Godigo Nogi Ugwaba Sabo Tęąbi Po Wabo Buku Dabe 147:12 - Godigo dwagi yai po buku

¹² Te Jerusalem dabeo, te Genuai Bidigo nogi ugwanu siąo. Awe, dage Saion dabe, te duga God nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 147:12 Referans Kwoze

Aisaia 12:6

Israel dabego God aga te Wiegi Yai Doloba Pai Kolesaga Naga Ebo God dao. Aga genuai nogi elalubo. Tama aga dage Saion we bidi dabe dali bidibao. Tama tibaso, dage wiegi yai homu iyąo. Tama i bomona weyu, agaba balia po wao.” Te aga hani we bidi ma sisinibo sogo dagego te balia po waibao.

Joel 2:23

“Te Saion we bidi dabe, dage wiegi yai pemene iyąo. Dagego te duga Genuai Bidi ena Godigo dage tau sali sęde wiegi yai pemene yao,” wai. “Eno dageba te tulubage te nai bulabo sogo usu nama mawai, tama dageba te polobadu yali tiwai te tulubage hauwa mawai.

Aisaia 52:7

Te we bidi augwaligo bidi me deli te bulu du pesagedu udada asobo sulama, te wiegi yai pemene mu yaibao, te wiegi yai po Jerusalemba selasa asali. Agai te tiwai po waibao, “Saion, te wiegi yai sogo pedelalio. Godigo te boi bidi dabe aiyaba elaluama, te agai nage bugagia bidimainu ilalio. Megi da, nago Godigo te tigidali nai tonalubo dao,” agai te po waibao.

Godigo Nogi Ugwaba Sabo Tęąbi Po Wabo Buku Dabe 149:2

Dage Israel dabe, te Godigo dage nigalide te dagego bugai haliga iyąo. Awe, te Saion we bidi dabe, te duga kingba wiegi yai pemene yao.

Godigo Nogi Ugwaba Sabo Tęąbi Po Wabo Buku Dabe 146:10

Genuai Bidi te sesemane sogo king bidada peyu, bidada paibao. Te Saion we bidi dabe, dage Israel dabe, te duga God te sesemane king bidada peyu, bidada paibao. Te Genuai Bidigo nogi ugwanu sinao.