Godigo Nogi Ugwaba Sabo Tęąbi Po Wabo Buku Dabe 16:10 - Godigo dwagi yai po buku

¹⁰ Magi baso meni, nago ena te isai bidigo bulude bidimainu tagala palogobeo. Tama nago naga tedali gasagi yai bidi aga te gų pagede damua pomainao wagobeo.

Godigo Nogi Ugwaba Sabo Tęąbi Po Wabo Buku Dabe 16:10 Referans Kwoze

Godigo Nogi Ugwaba Sabo Tęąbi Po Wabo Buku Dabe 49:15

Tiali goli, Godigo ena ma saibao, tama isibo bidigo bulude te agai bomogo ena dąų wabo usu egobeo.

Kraisgo Geme Dualali Sę Pedelabo Po Jonbolo Ola Mani 1:18

Ena bidibo ula dali bidibao. Polobadu ena isai, tiali goli nago ena bidibo subao, te ena sesemane sogo bidada peyu, bidada pabo ula selama, megi bidibo dao. Tama tibaso, eno bomo elalubao, te isibo kolesaga dali, te isai bidi dabe osogo bidabo madi dali, te si tonalubo bomo eno elalubo dao.

Kraisgo Geme Dualali Sę Pedelabo Po Jonbolo Ola Mani 20:13

Tama te tamu ąįde isali bidi tigidali te ma pedalali, tama te isibo kolesaga dali te isai bage osogo bidibo sao dedage page te side bidali bage augwali ma pedalali. Tama te po tų ebo bidi agai te tigidali deli deli bidi po tųde dagalali, te augwaligo yali kolesagade te sogo naga dagalai dao.

Dwagi Yai Gesi Po Lukgo Asęani 16:23

Aga noma te dene ebo buluba bidigi pali. Tede dene dwasianu meni, moni dene mu eyu bidali. Tama te tiwai bidu, aga gedu ugwaba tonama, Abraham digibulu bidibo suali, te nai meni yai bidi Lasarus aga bogo badu bidibo me suali.

Dwagi Yai Gesi Po Lukgo Asęani 1:35

Tama te ensel mobo bidigo po wei ponoyu, te po walio, “Te Godigo Mobo Bidi asama, tama agai bomogo nage mesegalueibao. Tama tibaso, nago tega pabo wai nogi Godigo nogi poaibao, ‘Dwai sę isąbo ogwa dao,’ waibao, ‘Te Godigo Ogwa dao,’ waibao.

Aisaia 14:9

“Te isai bidi dabego bulude augwaligo te homu pemene ebo po wainogo dodalubao, magi baso meni, te tuni bidi asobao. Te gų pagego tede bidibo bagebolo te po waibao, ‘Te genuai bidi dage hodaloao. Me, dage tuni bidi dabe duga tuni bidi sia sai tagalao. Dage tigidali aselama, e bidi asobo suagasiąo, tiąba asiąo,’ waibao.

Bomai Po 32:22

Tama te sogo eno sębę te isi bogoli tiwai elama, tama tǫde nai dabe tigidali mu ulaibao. Te sębę te tǫ aiyadu dologodu paibao, te isai bidi dabego buludu paibao. Tama agai te bulu du dabe dolalubo masigi du dabe isi ulaibao.’”

1 Korin 15:42

Te Godigo te isali we bidi dabe ma hodolobo kolesaga me, te tiwai naga yaibao. Te tigi dago te nai ge tiwai pubalobo, te dolaibao. Te ma hodalobo tigi te gasagi yai dao, te munu me dologobeo, te gamonabo tigi dao.

Israel Hanigo Namba 6:6

Te bobobage tobolu nisigo aga te enaba mawai bidi tiwai magi ilaibao. Tama tibaso, tigidali sogo agai aga digi enaba mobao. Tama aga te we me bidi isai tigi munalubo pąba pelamuo. Te aga aya, ma aga ida, ma aga ama me abe isai ebaso me tagalao. Tiyu, aga eno gedude meda idalio.

Pris Sę Ebo Bomai Po 19:28

Te dagego tigide todogo pelama masalu ebo sę iligio. Te bidi isaide, ma we isaide homu dene eyu, duga tigi togobo sę igio. Ena Genuai Bidigo eno dagebolo te kolesaga dabe ebo habu mu selibao,” wali.

Dwagi Yai Gesi Po Lukgo Asęani 4:34

Nage dabolo magi sę yainu asaliwe? Nage da dolainu asaliwe namao. Eno nage koneani. Nage Godigo gasagi yai tedali wiegi yai bidi da,” wali.

Amos 9:2

Te bidi meba enade wi pelayu, te isai bidi dabego pesagede te tǫ dedage aiyaba dogobaso, te tagalao, te augwali eno pageabi yaibao. Te augwali dagaluba ugwa holainu ebaso, me tagalao, te augwali eno aiyaba kekasa dulaibao.

Daniel 9:24

“Godigo dąį ilali te 70 taims 7 kibu be dabe silibo si, te agai nago we bidi dabe dali, me Jerusalem te wiegi yai ma ilabo po wali, tama aga taun dao. Agai te tigidali we bidigo sęgę sela sąnama, tama augwa yali dwai kolesaga tigidali siminaibao. Tama agai te sesemane bidada pabo sogo pedalumainu ilaibao. Tama aga te Gasagi Yai Tedali Mu pesage me deli nigilaibao. Godigo te sę dabe te nade wali sę me, te profet dabego wali po me, te usu nagasu, te tama yai dao.

Aisaia 5:14

Megi dage wiegi yai homu elama, gana paide dagego daa hauwa mu te tubao. Tiali goli, mu tama, te gų pagede te kele ą olama, tama te Jerusalem bulu genuai bidi dabe, me olo we bidi dabe dalainu polo no munalubao,” Genuai Bidigo te po wali.

Bugagia Bidibo Kolesagade Po Asęai Buku 27:20

Te bidi hauwa isibadi goli te tagala, augwaligo te isali bidi dabego bidibo pesage pągąna sobaso usu egobeo. Te tiwai gilama naga, te bidigo aga homugo wei ebo te usu nainu ebaso, te usu meni yaibao.

Bugagia Bidibo Kolesagade Po Asęai Buku 15:11

Genuai Bidigo te isali bidi dabe te augwali bidibo pesage me subo dao. Te tiwai usu yaligo da, teda agai te da tǫde we bidigo homu kone palobo kolesaga te tigidali me konea silibo dao.

Godigo Nogi Ugwaba Sabo Tęąbi Po Wabo Buku Dabe 139:8

Ma, te ena dagaluba ugwaba holama, bidainu ebaso, nage te dagalude bidibao. Ma, ena te isali bidi dabego pesageba bidigi pobaso da, nage te bulude me bidibao.

Godigo Nogi Ugwaba Sabo Tęąbi Po Wabo Buku Dabe 9:17

Te dwai bidi dabe, me te God tudiba mubo we bidi hani dabe, te tigidali isimainu ebo dao.

Jopgo Po Asęani Elalubo Buku 11:8

Godigo homu kolesaga da, ugwanu mu dao. Te dagalu ugwanu mu elalubo tiwai mu dao. Tama aiyanu mu dao, te isibo bidigo bulu edelama, mu elalubo bidi dao. Godigo kolesagago yaide e tǫ edelama, bobobage mu elalubo dao. Tama genuai mu elama, tama tamu ąį dąį edelama mu elalubo dao. Tama nago mena tama tilama, agai homu kolesaga dali, agai bomai kolesaga dali si gegelama, sueibawe?