Godigo Nogi Ugwaba Sabo Tęąbi Po Wabo Buku Dabe 147:2 - Godigo dwagi yai po buku

² Genuai Bidigo te Jerusalem ma dodolama, tama te boi bidi dabego sela pelama, te kalabus igi pali we bidi dabe te ma odasa asai dao.

Godigo Nogi Ugwaba Sabo Tęąbi Po Wabo Buku Dabe 147:2 Referans Kwoze

Aisaia 56:8

“Ena God, Genuai Bidi, eno te Israel we bidi ma sisinibao, te boi bidi dabego sela pelama, kalabus igi pai, eno te tiwai po obao. Te eno gasa we bidi dabe me selama, te eno sisinani hani we bidi dali bidimainogo odasa asaibao,” te po wai dao.

Godigo Nogi Ugwaba Sabo Tęąbi Po Wabo Buku Dabe 51:18

Naga homu kolesagago digi, te Saion we bidi dwagi yai homu ma ilao. Naga digi Jerusalem genuai hanu moni masigigo nigali obo ma dodolao.

Bomai Po 30:3

teda Genuai Bidi dago God agai dage hobede yaibao. Tama agai dage aga digi te dobola palali te bulude dabe ma oda saibao, tama agai dage duga buluba mu ma odasa asaibao. Tama agai dagego tigidali nai dabe wiegi yai ma pedalomainogo yaibao.

Esekiel 38:8

Nago kibu be hauwa tonaluyu bolo yao. Te Israel hani eno augwali polobadu te haniani gasa tǫ kantri dabeba sela sąwai dao. Tama augwali tede kalabus te kibu be hauwa bididubadi, te augwa page bulu tǫ te dwai dolai elaluai dao. Tiali toli, eno augwali ma odasa aselama, tama augwali Israel bulude elalubo bulu du dabede bugagia te bidibao. Te we bidi augwaligo te augwa kantride nai dabe tigidali bugagia dodolama, tama augwali bugagia dulalubao. Tama te nosali kibu be hauwa silama, tama eno nage te kantriba hwįgi pomainu tagala palaibao.

Jeremaia 32:37

Mu tama, eno augwalide dwai haliga sębę mu elama, wado genuaigia mu elama, eno te we bidi dabe te tigidali tǫ kantriba sela sąwaibao. Tama eno augwali e tǫba ma odasa aselama, te augwali ede bugagia bidimainogo yaibao.

Aisaia 62:7

Dagego bomo elama, agaba i ola pidu, agai te Jerusalem bomo ma iliboba usu nao, tama Jerusalem te tigidali tǫde we bidi gedude polalu mu pedelaibao,” eno te po wali.

Aisaia 14:32

Te dago mena po wei ponaibawe, te Filistia dabe augwaligo dago augwali tau somainu hanaluagasobaso? Te dago augwaligo po wei e tama ponaibao, “Te hanu Saion te dago Genuai Bidigo digi duala sabo bulu tiwai nigilai dao. Tama aga we bidigo genuai sęgę elaluyu, me sęgę yai sę eyu ebaso da, augwali teba pelama, tama augwali bugagia bidaibao,” wali.

Jeremaia 31:4

Dage Israel, eno gedude dage te bidi dali pagela pisąwai gesi we tiwai dao. Tama te eno dage bomai hani we bidi ma pedalumainu yaibao. Te gesi ogwa wego pemene elama, hąbidi eleyu, te tęąbi wabo hani dabe dali pemene ebo tiwai dagego yaibao.

Aisaia 27:13

Tama te sogo te bu wabo nai biugel bu genuaimu waibao. Teda te Israel dabe i weyu, te boi bidi dabegoaugwali te bulu Asiriaba sela sąyu, me te bulu Isipba selasąyu yali bage dabe. Tama augwali Jerusalem buluba maaselama, tama augwaligo Godiba ma lotu po waibao, teaga tedali gasagi yai bulu dude.

Nehemia 7:4

Te Jerusalem te genuai taun mu da, tiali goli te we bidi hauwa tede me bidisąwai, tama be me hauwa me elalusiąwai dao.

Daniel 9:25

Nago odama, te tiwai koneao, te Jerusalem taun ma gagalama nigaibao wabo po pedalubo sogo, te 7 taims 7-pela yia, te tama kibu be siliyu bolo yaibao, tialima te Godigo Sa Muani Genuai Bidi, aga te sabolaibao. Te augwaligo te Jerusalem dali, te taun tomode sunumi dabe, me te taun bagulali genuai masigi obo dabe, te ma nigaibao. Tama te Jerusalem elalubadi te 62 taims 7-pela yia, teba usu naibao, tiali goli te kibu be dabede te sęgę elalubo sogo dao.

Matyu 16:18

Tama eno nagebolo te po obao, nage Pita dao, te nogi page te masigi dao, tama eno ena po wali pabo we bidi hani te masigi daide pedalaibao, te be me deli te genuai masigi daide sę ebo tiwai. Tama te we bidi hani augwali te dwai mobo bidi Satango we bidi ela muabo bomogo augwali me aiyaba elalugobeo.

Nehemia 6:15

Te dago te Jerusalem moni masigi obo ma geselali, te 52 dei tama usu nama yali, tama te 25 dei, te polua sogo nogi Elul usu nama, te obo ma geselebo sę silai dao.

Nehemia 6:16

Tialima, te dago boi bidi dabe te da pąde bidibo bulu tǫ pedai bidi dabego, dago te obo nigila silali po odali, tama augwaligo koneani, te Godigo digi da tau sobaso, dago te sę yali da homu yai. Tama augwa koneai, te augwaligo dwai kolesaga da dali yainu yai, te geda munama, tama te augwaligo nogi aiyaba tulaluai dao. Tama tibaso, augwali wi yai.

Godigo Nogi Ugwaba Sabo Tęąbi Po Wabo Buku Dabe 102:17

Tama agai te aga we bidi dabego gedu haluasa po odaibao, te polobadu agai augwali tagalama, te augwali odolali bidali. Te agai augwaligo gedu haluasa po wabo te tudiba ma mugobeo.

Jeremaia 31:10

“Dage te me badu tǫ kantri hani we bidi dabe, dagego ena Genuai Bidigo poba bugagia olo muao. Tama dagego eno te po te digibulu bidibo we bidiba pusao, te tamu ąį u badu bidibao. Dagego te tiwai po augwaliba wao, ‘Genuai Bidigo te Israel dabe sela sąnama, tedela palali, tiali goli, agai augwali ma odasa asaibao. Te agai augwali bugagia mu tonalu, te tonalubo bidigo aga sipsip dabe tonalubo tiwai ebo dao.’ Te po wao.

Maika 4:6

Genuai Bidigo te po wai, “Te eno augwali dwai dene menama, te gasa bulu tǫ kantriba te kalabus sę emainu tagala palali we bidi dabe, te nosali, te bodolu mani sogo pedalubo si, te augwali eno ma deliba sisinaibao,” te po wai.

Sekaraia 8:7

Te boi bidi dabego eno we bidi dabe augwali selama, te giliga pedalubo badu me te giliga dega sigulubo badu te tǫ kantri dabeba bidigi palali. Tama eno te we bidi dabe ma sigi pelama, te augwali ma odasa aselama, te augwali Jerusalemba ma bidagasaibao. Te augwali eno we bidi dabe bidalu, te ena augwaligo God bidaibao. Te augwali eno doloba pai kolesagago sesemane sogo tonalueibao,” wali.