Godigo Nogi Ugwaba Sabo Tęąbi Po Wabo Buku Dabe 18:27 - Godigo dwagi yai po buku

²⁷ Nago te augwa digi te haliga aiyaba elalubo we bidi dabe augwali te ma sabo da. Tiali goli, nago te augwa digi augwa nogi ugwaba sabo we bidi te aiyaba elaluaibao.

Godigo Nogi Ugwaba Sabo Tęąbi Po Wabo Buku Dabe 18:27 Referans Kwoze

Jems 2:5

Eno ama dedeo, eno dagebolo dwagi yai homu eyu, godolo mu ebaso, eno dagebolo te po obao. Bugagia odao. Te tǫde tigidali bidi gedude magi nai meni yai bage, te Godigo te tiwai bidi sa munama, tama augwaligo te Godigo po dąų waligo te augwaligo te homu kolesagade te masigi me walu hauwa munalubo bidi tiwai yaibao. Te polobadu Godigo tama po wai, “Niwai bidi agai homu enaba muyu godolo ebo bidi, te aga eno we bidi bugagia tonalubo madi tomoba asagameo,” te po wai. Tama tiyu, agai te magi nai meni yai bidi augwali sa muyu, augwaligo te Godigo po mu dąų waligo da, te augwali te dąį ilali madi te pesage saibao.

Aisaia 66:2

Genuai Bidi ena digi, eno te dagalu me tǫ tigidali nai nigilama, te augwali pedelama, megi elalubao. Eno te tobage bidi dabeba bugagia haliga yaibao, te augwa digi aiyaba elaluama, te augwa yali dwai sęde homu dene eyu, enaba wi elama, te eno po dologoba aselama, bidibo bidi.”

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Godigo Nogi Ugwaba Sabo Tęąbi Po Wabo Buku Dabe 101:5

Te eno te gasa bidi dabeba posobo po wabo bidi dolaibao. Tama eno te hagoma ebo bidi dabe bidimainu me sula tagalogobeo.

2 Samuel 22:28

Nago te augwa digi augwa aiyaba elalubo we bidi ma sabo da. Tiali goli, nago te hagoma ebo we bidi dabe aiyaba elalubo dao.”

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

Godigo Nogi Ugwaba Sabo Tęąbi Po Wabo Buku Dabe 9:18

Me ma, Godigo te magi doado bage meni yai bidi dabe te sesemane sogo homu kone palubo me tagalobeo. Mu tama, Godigo te genuai sęgę elalubo bidi dabe tau siyu, te augwa konealubo homu te odolali me tagalugobeo.

Aisaia 10:12

“Te tuni bidigo te po wali. Tiali goli, ena Genuai Bidi eno te po obao. Te Asiria dabe tuni bidigo eno agabolo te bulu du Saion me Jerusalem side yao wali sę ela silibo si da, teda aga tigide eno sę yaibao. Magi baso meni. Agai homugo aga genina mu dao homu elama, tama aga nogi ugwaba mu sabo.

Aisaia 3:9

Te po tų odobode augwaligo augwa godolo ebo bidi dabe naga tau sabo dao, tama gasa bidi dabe aiyaba elalubo dao. Tama te kolesagago augwa digi augwa ma po tų ela mabo dao. Augwali te we bidi dabego gedude dwai sę ebode augwali hale me ebeo, te Sodom bagego polobadu yali gilama. Augwali dolaibao. Augwa dagede augwa dolaibao.

Bugagia Bidibo Kolesagade Po Asęai Buku 30:12

Te meba bidi dabego te homu ebo dao, augwa te magi nai me delide te magi dwai sę me ebeo homu yali. Tiali goli, augwa sęgę te elalubadi, tama augwali te God gedude meda mu yai bidibao.

Godigo Nogi Ugwaba Sabo Tęąbi Po Wabo Buku Dabe 40:17

Tiali goli, ena te bomo meni yai bidi, tama ena te tigidali doado bage sǫą pai elalubao. Tama nage, Genuai Bidi, nago ena homu koneani. God, nago digi nago ena tau sabo bidi da, tama nago ena ma sabo dao. Nago me tonalugio, nago ena polo tau sao.

Godigo Nogi Ugwaba Sabo Tęąbi Po Wabo Buku Dabe 34:19

Mu tama, te sęgę hauwa te doloba pai bidiba pedelaibao, tiali goli, te Genuai Bidigo aga tau siyu, tama te sęgę dabego aga aiyaba me elalugobeo.

Godigo Nogi Ugwaba Sabo Tęąbi Po Wabo Buku Dabe 34:6

Te sęgę elalubo bidi dabego te Genuai Bidiba gedu haluasa po obaso, tama agai te augwaligo gedu haluasa po wabo odolama, tama augwa te tigidali sęgęde te augwali tau sali.

Godigo Nogi Ugwaba Sabo Tęąbi Po Wabo Buku Dabe 17:13

Genuai Bidi, nage aselama, eno boi bidi dali hwįnama, augwali aiyaba elaluao. Nago bobobage hwągo augwali dali hwįnama, tama ena dwai sę ebo bidi dabego nogode ma sao.

Godigo Nogi Ugwaba Sabo Tęąbi Po Wabo Buku Dabe 17:10

Augwaligo gasa bidi dali homu dene eyu, olo me tau sabeo. Augwaligo genuai po dągą weyu, tama augwa nogi naga ugwaba sabo dao.

Godigo Nogi Ugwaba Sabo Tęąbi Po Wabo Buku Dabe 10:4

Te hagoma ebo bidigo te tama po wabo da, “Eno koneani, Godigo eno ebo dwai sę wei ponobeo. Agai enade magi homu me egobeo.” Te dwai sę ebo bidigo te tama homu eyu, agai te Godigo ebo kolesaga wali pabo menio.

Dwagi Yai Gesi Po Lukgo Asęani 18:14

Eno dagebolo obao, e bidi aga beba ma peyu, Godigo aga yali dwai sę sela sąwai bidi dao. U Farisi hani bidi te tiwai menio. Mena bidigo te aga nogi me ugwaba sobaso, Godigo te bidi aiyaba elaluaibao. Ma, mena bidi imilasa bidibaso, teda Godigo te bidigo nogi ugwaba saibao,” Jisasgo te po wali.

Hosea 4:6

Te we bidi dabego ena bugagia konesiąbaso, augwaligo ena wali me asobeo, tama teyu, te augwali dolaibao,” wai. “Dage pris dabego ena wali me asisąyu, tama dagego eno po sela sąwanio. Tama tiyu, te eno dage sela sąwaibao. Tama eno te dagego wai dabe me te eno pris pedalumainu me egobeo,” wai dao.