Godigo Nogi Ugwaba Sabo Tęąbi Po Wabo Buku Dabe 19:5 - Godigo dwagi yai po buku

⁵ Siago buluba teda soai, te bidi we siyu, dwagi yai ebo gilama, tama aga bidibo be tagalama, buluba teda soai. Giligago aga dwagi yai homu eyu, aga pabo tų wali pabo dao, te bidi udawainogo sisi elama, dolalubo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 19:5 Referans Kwoze

Aisaia 62:5

Te naga wai dabego nage selama, te nage dali bugagia bidibo tiwai yaibao, te gesi ogwa bidigo te gesi wegi selama, te augwa si bugagia mu bidibo tiwai ebao. Te Genuai Bidigo wiegi yai pemene nageba yaibao, te gesi noma sogo bidigo we selama, te aga weba wiegi yai homu pemene ebo tiwai ebo dao.

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Dwagi Yai Gesi Po Jongo Asęani 3:29

Tama tibaso, bidi me deligo we sobaso da, te we te bidigo sali we dao. Tama te bidi aga abagi dolaluyu, aga abagigo po odobao. Tama we sali bidigo po wabode, tama aga abagi megi tama dwagi yai homu ebo dao. Tama te tiwai, Jisas aga sę megi e baso, tama ena dwagi yai homu mu ebao.

Kolesaga Koneai Bidigo Pusali Po Elalubo Buku 1:5

Tigidali sogo giliga nanudu gebao, tigidali sogo aga iba dega siguludubao, tama ma geasa pelama, te gasa sogo bubugade ma nanabo sisi elalubao. Sesemane sogo te giliga ge aga tama naga tidubadi, aga homu hę mu wabo dao.

Jopgo Po Asęani Elalubo Buku 38:13

Hulia sabo da, teda ugwago bidi mesega sabo tiwai elama, tǫ mesegalubadi, te dwai bidi dabe te hulide biliyu yaide dwai kolesaga ebo dao. Ma, me sogo nago olo po obadi, te be posolama, te dwai kolesaga ebo bidi dabe noma somainu me yai dawe?