Godigo Nogi Ugwaba Sabo Tęąbi Po Wabo Buku Dabe 148:7 - Godigo dwagi yai po buku

⁷ Dage tǫde bidibo bage tigidali, dagego Genuai Bidigo nogi ugwaba siąo. Te moni dobo dwai sųgų dabe, me te tamu ąį aiya badu mu pagede bidibo nai dabe,

Godigo Nogi Ugwaba Sabo Tęąbi Po Wabo Buku Dabe 148:7 Referans Kwoze

Tigidali Nai Gagalama Nigali Side 1:21

Tama tiyu, Godigo te tamu ąįde bidabo moni dobo dwai sųgų dabe nigilali, tama te węde bidabo haniani ąį hasa me, te haniani ba dabe me nigilai. Godigo aga digi nigali nai dabe tigidali suali wiegi yai yai baso, tama aga dwagi yai homu pemene yai.

Aisaia 43:20

Te bulu uni hasa dabe te uni yowi dabe tiwai, te ba uni dabe me, te augwaligo ena genuai nogi mawaibao, eno te ąį te wa pai bulu pesageba asomainu ilama, pedalubo side, te ena digi eno sa muyu dąį ilali we bidi, augwa te ąį tumainu tiaibao.

Aisaia 27:1

Te sogo te Genuai Bidigo agai genuai bomo olamayu, te Leviatan, te tamu węde bulu hwą bidigula mane elaibao. Genuai Bidi agai aga poa pai genuaiboma pai ge hwą selama, tama te bulu hwą bidi gula, tegagela bilibo gula mane toga sąwaibao.

Te Israel me Juda Hani Sigo Tuni Bidigo Po Elalubo Buku Deli 13:28

Tama aga te tųdu wali pobadi yaide, tama te aga tonono pobadi yaide, te profet bidi tigi tama te tų dilide munalubo suali. Tama agai subadi yaide, te aga donki kibu dali, te bulu uni yowi laion dali si, te aga tigi munalubo madigi pąde dolalubo suali. Te bulu uni yowigo te agai tigi mi me pedama tube, te agai te donki kibu tigide me te bulu uni yowigo kelama tube, bugagia tama dolalubo suali.

Godigo Nogi Ugwaba Sabo Tęąbi Po Wabo Buku Dabe 104:24

Genuai Bidi, nago nai hauwa nigai! Nago genuai homu kolesagago koneama, te nai tigidali nigai. Nago nigali nai tigidali tǫde mu pągąwai.