Godigo Nogi Ugwaba Sabo Tęąbi Po Wabo Buku Dabe 148:8 - Godigo dwagi yai po buku

⁸ tama te pǫde elalubo be sele, tama te talua ge tulubage me, te pǫ dabe, te bomai waligo me, te Genuai Bidigo po wali pabo bage, dagego agai nogi ugwaba siąo.

Godigo Nogi Ugwaba Sabo Tęąbi Po Wabo Buku Dabe 148:8 Referans Kwoze

Kraisgo Geme Dualali Sę Pedelabo Po Jonbolo Ola Mani 16:21

Tama te genuai talua ge tulubage tulai. Tigidali deli deli badu tulali talu ge tulubage te sęgę te moni masigi tiwai yai. Te talua ge tulubage dagalude asiyu, te bidi tigiba ugwadu tulai. Tama augwali te talua ge tulubagego mu dolai, meba isali. Tama te talua ge tulubagego augwali dolobaso, tama bidi dabego God dali dwai posobo po wali, te talua ge tulubagego augwali dolobo sę te genuai dwai mu ebaso, augwaligo te dwai po Godigo nogide wai.

Jona 1:4

Tiali goli, augwali pobadi, te Genuai Bidigo te bomai wali te tamu ąįde pedalumainu ilali. Tama te wali dali, kulubage si te bomo mu elama, tama te sip dolainu yalio.

Amos 7:4

God Genuai Bidigo enabolo gasa nai me te nade ebo tiwai ola mani. Te nade eno suali, te Genuai Bidigo te isi dodolama, te aga we bidigo dwai sę yai baso, agai augwaliba dene mawainu ebo suai. Tama te isigo te aiyanu mu dulai tamu wę te isi delama, te wę sula selama, te nosali te isigo te gi bulabo tǫ me dabo sę gagalalio.

Amos 4:13

Godigo naga te bulu du dabe nigali, te wali me pedalumainu ilibao. Agai aga homu kolesaga te we bidibolo haniliyu, ola mabo dao. Agai bomogo naga te be posobo ula hasegeleyu, tama be hulibo dao. Aga te bulu du dabe daide ugwadu biliyu, te tǫ habu tigidaliba tonalubao. God, Tigidali Bomo Elalubo Genuai Bidi, aga digi te kolesaga ebo dao.

Joel 2:30

Genuai Bidigo po ma weyu, te po wai, “Te eno te e side dąį ilali sogo bodolu te tǫde me dagalude mueibao,” wali. “Te tǫde genuai boi hwįabo si pedalubode, te bidi hauwago kaneme gelaibao. Te sia dabo augwa taunde pedelama, te hano genuai hano ugwaba holaibao,” wali.

Aisaia 66:16

Magi baso meni. Te Genuai Bidigo isigo te we bidi uluyu, te agai hwą ge bainatgo te we bidi hauwa mu ela mueibao, te augwa yali dwai sę wei ponoyu, tiaibao.

Godigo Nogi Ugwaba Sabo Tęąbi Po Wabo Buku Dabe 103:20

Dage tigidali Genuai Bidigo ensel mobo bidi, dagego genuai bomo elalubao. Dagego agai po wali pabo bage, dagego olo agai po wabo digi bugagia mubo dao. Tialima, dagego Genuai Bidi nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 18:12

Te pǫde be sele eyu, tama te bogoli mu elama, te agaba kisa sigi pali. Tama sia me talua ge tulubagego te husugu pǫ aluama, tama aiyaba dulai dao.

Josua 10:11

Tama te Amor dabe te Israel ami bidi dabede wi pabo sę elayu, tama augwali te Bethoron te bulu baguba me te Aseka teba wi aiyaba palio. Tialima, Genuai Bidigo te moni kedau ilibo talua ge kulubage te masigi tiwai tulumainu ilama, tama te Amor dabe ela muna silai. Te masigi du tiwai talua ge tulubagego ela muani bidi dabego nambago te Israel bidi dabego ela muani bidi te namba aiyaba elaluai dao.

Israel Hanigo Namba 16:35

Tama Genuai Bidigo isi tagala palama, te 250 bidi dela silali, te denami wiegi yai ebo pauda ulama ofa yali bidi dabe.

Pris Sę Ebo Bomai Po 10:2

Te polo mu tama Genuai Bidigo te isi tagala palama, augwali si ulama, te augwali si Genuai Bidi gedude isai dao.

Ma Dobola Sali 14:21

Tama Mosesgo nogo ugwaba selama, tama tamu ąį hulide usu sai, tama Genuai Bidigo bomai wali te sia ge pedalobo badu asiyu pedelali, tama te waligo te tamu ąį te sia ponobo tiwai edubadi, tama be posai. Tama waligo te tamu ąį ma sela sąbode, tama tamu ąį tomode si peda pai.

Ma Dobola Sali 10:19

Tama Genuai Bidigo te wali hasegelama, te bomai wali te sia ge dega sabo badu asomainogo yai. Tama waligo te kuli mano tigidali te mama yai tamu ąįba selasa pai. Tama te Isipde te kuli mano tede me deli bidibeo. Menio.

Ma Dobola Sali 10:13

Tama Godigo te po obaso, Mosesgo dono ugwaba sali, tama Genuai Bidigo te giliga pedalobo badu te wali te deli sogo giligade aselama, tama be hulia sai. Tama kigamu te waligo te kuli mano dabe selasa asalio.

Tigidali Nai Gagalama Nigali Side 19:24

Tama Yawego digi te posolo yai masigi, me te sia dali te Sodom de Gomora hanu siba te dagaludu aiyaba tula palali.

Jopgo Po Asęani Elalubo Buku 37:12

Godigo po obaso, te pǫ dabe augwali tigidali tǫ pedai buluba pela silibo dao, te agai augwaliba ya wali sę emainu.

Jona 1:5

Tama te sip tomode sę ebo bidi dabe augwali dwai wi mu elama, tama tigidali deli deligo augwa god i ola palio. Tama augwaligo te sip sęgę mu idali homu elama, tama augwaligo te walu dabe meba te tamu ąįba sąwani. Tiali goli Jona da, te sip aiyadu dologo tomoba mu dulama, tama pila mudalio.