Godigo Nogi Ugwaba Sabo Tęąbi Po Wabo Buku Dabe 19:12 - Godigo dwagi yai po buku

¹² Tialima, niwai bidigo aga yali dwai sę koneaibawe? Eno dwai sę meba yali te eno kuna konebeo, tama nago eno te dualai dwai sę yali pęą sąlama, ma sela sąyao.

Godigo Nogi Ugwaba Sabo Tęąbi Po Wabo Buku Dabe 19:12 Referans Kwoze

Godigo Nogi Ugwaba Sabo Tęąbi Po Wabo Buku Dabe 90:8

Nago dago dwai kolesaga tigidali subo da. Tama dago geme dualama ebo sęgę tigidali, te nago pepeli diliba hanilama, munama, tama nago sualio.

Jopgo Po Asęani Elalubo Buku 6:24

“Tibadi polo ma, dagego ena olama ma, tama eno koneama, te eno dwai sę dabe yali koneaibao. Tibaso da, eno pedauwali pania selama, dagego po wabo naga odaibao.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Godigo Nogi Ugwaba Sabo Tęąbi Po Wabo Buku Dabe 40:12

Te sęgę hauwa enaba pedelali, tama te augwali eno nedebaso, usu egobeo. Te dwai kolesaga dabe eno yali, tego ena aiyaba elalualio, tama eno bugagia me tonono me ebeo. Te dwai kolesaga hauwa mu pedelama, tama te eno tobolude elalubo tobolu nisi namba te aiyaba elaluai. Eno homu kolesaga tigidali tuloluai, tama ena bomo meni yai dao.

1 Korin 4:4

Mu tama, te Godigo enabolo mani sę ebode eno homugo eno te sęde sǫą pabeo, bugagia yai dao. Tiali goli te eno tama tiwai po wabo usu me egobe: “Ena doloba pai bidi da,” te wagobeo. Te ena dagalobo sę ebo bidi te Genuai Bidigo sę naga dao.

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

Hibru 9:7

Tama te polalubo tobolu pris bidi agaduba deli naga te si wali be habu tomoba peyu yai. Aga te tigidali kibu bede deli sogo naga peyu yali. Tama aga olo me pabeo. Menio. Agai te ela muani omai bulmakau dali te meme dali te sigo kaneme sela peyu te tomoba pai. Tama te kaneme agai Godibolo ofa mani, te kanemego aga sęgę bolo sela sąnama, tama te we bidi augwaligo bugagia konesiąma yali dwai sęgę me te sela sąmainogo yai dao.

Godigo Nogi Ugwaba Sabo Tęąbi Po Wabo Buku Dabe 139:6

Nago te koneani homu kolesaga te ena daide ugwanu mu elalu, tama eno homu kolesaga te aiyaba elaluai dao.

Aisaia 64:6

Da tigidaligo dwai sę eyu, te da nago gedude meda yai mu elalubao. Te kolesaga dabe dago homugo doloba pai kolesaga da olama, te kolesaga dabe te dago gawea pai nai tiwai dao, tiali goli dago te ebo, augwali nago gedude dwai mu eyu, te ugwa meda dwai mu tiwai ebao. Te dena ebo dwai sęgo te pąde da mu haga yabo homu yai, te wa pai ni yabe te waligo sela pabo tiwai yaibao wali.

Godigo Nogi Ugwaba Sabo Tęąbi Po Wabo Buku Dabe 139:2

Nago te eno ebo sę tigidali mu konea pali. Nage digibulu bidibao, tiali goli nago eno homu kolesaga tigidali konea pai dao.

Godigo Nogi Ugwaba Sabo Tęąbi Po Wabo Buku Dabe 51:2

Nago ena tigidali ąį telayao, tama dwai kolesaga enade ma elaludalio. Eno sęgę sela sąnama, ena dwagi yai pedelama bidaio.

Godigo Nogi Ugwaba Sabo Tęąbi Po Wabo Buku Dabe 65:3

Dago te dena yali dwai sęde homu kone palu tama tiali. Te dena dwai sęgo da aiyaba mu elaluali, tiali goli, dago koneani, te nago dago dwai sę te dagala sąwaibao wabo dao.

Ma Dobola Sali 24:12

Nosali Genuai Bidigo Mosesbolo te po wai, “Nage bulu duba ma holama, tama ena pąba bidagasao. Eno bomo yai po meba te masigi sawali side asęaibao. Tama eno te masigi si nagebolo menama, tama nago te bomo yai po te we bidibolo ola magameo,” wali.

Bomai Po 5:29

Eno homugo augwaligo te tobage kolesaga tigidali sogo emainu homu ebao, tama augwali tigidali sogo ena dologode elaluyu, tama eno bomai po tigidali sogo wali pomainao. Te tama eyu da, augwaligo sę dabe, me augwa wąį nosali asobo bagego sę dabe bugagia pedalaibao.

Bomai Po 5:32

Tama Mosesgo augwalibolo te po wali, “Dagego bugagia tonaluiąwe, God dago Genuai Bidigo dagebolo mani te tigidali bomai po dabe wali piąwe. Dagego te bomai po me deli geda munamo dao.

Bugagia Bidibo Kolesagade Po Asęai Buku 13:13

Te bidi dabego agabolo te wiegi yai homu kolesaga mawainu ebadi, te aga hagoma ebo bidi yai baso da, teda aga te aga digi dolobao. Tiali digi, te bidigo te agabolo te wiegi yai homu ebo kolesaga mawainu ebaso, te po agai wali pobaso da, teda aga bugagia bidaibao.