Godigo Nogi Ugwaba Sabo Tęąbi Po Wabo Buku Dabe 17:4 - Godigo dwagi yai po buku

⁴ Eno dwai po bidi mebago wabo po tiwai wabo menio. Eno nago po bomo elama dąų weyu, tama eno te wado po weyu, hwįbo po wabo kolesaga tudiba muai.

Godigo Nogi Ugwaba Sabo Tęąbi Po Wabo Buku Dabe 17:4 Referans Kwoze

1 Pita 5:8

Te dagego duga homu bugagia dodolao, tama bugagia tonaluao. Te dagego boi bidi Satan aga susa bilibo dao. Te moni hasa nogi laion, te aga nasi baso bomo elama, tama moni hwa olama gaa weyu aga tuabo nai gegeyu bilibo dao. Tama te boi bidi Satan aga te tiwai eyu susa bilibo dao, te dage dolainogo ebo dao.

1 Korin 3:3

Magi baso meni, dage te poloba meda yai homu kolesagade me bididubao. Awe, te ama hasi dali dwai homu eyu tama konila po wabo homu kolesaga te dagede me elalubao. Tama te kolesaga dagego me idubo, te poloba dobo homu kolesaga ebao. Te tama tebo kolesaga te tǫde bidigo ebo kolesaga naga dao.

Kraisgo Geme Dualali Sę Pedelabo Po Jonbolo Ola Mani 12:11

Tama te kibu sipsip wai aga isiyu aga kaneme gelebaso, tama dago ama dede augwaligo te dwai bidigo bomo aiyaba elaluai dao. Tama me augwaligo Godigo po gasa we bidibolo pusali, tama augwaligo te kolesaga yaligo me augwaligo te dwai bidigo bomo aiyaba elaluai dao. Tama te kolesaga ebadi augwaligo te homu yali, ‘Te Godigo po odobo hagela ebo bage augwaligo da eleyu da, teda te usu da, da wi egobeo,’ te homu yali. Tama te homu eyu, augwaligo augwali e tǫde bugagia bidabo te homu ebeo.

Jems 1:18

Agai aga homu kolesaga naga wali peyu, agai mu po dabolo ola menama, tama da aga hani mu tiwai dao. Te da aga hani tomode te gomunai bidi tiwai bidimai hagede agai da nigali. Te Godigo da nigilama, te tigidali gasagi yai nai dabego gomunai bidi dabe bidiyu, te dago te nai dabe tonalumainogo yai dao.

Efesus 6:17

Te Godigo dage polo ma dobola sai dao. Te homu ebo kolesaga te kapago nigai tobolu madi tiwai selama, tobolude muao. Tama dagego te Mobo Bidigo bobobage poa pai hwą ge tiwai te Godigo te bukude asęani po bugagia odama, sao.

Dwagi Yai Gesi Po Jongo Asęani 17:17

Tama tibaso, naga digi nago mu po augwalibolo ola mao, augwali gasagi yai tedali bidi dabe bidimainogo, magi sę isiąwai bidi dabe bidimainogo yao.

Matyu 4:10

Tama Jisasgo aga dali te po wali, “Satan, nage gedao. Godigo po bukude te po wai, ‘Nago naga Genuai Bidi God dali naga lotu po weyu, aga dologode bidao. Tama nago agai sę deli naga dąų olama yao.’ Te po elalubao,” Jisasgo te po wali.

Matyu 4:7

Jisasgo agabolo te po wali, “Tiali goli te bukude te po ma wai, ‘Nago Genuai Bidi God olo subigila usu sigio, sinagio. Aga te nago God dao.’ Te po elalubao,” wali.

Matyu 4:4

Tiali goli Jisasgo e tiwai wali, “Godigo po bukude te po asęani, ‘Te tubo nai bretgo naga te bidi bidabo ula magobeo. Te bidigo bidibo ula te Godigo pedauwalide pedalobo tigidali pode sabo dao.’”

Kraisgo Geme Dualali Sę Pedelabo Po Jonbolo Ola Mani 9:11

Tama augwa te sę ebo tuni bidi me deli aga te tobolu bidi bidai. Te tuni bidi aga te tǫ dedage aiyanu mu yai digi te tǫ page meni yai digi tonalubo ensel mobo bidi dao. Tama augwaligo Hibru pogo te ensel mobo bidi nogi Abadon wai. Tama te Grik pogo te bidi nogi augwaligo te Apolyon wai. Te Grik po nogi begelama tama dago pogo te bidi nogi augwaligo te Tigidali Nai Dolobo Bidi da wabo.

Jopgo Po Asęani Elalubo Buku 31:33

Te bidi mebago augwa dwai sę elama, augwa ma dualobo dao. Tama eno me ena dwai sę elama, ena yali dwai sę dualai tigi sogo da, teda ena bede ena geme dulaluama, tama ena abagibolo po wagi menio. Te tama tibogo, ena bulude we bidide wi ebo ąǫ igi dao. Tiyu, augwaligo eno yali dwai sę sulama, ena posobo po olama, ena doligi dao. Tiali goli, eno dwai sę me ebe. Eno dualabo dwai sę menio.” Jopgo te po wai.

Jopgo Po Asęani Elalubo Buku 15:16

Tiali goli, da tǫde bidi da, da dwagi yai mu menio. Dago kolesaga da, damua pai mu dao. Dago dwai sę yabo homu godolo naga ebo dao, dogoni wa pai bidigo wę gegebo tiwai dao,” wali.

Tigidali Nai Gagalama Nigali Side 6:11

Tiali goli, gasa we bidi dabe augwali tigidali te God gedude dolama bidali, tama dwai kolesaga me, te hwįbo kolesaga me, te tigidali habuba pągąna sigi pai.

Tigidali Nai Gagalama Nigali Side 6:5

Te Yawego te tigidali tǫ badu bidalubo we bidi dabego ebo kolesaga suali, te dwai dwai mu yali. Augwaligo homu te dwai sę ebode naga konealuali.

1 Samuel 26:9

Tiali goli, Devitgo agabolo te po wali, “Tagalao, nago aga me dolamuo. Magi baso meni, Genuai Bidigo Sol te sa mubaso king pedelali, tama bidi me deligo te Sol dolobaso da, teda Genuai Bidigo te tebo bidiba dwai dene ilaibao.”

1 Samuel 26:11

Genuai Bidigo agai te sa muani king te eno aga dolomainu ilibeo. Dago te agai sesemone me te sene wę naga selama, tama da pinao.” Devitgo te po wali.