Godigo Nogi Ugwaba Sabo Tęąbi Po Wabo Buku Dabe 19:11 - Godigo dwagi yai po buku

¹¹ Nago bomo yai pogo naga sę bidi eno koneabo homu kolesaga mabo dao. Eno nago bomai po wali pobaso, tama nago ena dulalubo digi dwagi yai ilibo da.

Godigo Nogi Ugwaba Sabo Tęąbi Po Wabo Buku Dabe 19:11 Referans Kwoze

2 Jon 1:8

Tama tibaso, dage dua dao. Dagego sę elama tama te Godigo dagebolo maiabo nai tagalabuo. Te menio. Dagego dwagi yai sabo nai mu sese somainogo dage dua dao.

Godigo Nogi Ugwaba Sabo Tęąbi Po Wabo Buku Dabe 119:11

Eno nago po eno homude munama, tama eno konealuai. Magi baso meni, eno nage dali dwai sę idali weyu tibao.

Jems 1:25

Godigo wiegi yai doloba pai bomo yai po te bomo yai pogo da we bidi tau siyu, tama da bugagia bidiyu, tama da magi nai mego da kalabuside bidibeo. Tama niwai bidi me agai te Godigo bomo yai po page bugagia osola susa pelama, tama te bidi agai te po olo naga odola tagalobeo, menio, te bidi agai te bomo yai po wali pabo dao. Te tiwai bidi Godigo tau siyu, tama te bidi aga bugagia bidiyu, aga ebo sęde tigidali aga homu wiegi yai yaibao.

Bugagia Bidibo Kolesagade Po Asęai Buku 29:18

Te Genuai Bidigo po te we bidibolo masiąwai menigi sogo da, teda augwaligo te haniani dwai kolesaga igi da. Tiali goli, te bidigo Godigo bomai po wali pali da, teda aga wiegi yai homu pemene eyu, bugagia bidaibao.

Matyu 6:4

Tama tiyu da, nago augwalibolo nai mabo sę te geme dulaluao. Tama nago Ayago te nago geme dulalubo sę dabe subo dao, tama agai te wiegi yai nai wei nagebolo ponaibao,” Jisasgo te po wai.

Kraisgo Geme Dualali Sę Pedelabo Po Jonbolo Ola Mani 14:13

Tama eno odali, po me deli dagaludu asiyu, te po wai, “Nago e tiwai po asęąo: ‘Megi e tiwai sę gagalobao, te Genuai Bidide wadolali we bidi isibo si, te augwali wiegi yai homu pemene mu yao,’” te po wai. Tama Godigo Tedali Mobo Bidi agai me te po wai, “Awe, mu tama dao. Te augwali tigi dene ebo sę tagaliyu, tama augwali toma tueibao. Augwali olo me pogobeo. Menio. Te augwaligo yali wiegi yai kolesaga, te kolesaga augwali wali paibao,” te po wai.

Hibru 11:26

Agai te homu yali, te aga te nosali asaibao wali bidi Kraisgo nogide hale siyu da, tego te tigidali mone me te Isipde elalubo te au dobage dabe te aiyaba mu elaluaibao. Tama te gasagi yai wiegi yai nai te Godigo agabolo mawaibao po, tede aga homugo kęą palio.

1 Tesalonaika 5:14

Dago abagi dage tuni bidi dabebolo dago po bomo elama dage dali obao. Dagego te sę hagela ebo bidi dabe augwalibolo po bomo elama, augwali homu kolesaga dagego bugagia ma dodolao. Tama te wi ebo bidi dabe augwaligo homu kolesaga dąų walao. Tama te bomo meni yai bidi dabe augwali dali dagego dwagi yai kolesaga naga eyu bidao, sębę egimio.

Matyu 3:7

Tiali goli Jongo suali, te lotu po wabo bidi hani si te Farisi bage me te Sadyusi bage me te augwali me baptais somainogo asali, tama agai augwalibolo te sesanobo po weyu te po wali, “Dage te dwai hasamani dabego wai dabe, te Godigo te dwai sę yali we bidibolo dene ilabo sogo mu asaibao. Tama tialima mena bidigo dage dali po obaso, tama megi dage wi painogo ebawe?

1 Korin 4:14

Te ena dali Apolos da si hobedagia bidibadi dage bugagia te po asęanigo te dage hale eyu dwai bidimainu homu me ebeo. Menio. Eno wai puluba tiwai dage eno dwagi yai homu eyu godolo ebaso, tama eno dage homu tau sabo po ola momainu obao.

Godigo Sęba Tagala Palai Bidigo Po 20:31

Tama dage bugagia suao, te tiwai bidi gegabo. Tama dagego homugo eno yali sę tagalamuo. Ena dage dali bidibadi, te kibu be sela silai dao. Tama te hulide me, kigamu me, eno dagebolo dwagi yai tau selama, dąų walabo po ola mawai dao. Tama hauwa sogo eno dage moni homu dene elama, gela wai dao.”

Matyu 6:18

te we bidi augwaligo dagego tubo nai gisilibo koneidali weyu tama yao. Te duga Aya te bidigo gedugo susiąbo bidi agai naga dagego ebo sę sueibao. Tama duga Ayago te geme dulalubo nai subo dao, agai dagebolo te wiegi yai nai wei ponaibao,” Jisasgo te po wai.

Bugagia Bidibo Kolesagade Po Asęai Buku 11:18

Te doado bage te dwai bidi dabego sali, te augwali tau sabo mu usu me egobeo. Te olo bage nai naga tiwai yaibao. Tiali goli, te doloba pai kolesaga ebo bidi dabego te wiegi yai nai mu saibao.

Tuni Bidi Dabego Po Elalubo Buku Si 19:10

Tialima dage dali deli sę ebo bage augwali gasa meba taunde bidibo bage, augwaligo augwali po tų odobo sęde tau somainu hanalubaso da, teda dagego augwali tau selama, tama dagego augwali po tų ebo wiegi yai doloba pai kolesaga ola mao. Te bidi ela muai po tų yaibaso, me o te bidigo gasa meba bomai po dabe bogi pai po tų yaibaso, me tagalao. Dagego augwali ola mao, tama augwaligo po tų dolo bugagia emainao. Tama augwali Genuai Bidigo gedude dwai sęgę me elalugobeo.

Matyu 6:6

Tiali goli nago gedu haluasa po wainogo da, te naga be tomode dąį togali digi pelama, tama tų paliama, naga Ayaba gedu haluasa po geme te be tomode nagaduba wao. Tama naga Ayago te nago geme dulalubo sę dabe subo dao, te agai te wiegi yai nai wei nagebolo ponaibao,” wali.

Godigo Nogi Ugwaba Sabo Tęąbi Po Wabo Buku Dabe 119:72

Eno te mone godolo homu me egobeo, te eno nago bomo yai po godolo ebo tiwai gilama me egobeo.

Godigo Nogi Ugwaba Sabo Tęąbi Po Wabo Buku Dabe 119:103

Te bunu ge nai hani eno pedauwalide tubo pusu yaibao, tiali goli, nago po pusu ebo te umagi mu yaibao.

Bugagia Bidibo Kolesagade Po Asęai Buku 24:14

Tama eno homugo nago te konemainu yai, te wiegi yai homu konebo kolesaga me te wiegi yai eyu, tama pusu mu yaibao. Te nago sobaso da, teda nago wiegi yai sogo nosali gegaibao, tama nage polo tama me isigobeo. (27)

Esekiel 3:3

Tama agai te tiwai po wali, “Tǫde bidio, megi eno nagebolo te mabo buku nago tuao. Nago haliga tego pągąnao,” wali. Te eno tuali, te eno pusu mu yali, te ganima bunu ge pusu ebo tiwai yalio.