Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 18:13 - Godigo dwagi yai po buku

13 Tama Genuai Bidigo te dagalude bomonama mu i weyu, te pǫ kulukulu wabo tiwai yali. Tama te bidi dabego te Ugwade Mu Bidibo Godigo i wabo odali.

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 18:13
18 Referans Kwoze  

Tialima, nosali nago tamu ąį dali po bomo elama wai, tama aga wi pai. Awe, tamu ąįgo odali, nago i bomo elama wai, tama aga bomonama mu pai.


Te Samuelgo ofa idubadi, te Filistia dabe pąba aselama, boi hwįainu yai. Tiali goli, Genuai Bidigo te dagaludu delege be bomo mu elama, te Filistia dabego ugwadu delege be elebo odobaso, tama augwali homu mu puna pelama, tama augwali wi tedela pobadi, tama te Israel dabego augwali sualio.


Awe, te nago augwaliba te dabo sia tulalumainu ilao. Tama nago augwali te genuai tǫ dedageba aiya sąnama, tama augwa edaba ma holainu ebo te usu me egobeo.


Tama eno odali, te genuai we bidi hani sisinama bidibo digi po me deli tiwai pedalai. Ma, te ąį hauwa kulu kulu weyu u wabo tiwai yai. Tama te dagalu be kulu wabo tiwai genuai u wabo tiwai yai, te eno odali. Te augwaligo i bomonama wai, “Dago God nogi ugwaba sao! Genuai Bidi, aga e dago God, te Tigidali Bomo Elalubo Bidi, megi aga te tuni bidi mu bidibao.


Tama tilama, te ensel mobo bidi agai te denami yai nai muani pou selama, tama agai te nai ulali saide sia dage te poude pągąnama, tama agai te sia tǫba aiya sąwai. Agai te sia sąwai digi, tama te dagalude be kulu kulu weyu, genuai po me weyu, tama dagalude be sele eyu, tama tǫ mali yai.


Tama te tomode bidibo genuai tuni bidigo duabo digide te be sele eyu, tama be kulu kulu wai, te moni u wabo odai. Tama te tuni bidigo gesabidide te sole a naga olama me badu nogo si te ula elaluai. Te sole ula elalubo te Godigo mobo bidi a naga olama me badu si dao.


We bidi dabe pąde dolaluai, augwaligo te po odolama, mebago te po wai, “Be kulu wai,” tama mebago te po wai, “Ensel mobo bidi me deligo aga dali po wai,” te po wai.


Agai te haniani gasi dabe te pabodu polasa tagala palali. Me agai te we bidi dabe ela mubo genuai gasi te aga wali nosali asalio.


Te bidi tiwai nai dabego bogo dabego pala pala wabo bomo yali, te genuai obo badu bidali we bidi augwaligo te augwali odobo usu yalio. Tama te pala pala wali, te Tigidali Bomo Elalubo Godigo i wabo tiwai yalio.


Agai te genuai tulubage, te talua ge tulubage, tagala palama, tama augwaligo bulmakau dabe ela muai dao.


Te nago bomo genuai mu eno bomo tiwai tama dawe? Eno i wabo da, te be kulu wabo tiwai tama wabo dao. Nago me eno te ebo tiwai yaibawe?” wali.


Eno augwali moni dwai nasi emainogo ilaibao, tama augwali haniani gasi elama, isila paibao. Tama eno haniani dwai gula mane dabe bulu hasa dabe aselama, augwali tula silimainu yaibao.


Te we bidi augwaligo te pǫ kulukulu wabo, me te bu wabo nai biugel gela wabo me odai. Tama augwaligo te be sele te pǫ ula ebo ugwaba peyu, eda asiyu eyu, tama genuai hano te bulu dude pedalobo sulama, tama augwali wi mu yai. Tama augwali kilasa ma pelama, te bulu du digibulu gana dolalugi pai.


Tama te talua ge tulubage me mu tutulu pidubadi geai, tama dagalude te be sele ebo ula te sia dabo tiwai eyu, tama te tigidali habuba pidubadi geai. Tama polobadu te Isip bage augwaligo te tiwai talua ge tulubage me subeo. Mu menio.


Tama te Amor dabe te Israel ami bidi dabede wi pabo sę elayu, tama augwali te Bethoron te bulu baguba me te Aseka teba wi aiyaba palio. Tialima, Genuai Bidigo te moni kedau ilibo talua ge kulubage te masigi tiwai tulumainu ilama, tama te Amor dabe ela muna silai. Te masigi du tiwai talua ge tulubagego ela muani bidi dabego nambago te Israel bidi dabego ela muani bidi te namba aiyaba elaluai dao.


Agai dwai kolesaga ebo bidibolo posolo yai sia ugwadu aiyaba gelebo dao. Tama te posologo augwali mu dene sabo dao. Te augwaligo dwai sę ebaso, dene somainogo tiwai.


Swiv nou:

Piblisite


Piblisite