Godigo Nogi Ugwaba Sabo Tęąbi Po Wabo Buku Dabe 15:4 - Godigo dwagi yai po buku

⁴ Agai Godigo te tudiba muani bidi dabe augwali godolo isiąma, tama agai Godigo po wali pabo bidi dabego nogi ugwaba sabo dao. Tama agai te Godigo gedude eno te sę yaibao po obaso da, teda agai te po usu naibao. Ma, tebogo te sęgę agaba mobaso da, tagalao, agai te dąų walali po togogobeo.

Godigo Nogi Ugwaba Sabo Tęąbi Po Wabo Buku Dabe 15:4 Referans Kwoze

Te Israel Tobolu Bidi Dabe 11:35

Tialima, aga te wegi asobo subo si, te aga dwai noma selama, midigi siyu, tama aga ugwa pisąyu tama po wai, “Hobede ya! Eno wegio! Megi nago eno hobolu du togalubao!” wai. “Magi baso te nage asama, tama nago enaba genuai sęgę mobawe? Eno bomai po mu te Genuai Bidiba dąų walobo po wali te po eno me tagalogobeo!” Jeptago te po wai.

Matyu 5:33

Jisasgo te po wai, “Te Mosesgo dagego wąį dabebolo polobadu ola mani po me te po dagego odai dao, agai te po wai, ‘Nago te Genuai Bidi Godibolo te eno te sę mu yaibao po weyu, tama nago te po dąų olama, tama nosali nago te dąų wali po togogio. Menio. Nago te po dolo wali peyu te sę yao,’ Mosesgo te po wai.

Godigo Nogi Ugwaba Sabo Tęąbi Po Wabo Buku Dabe 101:6

Te eno te God wei elama, te wali pabo bidi dabe augwali naga te eno genuai wiegi yai bede ena dali bidimainu yaibao. Tama te wiegi yai kolesaga sesemane ebo bidi dabe, te bidi dabe naga te eno sę emainu yaibao.

1 Jon 3:14

Dago dena ama dabe augwali dali dwagi yai homu eyu godolo ebaso, tama te dago koneai, dago te genuai sia dabo buluba pabo tų tagalama, tama da te bidada peyu bidada pabo ula sabo tų sabolai dao. Gasa we bidi dali dwagi yai homu eyu godolo ebo kolesaga masiąbo bidi, aga te genuai sia dabo buluba pabo tųdu me bilibo dao.

Godigo Nogi Ugwaba Sabo Tęąbi Po Wabo Buku Dabe 101:4

Eno te tibo po wabo kolesaga me wali pogobeo. Tama eno te dwai sę ebo kolesaga dabeba homu kone me palogobeo.

Godigo Nogi Ugwaba Sabo Tęąbi Po Wabo Buku Dabe 119:63

Ena te nago sę ebo bidi dabe dali biliyu, te nago bomo yai po wali bilibo bage te eno abagi dabe dao.

Godigo Nogi Ugwaba Sabo Tęąbi Po Wabo Buku Dabe 16:3

Augwaligo konealubo homu Godiba naga dąų wali we bidi, augwali e tǫde bididubadi, augwali te tedali gasagi yai we bidi hani dao. Eno dwagi yai homu mu elama, augwali dali bidaio homu ebo dao.

Godigo Sęba Tagala Palai Bidigo Po 28:10

Augwaligo dabolo dwagi yai kolesaga elama, haniani dwagi yai nai da olo mani. Tama nosali da pabode augwaligo tigidali nai dago habuge yali nai augwaligo selama, te moni gebaba munai.

Esta 3:2

Tama king bidigo te tigidali kiap bidibolo po olama, te Hamanba kidu sugunama, tama genuai nogi agaba mao po wai. Tigidaligo te kingo wali po gilama yali, tiali goli Mordekai deligo te tiwai sę me isiąwai. Mordekaigo te Hamanba kidu sugunubo te hagela mu yalio.

Godigo Sęba Tagala Palai Bidigo Po 24:25

Tiali goli, Pol agai te po ola mayu, te po wai, “Tigidali we bidi dwagi yai doloba pai kolesaga mu elama, bugagia tonaluao, dagego dwai kolesaga egio.” Tama agai te po wali, “Godigo we bidi tigidali po tų yaibao,” wali. Tama te sogo Feliks agai te po odama, agai wi mu elama, agai Polbolo te po wali, “Nage megi te kalabus beba ma pao. Tama nosali me sogo eno sę meni baso, nage eno i obaso da, te nage ena pageba asagameo.”

Tuni Bidi Dabego Po Elalubo Buku Si 36:13

Sedekaia aga sębę mu elama, tama aga homu begelebo hagela elama, tama aga Genuai Bidi te Israel dabego Godiba ma asobo hagela mu yali. Nebukatnesargo Sedekaiabolo te Godigo gedude te ugwa dagalu bidigo gedude tigidali sogo Nebukatnesar agai po naga wali paibao po dąų omainu ilali. Tiali goli Sedekaia aga tobolu gagea pelama, tama aga Nebukatnesar dologode munu me bidibeo.