Godigo Nogi Ugwaba Sabo Tęąbi Po Wabo Buku Dabe 147:8 - Godigo dwagi yai po buku

⁸ Agai te dagalude pǫ pedalumainu elama, tama te tulubage tagala palama, tama te bulu du dabede te nosa pedalumainu ebo dao.

Godigo Nogi Ugwaba Sabo Tęąbi Po Wabo Buku Dabe 147:8 Referans Kwoze

Jopgo Po Asęani Elalubo Buku 5:10

Agai te tulubage e tǫba mayu, te dago giba me tulubage mabo dao.

Godigo Sęba Tagala Palai Bidigo Po 14:17

Tiali goli, agai tigidali sogo tigidali we bidi augwaligo aga bidibo konemainu, dwagi yai nai dabe we bidi tomode mubo dao. Agai te dagaludu tulubage me, giliga nanobo sogo me, agai dąį ilibo dao. Tama agai nai pedalama, tama dage bugai homu emainogo te sę ebo dao,” augwali sigo te po wai.

Tigidali Nai Gagalama Nigali Side 9:14

Te eno dagalude te pǫ pedalumainogo ebo sogo da, teda te unigi bidi me pedelaibao.

Matyu 5:45

Tama tiyu da, dage te duga Aya dagalude bidibo bidigo wai puluba mu bidaibao. Agai te tobage dwagi yai sę naga eyu, tama agai sia nanobo te dwai sę ebo bidi dabeba me te dwagi yai sę ebo bidi dabeba dali si te sia nanobo ula ilibo dao. Tama te tulubage tulubo me te doloba pai bidi dabeba me, te doloba pesiąwai bidi dabeba me te tulubage tuluyu ilibo dao.

Joel 2:23

“Te Saion we bidi dabe, dage wiegi yai pemene iyąo. Dagego te duga Genuai Bidi ena Godigo dage tau sali sęde wiegi yai pemene yao,” wai. “Eno dageba te tulubage te nai bulabo sogo usu nama mawai, tama dageba te polobadu yali tiwai te tulubage hauwa mawai.

Jeremaia 14:22

Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.

Aisaia 5:6

Te eno te tǫ dolama, tama busi holama, nosai holiyu, tama te sesane ni dabe holama, te gi halua somainu yaibao. Tama eno te wain ni ma tonalubo sę ma egobeo. Te me eno te gi tǫba tulubage me tulamo olama, habu selaibao,” eno abagigo te po wali.

Godigo Nogi Ugwaba Sabo Tęąbi Po Wabo Buku Dabe 135:1

Genuai Bidi nogi ugwaba sao. Te Genuai Bidigo sę bidi dabe, dagego aga nogi ugwaba sao.

Bugagia Bidibo Kolesagade Po Asęai Buku 27:25

Te nosai bobobage igulubo sogo da, teda nago te naga kibu dabego tuabo nai togolama te sisinao. Tama te gesi nosai hogonu ma pedalubo dao.