Godigo Nogi Ugwaba Sabo Tęąbi Po Wabo Buku Dabe 148:4 - Godigo dwagi yai po buku

⁴ Te ugwanu mu elalubo dagalu, te agai nogi ugwanu sao. Te dagalude ugwadu elalubo węgo, te agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 148:4 Referans Kwoze

Te Israel me Juda Hani Sigo Tuni Bidigo Po Elalubo Buku Deli 8:27

“Tiali goli, God, te mu tama nage te tǫba bidagasainu homu ebo da, agawe? Dagalu te genuai pesage mu tama da, tiali goli te nage bidabo pesage te genuai me elalube. Tama magi baso te eno nago be sę yani te be te nago usu da waibawe? Te be usu egobeo.

Tigidali Nai Gagalama Nigali Side 1:7

Godigo te dąį pedalumainogo yali, te ugwadu elalubo ąį me, aiyadu elalubo wę me, te buguliyu tama tiali.

Bomai Po 10:14

Dagalu ugwanu mu elalubao, te da te Godigo dao. Tama te tǫ, me te tǫde elalubo nai dabe sese tama, te Godigo naga dao.

Nehemia 9:6

Nagaduba deli naga nage Genuai Bidi da. Nago te dagalu me, hǫ dabe me, tǫ me, tamu ąį, te tigidali elalubo nai augwali nigai. Tama nago te tigidali naiba te bidabo ula mabo dao. Tama te tigidali dagalude bidibo ensel mobo bidi dabego nageba kidu sugunama, lotu po wabo dao.

2 Korin 12:2

Ena te Kraisgo bidi bidiyu, tama kibu be nogo si olama sągągo me si me si polobadu Godigo ena te dagalu sela wali sigi mu teba ugwaba sela holali. Te ena teba pobadi ena tigi dali bidaliwe, ma ena tigi tagalama te eno noma bidi naga teba paliwe, te eno me konebeo. Godigo naga koneanio.

Godigo Nogi Ugwaba Sabo Tęąbi Po Wabo Buku Dabe 113:6

Agai te dagalu me tǫ dali suainu, aiyaba tonalubao.

Godigo Nogi Ugwaba Sabo Tęąbi Po Wabo Buku Dabe 104:3

Tama nago be ąį daide ugwadu sęwai. Dagalu pǫ te nago dulalubo nai karis tiwai, tama waligo nage selasa pabo dao.

Godigo Nogi Ugwaba Sabo Tęąbi Po Wabo Buku Dabe 68:33

Agai te dagalude bilibao, tama te dagalu polobadu digi elaluai. Odao. Godigo te be kulukulu wabogo i bomonama mu wabo dao.

Tigidali Nai Gagalama Nigali Side 7:11

Te Noa te kibu be hauwa mu 600 bidama, tama te si wabo polua, dei 17 nogo si olama, sągągo a naga, me badu sągągo si tama side, te tǫ dologode te tigidali genuai wę dabe te sunumi dala pela silama, tama wę ugwaba pedelali. Tama dagalude me te tigidali dedage dala pelama, tama wę aiyaba gelalio.

Tigidali Nai Gagalama Nigali Side 1:6

Nosali Godigo te po wai, “Te wę ugwaba sagolabo dąį me deli pedelama, te wę si badu elalumainao,” wali. Tama te nai pedelali.

Tuni Bidi Dabego Po Elalubo Buku Si 2:5

Tama eno genuai be mu sę yaibao. Magi baso meni. Dago Godigo genuai nogi mu elaluyu, tama me genuai bomo mu elaluyu, tama agai gasa meba god dabe edelama aiyaba elalubao.

Godigo Nogi Ugwaba Sabo Tęąbi Po Wabo Buku Dabe 69:35

Magi baso meni, Godigo te Saion we bidi dabe te boi bidi dabego nogode ma dobola selama, tama agai te Juda dabego taun ma nigaibao. Agai tama tiyu, tama te Godigo hani bage augwa te taunde bugagia bidiyu, tama te tǫ tigidali somainu yaibao.