomo yai po eno godolo mu ebao. Tama eno homugo te po gegeda peyu, tagalogobeo.

Godigo Nogi Ugwaba Sabo Tęąbi Po Wabo Buku Dabe 119:14

Te eno nago po wali pabo homu ebogo te mone hauwa saibao homu ebo aiyaba elalubo dao.

Esekiel 36:27

Tama eno dagebolo ena mobo bidi dagebolo mawaibao, tama aga dagego homude bidaibao. Tama eno dage homu hogodolama, tama dagego eno bomai po, me eno gasa po wali bugagia pomainu ilaibao.

Godigo Nogi Ugwaba Sabo Tęąbi Po Wabo Buku Dabe 119:171

Te nago tigidali bomo yai po enaba bugagia ola mobaso, tama te eno nago nogi sesemane sogo ugaba mu saibao.

Godigo Nogi Ugwaba Sabo Tęąbi Po Wabo Buku Dabe 119:143

Te sęgę hauwa enaba pedelai, tiali goli, eno nago bomo yai pode homu pemene yaibao.

Godigo Nogi Ugwaba Sabo Tęąbi Po Wabo Buku Dabe 119:130

Te bidi me deligo gasa bidi tau siyu, te nago po page konemainogo tibaso da, teda aga haligaba ula mabo te saibao. Tama te pogo te homu kolesaga bugagia konesiąwani bidibolo te homu kolesaga mabo dao.

Godigo Nogi Ugwaba Sabo Tęąbi Po Wabo Buku Dabe 119:121

Eno te wiegi yai doloba pai kolesaga ebao. Eno homugo nago ena tagaligi homu ebao, tiyu te boi bidi dabego enaba dwai sę idalio.

Godigo Nogi Ugwaba Sabo Tęąbi Po Wabo Buku Dabe 119:40

Eno homugo nago po tigidali wali painogo ebo dao. Nage dwagi yai mu, tama nago bidibo ula ena mawai dao.

Godigo Nogi Ugwaba Sabo Tęąbi Po Wabo Buku Dabe 119:12

Genuai Bidi, eno nage nogi ugwaba sobao. Nago dwagi yai bomo yai po ena ola mao.

Godigo Nogi Ugwaba Sabo Tęąbi Po Wabo Buku Dabe 105:45

Agai tama tiwai, te Israel hani augwaligo agai tigidali bomo yai po wali pomainogo tiwai. Tama Genuai Bidi agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 40:8

Eno God, eno te nago homu wali pabo wei mu ebao. Te nago bomai po te ena haliga tomode elalubao.”

Godigo Nogi Ugwaba Sabo Tęąbi Po Wabo Buku Dabe 13:3

Genuai Bidi, nage eno God da. Nago enade homu koneama, te eno gedu haluasa po wabo odao. Te ena isidali weyu, nago ena dąų ma walao.

Ma Dobola Sali 18:16

Tama me sogo bidi me aga si magi nai me delide wado ebo sogo, te bidi si ena bidiboba aselama, tama eno augwali sigo po dagalama, tama te po isilaibao. Tama augwaligo wado ebo page tede eno augwalibolo te Godigo bomai po ola mabo dao,” wali.

Tigidali Nai Gagalama Nigali Side 26:5

Abrahamgo eno haniani te kolesaga yao po odama, tama agai eno bomai po tigidali wali pai. Tama tibaso, eno nage dali dwagi yai sę yaibao,” Yawego te po wai.

Galesia 3:21

Te bomo yai po dali, te Godigo we bidibolo dwagi yai sę yaibao dąų wali po dali, te po si augwa hasi boi bidi si tiwai dawe? Woo, te tiwai mu menio. Te po olamuo. Tama Godigo te bomo yai po me deli menama, tama te bomo yai pogo te we bidi Godigo gedude doloba pai we bidi egi sogo da, teda te we bidi tigidali augwali te bomo yai po wali pelama, augwali Godigo gedude doloba pai pedelali wagi da.

Aisaia 64:5

Nago pemene eyu, te doloba pai kolesaga mu elama, nago te godolo homu ebo kolesaga wali pabo bidi dabe tau sagasobo dao. Tiali goli, nago daba wado po wai goli, te dago kolesaga me hasegelebeo. Dago te dwai sę yabo bomo iduai dao.

Godigo Nogi Ugwaba Sabo Tęąbi Po Wabo Buku Dabe 119:54

Ena eno bulu digibulu bidiyu, tama eno nago dwagi yai po koneama, te eno tęąbi po wabo dao.

Godigo Nogi Ugwaba Sabo Tęąbi Po Wabo Buku Dabe 119:24

Eno sągą geselebo po nago enabolo mabo, te pode eno homu godolo mu ebao. Nago po ena sesemane sogo eno konemainogo ola mabo dao.

Nehemia 9:13

Tama augwali te Sainai bulu duba sabalubo sogo, nage te dagalude bidiyu, tama augwaliba po miai. Tama nage aiyaba dulama, nage te bulu dude bidai. Tama nago augwaliba te wiegi yai doloba pai bomai po mawai dao.

Nehemia 8:12

Tama te we bidi augwa beba pelama, tama augwa homu wiegi yai pemene elama, te nai me wę tuyu yai. Tama augwaligo te nai dage te nai sǫą pali we bidi mawai. Megi da, augwaligo te Godigo po page bugagia koneama, tama tiyu augwaligo te sę dabe yai dao.

Bomai Po 16:14

dage tigidali sese tama olo toma tuyu bidao, te dagego homu wiegi yai pemene eyu bidao. Te duga, me duga wai puluba, me duga sę bidi, me duga sę we dabe, me te Livai dabe, me te gasa bulu bidi dage dali bidibo, me te wai puluba augwa aya isai, me we augwa bidi isai wilawe we dabe, dage sese te hanu dabede bidalubo, te bage.

Bomai Po 16:11

Dage sese tama te lotu wabo pesage deliba pelama, tama Genuai Bidigo gedude dage wiegi yai homu pemene igi pao, te dage, me duga wai puluba, me duga sę ebo we bidi, me te Livai dabe, me te gasa bulu bidi dabe, me te wai dabe augwa aya isai dabe, me te we dabe augwa bidi isai dabe, dage te hanu dabede bidalubo bage, dage sese tama wiegi yai homu pemene iyąo.

Te Israel me Juda Hani Sigo Tuni Bidigo Po Elalubo Buku Si 17:37

“Dagego te eno asęani tigidali bomai po me, te eno e tobage kolesaga yao wali po dabe me, tama dage dua dua eyu, dagego te po mu wali pao. Dagego te tibo god dolo lotu po wagio.

Godigo Nogi Ugwaba Sabo Tęąbi Po Wabo Buku Dabe 93:5

Te nago tigidali bomai po te sesemane elalua peyu, elalua pobao. Mu tama, Genuai Bidi, te nago tempel be te tedali wiegi yai sesemane elalubo dao.

Godigo Nogi Ugwaba Sabo Tęąbi Po Wabo Buku Dabe 111:7

Agai kolesaga te mu elalu, te dolo mu elalubao. Dago te agai bomai po tigidaliba homu kęą pelama, wali pobaso, te usu dao.