Godigo Nogi Ugwaba Sabo Tęąbi Po Wabo Buku Dabe 18:9 - Godigo dwagi yai po buku

⁹ Agai te pǫ dabe sela sąnama, tama aga aiyaba dulali. Tama husugu yai pǫ te aga sągą dologode elaluali.

Godigo Nogi Ugwaba Sabo Tęąbi Po Wabo Buku Dabe 18:9 Referans Kwoze

Bomai Po 33:26

Tama Mosesgo te po wali, “Israel dabe, dago God tiwai gasa god me menio. Agai genuai bomo elaluyu, tama genuai ula tomode bidiyu, tama te dagalu pǫ daidu ugwadu asali, te da tau sainogo.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

2 Pita 3:10

Tiali goli te Genuai Bidi asobo sogo mu asaibao, te nai wi sabo bidi geme asobo gilama. Tama te sogo dagalu kulukulu genuai olama tama hagawaibao. Tama te giliga dali, polua dali, te hǫ dabe tigidali, te siago dela silaibao. Tǫ me, te tigidali nigali nai elalubo me, te siago tigidali daibao.

Hibru 12:26

Tama polobadu Godigo pedauwalide tǫ mali ilai. Tiali goli megi agai dabolo e dąų wali po walio, “Te eno tǫ deli sogo ma mali ilaibao. Tama tǫ naga me tegobeo. Te eno tǫ de dagalu dali si mali ilaibao.”

Dwagi Yai Gesi Po Jongo Asęani 13:7

Jisasgo wei ponoyu, te po wai, “Eno ebo sę page nago megi kuna konebeo. Tialima tamadi digi te nago te sę page koneaibao,” Jisasgo te po wai.

Dwagi Yai Gesi Po Makgo Asęani 15:33

Te nai tubo belo wabo giliga tomode, te tigidali tǫ badu be huli si ela selama, te giliga dega sigi painu ebo teba usu nani.

Matyu 24:29

“Te sogo te genuai sęgę yali te silai madi, tama polo te sia ge hulia selama, tama te polua ula me egobeo, tama te hǫ dabe dagalude tulaluaibao. Tama te dagalude bomai nai te tǫ mali tiwai elama, gęǫ page yaibao.

Joel 3:16

Genuai Bidi te Jerusalem te Saion bulu dude bidiyu, te po dagą genuai mu waibao. Agai i wabo te dagalu kulukulu wabo tiwai obaso, te tǫ dali dagalu si mumunu yaibao. Tiali goli, Genuai Bidigo te aga we bidi tigidali tonalu, te augwali me dologobeo.

2 Samuel 22:10

Agai te dagalu dalama, aiyaba dulai. Tama husugu yai pǫ te aga sągą dologode elalubao.

Aisaia 51:6

Dagego te dagaluba ugwaba tonoyu, te tǫba aiyaba tonoyu yao. Te dagalu tigidali te hano sia sabo tiwai mu yaibao, tama tǫ te gudubo ugwa dolobo tiwai yaibao. Te tigidali we bidi te dinai sibi isila pabo tiwai yaibao. Tiali goli, eno te we bidi tau siyu, ma sabo kolesaga, te sesemane sogo elalua pidubadi, te me sia sogobeo,” wali.

Godigo Nogi Ugwaba Sabo Tęąbi Po Wabo Buku Dabe 68:4

Dago te Godigo nogi ugwaba sabo tęąbi po wao. Aga te pǫ dabede dugulasa, tama pabo dao. Agai sunumi dodolao. Aga nogi te Genuai Bidi dao. Dago aga gedude wiegi yai pemene yao.

Ma Dobola Sali 19:18

Tama Genuai Bidi te sia tomode bidilama dulali, tama te Sainai bulu duba bidagasali, tama genuai hanogo te bulu du tigidali mu mesega sai. Tama ugwaba holali hano te genuai sia mu dabo hano holobo tiwai mu yai, tama tǫ mali genuai mu te bulu dude pedelai.

Godigo Nogi Ugwaba Sabo Tęąbi Po Wabo Buku Dabe 50:3

Dago God aga megi da te asobao. Tama pedauwali me pania sabeo. Mu menio. Te tigidali nai dabo sia bogoli te aga asobodu polasa paibao, tama genuai wali me, tulubagego me, aga bagulama, elalubo dao.

Godigo Nogi Ugwaba Sabo Tęąbi Po Wabo Buku Dabe 97:3

Sia te aga pabodu polasa peyu, tama aga te pobeasa biliduali boi bidi dabe ulaibao.

Aisaia 66:15

Te dagego Genuai Bidi te sia dali asobo sueibao, te aga karisde dugulama, bomonama, umagia mu udayu, te bomai wali asobo tiwai yaibao. Te aga haliga sębę ebo siago te aga boi bidi dabe ulama, te augwali mu silaibao.