Godigo Nogi Ugwaba Sabo Tęąbi Po Wabo Buku Dabe 150:3 - Godigo dwagi yai po buku

³ Te biugel bu weyu, te aga nogi ugwaba sao. Te gita dabe me, musik me eliyu, tama te aga nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 150:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 33:2

Te musik po kulelego weyu, te Godigo nogi ugwaba sao. Te nogo si string elalubo gita eliyu, te musik agaba wao.

Godigo Nogi Ugwaba Sabo Tęąbi Po Wabo Buku Dabe 149:3

Dagego tęąbi weyu, aga nogi ugwaba sao. Mu tama, te habidi dabe, me taborin, me gita, te tama eliyu, te agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 92:3

Eno te wiegi yai musik te gitade weyu, te nage nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 108:2

Eno te gita me eliyu, tama musik waibao. Te kigamu mu te eno tęąbi waibao.

Tuni Bidi Dabego Po Elalubo Buku Deli 16:42

Heman de Jedutun sigo te biugel eliyu, te brasgo nigai pletba elali, te gasagi yai musik dabe te lotu tęąbi wabo sogo elalio. Tama te Jedutungo ogwa dabego te Gibeonde elaluali Genuai Bidigo sel ugwa be sunumi dabe tonalubo sę yalio.

Tuni Bidi Dabego Po Elalubo Buku Deli 15:28

Tama tiali kolesagade te Genuai Bidigo Dąų Wali Bomai Po Muani Halobage te tigidali Israelgo te Jerusalemba selasa pai. Augwa wiegi yai homu pemene elama i bomonama weyu, tama augwa te tobage biugel bu weyu, te brasgo nigali pletba elu, te tobage gita dabe me elali, tama te musik eliyu kulukulu genuai mu pedelalio.

Israel Hanigo Namba 10:10

Tama me ma, te lotu wabo genuai sogo me, te gesi noma poluade me, ma gasa lotu wabo genuai sogo me, te biugel eliyu yao. Dagego te biugel te isigo ulama, sese dela silibo ofa ulubode, me homu deliba yainu ebo ofa ebode, te biugel eliyu yao. Tama eno dage koneama, eno dage tau saibao. Ena God, dagego Genuai Bidi, eno polo wali.” Te po wai.

Daniel 3:5

Dagego te biugel bolo hasia bu wabo odaibao, tama nosali augwaligo te gasa tobage musik hauwa waibao. Tialima, dagego te musik wabo odobaso da, te dagego kidu sugunama, tama te king Nebukatnesargo dodolali piksa teba lotu waiyąo.

2 Samuel 6:5

Tama Devit dali, te tigidali Israel dali, te karis dali peyu, tama augwa te tęąbi po me weyu, te musik wabo sę me yali, te Genuai Bidigo nogi ugwaba siyu tialio. Augwa te ni wuligo nigai habidi, me gita eliyu, tama te haniani musik wabo sę dali yalio.

2 Samuel 6:15

Tama te tama kolesaga yaligo te Devit dali te tigidali Israelgo te Genuai Bidigo Dąų Wali Bomai Po Muani Halobage te Jerusalemba selasa soali. Augwa wiegi yai homu pemene eyu, tama i weyu, tama te bu wabo nai biugel dali pomono pai dao.

Tuni Bidi Dabego Po Elalubo Buku Deli 25:1

Te Devit dali te Genuai Bidigo be tonalubo bidi dabego dali te Asapgo hani ogwa dabe, me Heman me Jedutun, te sela bidi hanigo ogwa dabe te Genuai Bidigo be tomode lotu wabo sę yabo hani dabe dąį ilali. Augwaligo te we bidi dabeba te Genuai Bidigo po pusubo sę elaluali. Augwaligo te gita haniani badi te plet bras badi eleyu, te po dali pusali. Te e da te hani dabego nogi dali te augwaligo yali sę po dali elalubao.

Tuni Bidi Dabego Po Elalubo Buku Si 20:28

Augwaligo gita eliyu, biugel bu weyu ela peyu, te taun tomoba pali. Tama augwali Genuai Bidigo tempel be dolo mu pelama, tama agabolo genuai nogi mani.