Godigo Nogi Ugwaba Sabo Tęąbi Po Wabo Buku Dabe 147:14 - Godigo dwagi yai po buku

¹⁴ Te boi bidi dabe asidali weyu, agai te dagego tǫ me tonaluyu, tama te gide wiegi yai wit mu holomainu elama, tama dagego tulama, tama pągąna pabo dao.

Godigo Nogi Ugwaba Sabo Tęąbi Po Wabo Buku Dabe 147:14 Referans Kwoze

Godigo Nogi Ugwaba Sabo Tęąbi Po Wabo Buku Dabe 81:16

Tiali goli, eno wiegi yai nai mu dageba maiyabo homu eyu, tama dage te buside elalubo tubo nai te hani menama, tama dagego haliga te pągąna peyu igi da,” wali.

Godigo Nogi Ugwaba Sabo Tęąbi Po Wabo Buku Dabe 29:11

Genuai Bidigo bomo te aga we bidi dabeba mabo dao. Agai augwaliba te wiegi yai sę yabo homu kolesaga menama, tama augwali homu nagame elama, bidibao.

Godigo Nogi Ugwaba Sabo Tęąbi Po Wabo Buku Dabe 132:15

Eno te Saionba usu nama nai mayu, tama te we bidi dabe te nai me sǫą pogobeo. Tama eno te magi nai meni yai bidi dabe nai menama, tama augwa mu pągąwaibao.

Bomai Po 32:14

Augwaligo kau kibu dabe, me meme kibu dabego ame pę hauwa augwaligo sali. Tama augwaligo kau kibu, me sipsip kibu, me meme kibu dabe moni bage mu nisali. Tama augwaligo wit me wain dabe wiegi yai mu holali.”

Sekaraia 9:8

“Te eno ena tǫ kantri tonalu, eno te tǫba te ami bidi dabe uga peyu, eda asu ebo sę munu ma egobeo. Te boi bidi dabego eno we bidi dabe aiyaba elaluama, te augwaliba dwai sę ebo eno me gogolama sula tagalogobeo, magi baso meni, eno suali, te we bidi dabe augwali dene sabo suai dao.” Genuai Bidigo te po me wai.

Aisaia 66:12

Genuai Bidigo te tiwai po wali, “Magi baso meni. Eno te Jerusalem bugagia mu elalumainu yaibao, te sesemane sogo agai te gasa tǫ kantrigo wiegi yai nai dabe hauwa saibao. Te aga magi deli me sǫą pisąma, te wę sesemane sogo asudu, te sula sisąbo tiwai yaibao. Te dagego te nai dabe siyu, wiegi yai pemene mu yaibao, te waigo idago ame tuyu, pemene ebo tiwai yaibao, te waigo aga idago sabilibaso, pemene ebo tiwai eyu, te idago aga telede pilama, aga dali gagali ebo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 122:6

Dagego te gedu haluasa po waiyąo, te Jerusalem dabe bugagia dugulalumainogo yao. Dagego te tiwai gedu haluasa po waiyąo, “Te Jerusalem wei ebo we bidi dabe augwa bugagia bidimainao.

Tuni Bidi Dabego Po Elalubo Buku Deli 22:9

Tialima eno te wai ogwa me deli nageba mawaibao, tama aga te king pedalubo sogo, agai te we bidi augwali bugagia tegaluama bidabo sę mawaibao, tama te gasa bulu tǫ kantri dabe augwaligo agaba te boi bidi yabo sę me iligobeo. Eno nagebolo te mabo wai da, agabolo polabo nogi da te nogi Solomon, magi baso meni, te aga king bidibo sogo eno te Israel we bidi augwali homu wiegi yai bugagia nagame elama bidabo sę ilaibao,’ wali.

Pris Sę Ebo Bomai Po 26:6

“Te eno dageba haliga nagame ebo kolesaga menama, te dage bugagia dugulalu, te dage godege pibo sogo magi nai me delide wi me egobeo. Eno dagego tǫde te dwai uni hasa dabe sela sąnama, te boi bidi dabego dage te tǫde bidibadi te boi me hwįgobeo.

Esekiel 27:17

“Tama Tair. te Juda me Israel dabego nageba te wit hauwa mayu, te pusu nai hani, me te ni oliv wel, me te tobage gasagi yai marasin, me gasa nai dabe mobadi yali, te augwaligo nagede sabo nai dobu si abeleyu, tama tiai dao.

Godigo Nogi Ugwaba Sabo Tęąbi Po Wabo Buku Dabe 132:11

Polobadu nago Devitba bomai po me deli dąų walali, tama nago te naga po me hasegeligobeo. Nago te tama po wai, “Te eno nago ogwa me deli te king pedalumainu yaibao,” wali, “tama agai te nage hasegelaibao.

Esekiel 16:13

Tama nago au yabo gol me silva hauwa elaluali. Tama nago te wiegi yai sawi yai ugwa dabe augwaligo te hobigo hobolama nigali ugwago nageba au ilama muani. Tama augwa te wiegi yai plaua mugo nigai bret eno nage mawai. Tama eno nage te pusu ebo bunu ge hani me te oliv ni du mani. Te nai dabe nago tuali. Tama nage te gasa sawi wiegi yai mu pedelama, nage te nogi yai we kwin pedelai dao.