Godigo Nogi Ugwaba Sabo Tęąbi Po Wabo Buku Dabe 16:11 - Godigo dwagi yai po buku

¹¹ Nago digi ena te bidibo ula te tų ola mawai. Nage ena dali pąde bidibaso, nago te eno dwagi yai homu mu ebo dao. Tama nago ena sesemane bidada pabo sogo tau sabo, eno dwagi yai homu mu ebo dao.

Godigo Nogi Ugwaba Sabo Tęąbi Po Wabo Buku Dabe 16:11 Referans Kwoze

Godigo Sęba Tagala Palai Bidigo Po 2:28

Nago bugagia bidiyu bidabo tų enabolo ola mawai dao. Nage ena dali hodobo bidibaso, ena tego dwagi yai homu mu ilali,’ Devit agai te po wali,” Pitago Jisasde te po wali.

Jutgo Asęani Pas 1:24

Te God agai bomo elalubaso, agai dage bugagia tonaluyu, dage me tulalugobeo. Tama agai dage tau siyu, tama dage dwai sę me isiąwai, dwagi yai homu pemene mu eyu, tama agai dage aga moni ula elaluyu gegemani ebo madigi teba sela pabo usu yaibao.

Efesus 3:19

Awe, Kraisgo te dage we bidi godolo mu ebo kolesaga tigidali te bidigo kuna bugagia kone palasiąbo kolesaga digi, te eno homugo dagego te kolesaga bugagia mu koneao. Tama dagego tama tiyu da, teda dagego ebo kolesaga tigidali te God agai ebo wiegi yai kolesaga naga tiwai pedalobao. Tama eno dagede te homu ebaso, tama eno God dali dage tau sabo po wabo dao.

Bugagia Bidibo Kolesagade Po Asęai Buku 4:18

Te dwai sę ebo bidi dabego wali pabo sunumi te be hulia siyu, mu hulia sai dąų mu wabo tiwai ebao. Augwali te tula muyu, tama te magi naigo te augwali sągąde dolali te augwa me konegobeo. Tiali goli, te doloba pai bidi dabego sunumi da, te giliga kigamu nanobo tiwai elama, tama te giliga nanobo sę bomonama pedelama, te giliga tomo yagasoboba usu nubo dao.

Godigo Nogi Ugwaba Sabo Tęąbi Po Wabo Buku Dabe 17:15

Tialima, ena da, eno augwalide dwai sę me deli isąma, tama nosali eno nage mu sueibao. Nosali ena piali tagalama, ena hodaluama, tama nage ena dali bidibo sulama, ena dwagi yai homu mu yaibao.

Matyu 7:14

Tama te dwasianu sunumi tomodu pelama, tama te dwasianu tųdu peyu, tama te bidibo ula elalubo madigi painogo te sinabo sę ebo dao. Tama deli deli we bidigo naga te tų gegelama subo dao,” Jisasgo te po wai.

Aisaia 2:3

Te tigidali bulu badu we bidi hanigo te po waibao, “Asiąo. Da bulu du Saionba pinao, Genuai Bidigo bulu duba. Te Israel dabego Godigo beba pinao. Te agai dabolo dago emaina homu ebo te kolesaga ola momainu. Tama da aga digi sa muani sunumidu pogo o.” Augwaligo te tama po waibao. Magi baso meni, Genuai Bidigo bomai po te bulu du Saionde gagalasa, tama tigidali buluba paibao. Awe, Jerusalem te Genuai Bidi agai bulu elaluama, tama agai po we bidibolo ola mabo digi elaluaibao.

2 Korin 4:17

Te e tiwai: te da Godigo po pusubo bidi dabe, te dabolo pedalubo sęgę te dwasianu dao, tama te pęwadage sogo naga osogo elaluaibao. Tama da e tǫde bidibadi te sęgę tolobaso, nosali dagalude dago te sesemane sogo bugagia bidada peyu, bidada pabo wiegi yai nai mu saibao. Tama te dagalude bugagia bidabo te wiegi yai sęgo te dago megi elalubo dwasianu sęgę aiyaba mu elaluaibao, te wiegi yai mu naga yaibao.

Matyu 5:8

Tama te wiegi yai kolesaga eyu, te meda isąma doloba pai we bidi dabe augwali, te augwali homu pemene wiegi yai emainao. Te augwaligo augwa gedugo God sueibao.

Kraisgo Geme Dualali Sę Pedelabo Po Jonbolo Ola Mani 22:5

Tama be ma hulia sogobeo. Tama te lam sole ulade me te giliga ulade me sę yali te sę ma elalugobeo. Menio. Genuai Bidi Godigo aga digi ula augwalibolo mawaibao. Tama augwali te sogo tuni bidi bidada peyu bidada paibao.

1 Pita 3:22

Tama te Jisas Krais aga te gų pagede ma hodolama, tama Godigo dagalude bidibo madiba sabolama tama genuai nogi sobaso, aga te Godigo dolo nogo badu megi bidibao. Tama aga tede bidiyu, tama ensel mobo bidi dabe tigidali dali, te noma bidi tuni bidi dabe dali, te bomo yai noma bidi dabe dali, augwali tigidali Krais aga dologode bidibo dao.

Polgo Po Pas Rom Dabeba Asęani 8:11

Godigo Jisas te gų pagede ma hodolai. Tama te sę yali Godigo Mobo Bidi dage tomode bidaligo da, teda te Krais te gų pagede ma hodolali bidi agai te dagego osogo bidibo isabo tigiba te bidibo ula me mayu tama dage me gų pagede ma hodolaibao. Te agai tama tiwai sę emainogo te aga Mobo Bidi dage tomode bidibo dao.

1 Jon 3:2

Abagi mu dede, megi da te Godigo wai dabe bidibao. Tama nosali da mena tama bidigowe, te dago megi bugagia hania konebeo. Tialima dago koneani, nosali Krais hania bulu ulaba pedalobo si, te sogo dago aga magi bidi dawe te dago te page mu hania koneaibao. Tama dago aga subaso, te sogo da aga tiwai gagawaibao.

1 Korin 13:12

Dago te ąį dulade subadi, te dena gesabidi dago kuna subo meni, te dwasianu hulia sai tiwai subo dao. Tama te tiwai me, dago God gisiga mu konebo menio. Tiali goli te sogo nosali da, te dago Godigo gesabidi mu dolo sueibao. Megi dago te God kuna konebeo, te me badu naga koneani. Tiali goli nosali da, te dago aga mu koneyu, te agai da mu konebo tiwai gilama yaibao.

Bugagia Bidibo Kolesagade Po Asęai Buku 12:28

Te doloba pai kolesaga wali pabo bidi te aga bidabo ula selama, bugagia bidaibao. Te tobage kolesaga da, te gamonabo kolesaga mu dao.

Dwagi Yai Gesi Po Makgo Asęani 16:19

Genuai Bidi Jisas agai po augwaliba pusa silama, tama Godigo aga selasa te dagaluba holai. Tama megi da, aga te Godigo dolo nogo badude dualalu bidibao.

Matyu 25:33

Agai te sipsip dabe aga dolo nogo badu muyu, te meme dabe pobase nogo badu muyu ebo tiwai yaibao.

Godigo Nogi Ugwaba Sabo Tęąbi Po Wabo Buku Dabe 139:24

Nago ena bugagia dagalao, tiyu te tibo homu meba enade elalu idalio. Tama nago ena te bidada pabo ula sabo sunumidu odasa pao.

1 Pita 1:21

Tama tiyu, Godigo aga te gų pagede ma hodolama, agabolo genuai ula yai nogi mawai dao. Tama tiwai ebaso, agadu dagego duga homu tigidali Godiba muyu agade mu dąų wali. Tama duga homu tigidali Godiba munama, tama agai dage dali wiegi yai sę yabo sogo dagego dwagi yai homu eyu tonalubo dao.

Matyu 25:46

Tama te bidi hani augwali te dwai dene genuai sigi paibao, te sesemane sogo dene iduabo bulude bidaibao. Tiali goli te doloba pai we bidi dabe augwali da, te sesemane sogo bidada peyu, bidada pabo ula selama bidaibao,” Jisasgo te po wai.

Bugagia Bidibo Kolesagade Po Asęai Buku 2:19

Te aga sugi pabo bidi dabe, te augwali ma geasa asogobeo. Tama augwali te bidibo ula elalubo bidi dabe bidibo sunumidu wali me pogobeo.

Bugagia Bidibo Kolesagade Po Asęai Buku 5:6

Agai te bidibo ula elaluabo doloba pai sunumidu wali me pogobeo. Menio. Te dwai sunumi dabedu wali pobao weyu, te agai me konegobeo, tama tiyu, te aga subigila naga pabo dao.

Godigo Sęba Tagala Palai Bidigo Po 7:56

Stivengo te po wai, “Suao. Eno megi suba, dagalu dalalubo. Tama tede Godigo Bidi Mu megi Godigo dolo nogo badude dolalubo eno subao,” te po wai.

Godigo Nogi Ugwaba Sabo Tęąbi Po Wabo Buku Dabe 4:8

God, nago naga ena tonalubaso, tama ena bugagia bidibao. Tama tiyu, eno te magi nai me delide wi me ebeo. Te ena betba pabo sogo, te polo tama ena pibadi, nago ena tonalubo dao.

Godigo Nogi Ugwaba Sabo Tęąbi Po Wabo Buku Dabe 68:4

Dago te Godigo nogi ugwaba sabo tęąbi po wao. Aga te pǫ dabede dugulasa, tama pabo dao. Agai sunumi dodolao. Aga nogi te Genuai Bidi dao. Dago aga gedude wiegi yai pemene yao.