Godigo Nogi Ugwaba Sabo Tęąbi Po Wabo Buku Dabe 18:12 - Godigo dwagi yai po buku

¹² Te pǫde be sele eyu, tama te bogoli mu elama, te agaba kisa sigi pali. Tama sia me talua ge tulubagego te husugu pǫ aluama, tama aiyaba dulai dao.

Godigo Nogi Ugwaba Sabo Tęąbi Po Wabo Buku Dabe 18:12 Referans Kwoze

Josua 10:11

Tama te Amor dabe te Israel ami bidi dabede wi pabo sę elayu, tama augwali te Bethoron te bulu baguba me te Aseka teba wi aiyaba palio. Tialima, Genuai Bidigo te moni kedau ilibo talua ge kulubage te masigi tiwai tulumainu ilama, tama te Amor dabe ela muna silai. Te masigi du tiwai talua ge tulubagego ela muani bidi dabego nambago te Israel bidi dabego ela muani bidi te namba aiyaba elaluai dao.

Kraisgo Geme Dualali Sę Pedelabo Po Jonbolo Ola Mani 16:21

Tama te genuai talua ge tulubage tulai. Tigidali deli deli badu tulali talu ge tulubage te sęgę te moni masigi tiwai yai. Te talua ge tulubage dagalude asiyu, te bidi tigiba ugwadu tulai. Tama augwali te talua ge tulubagego mu dolai, meba isali. Tama te talua ge tulubagego augwali dolobaso, tama bidi dabego God dali dwai posobo po wali, te talua ge tulubagego augwali dolobo sę te genuai dwai mu ebaso, augwaligo te dwai po Godigo nogide wai.

Matyu 17:5

Tama Pitago te po odubadi yaide, tama ula mu ebo pǫ me deligo augwali tigidali polo mesega sagasali. Te pǫgo augwali mesega sagaselama, tama te pǫ tomodu po me weyu te po wali, “E bidi da, eno Ogwa dao, te eno aga godolo mu ebo dao, eno aga dali dwagi yai homu mu ebo dao. Agai wabo po dagego mu odiąo,” te po wai.

Matyu 17:2

Tama augwali te bulu dude bidibadi, te bidi sela augwaligo gedugo Jisas tonalubadi yaide, tama Jisasgo tigi augwaligo gedude gasagi yai pedalai. Aga gesabidi te giliga ge nanobo tiwai yai. Aga ugwa dabe me te gegemani eyu, tama ba nala nisi tiwai mu pedalai dao.

Godigo Nogi Ugwaba Sabo Tęąbi Po Wabo Buku Dabe 104:2

Nage naga ulago digi ma mesegelebo dao, te bidigo aga tigi ugwago mesegelebo tiwai ebo dao. Tama nago dagalu dali, tigidali hǫ munama elalubao, te bidigo ugwa be sęnama, tama baklain bonogo kekelama dąų elalubo tiwai yai.

Ma Dobola Sali 19:9

Tama Genuai Bidigo Mosesbolo te po wai, “Odao, te genuai husugu yai pǫde bidilama, tama ena nageba asiyu, tama te we bidi augwaligo te eno nage dali po mibo odolama, tama sesemane sogo augwaligo nago poba homu dąų omainao.” Tama Mosesgo Genuai Bidibolo te we bidi augwaligo wali po wai.

Aisaia 50:3

Tama eno te dagalu me sisi mu emainu eyu, te aga bidi isaide te wego homu dene ebaso gudubo ugwa tiwai yaibao. Mu tama, eno te tobage sę yabo homu elalubao,” Genuai Bidigo te po wali.