Te eno Genuai Bidigo wiegi yai olo mu tau sabo kolesaga po pusubao. Te eno aga nogi ugwaba siyu, te agai da tau siyu, wiegi yai kolesaga hauwa yali po pusaibao. Awe, te aga genuai olo mu tau sabo wiegi yai kolesaga, me homu dene ebogo, agai te Israel haniba wiegi yai sę mu yalio.
God, nage te God nago ena ma sabo bidi dao, nago ena dali olo mabo sę tigidali dwagi yai eyu, tama nago ena ma elegio. Tama eno nago nogi ugwaba siyu, nagebolo tęąbi hauwa waibao, nago doloba pai kolesaga naga ebo dao.
Sesemane sogo nage konebo we bidi te nago augwali wei eyu, godolo mu idu geao. Nago te doloba pai bidi dabe tau siyu, te augwali bugagia bidimainu tau sidu geao.
God, nago doloba pai kolesagago te tigidali badu usu nani, tama te tigidali we bidigo gedude te pepeli dilide elalubao. Nago genuai sę mu yai. Te tǫde bidi me deli te nage tiwai me elalubeo. Menio. Nago tigidali mu elaluai dao.
Te aga king bidibo sogo, te Juda dabe me Israel dabede te sęgę mu meni yaibao. Te eno augwali ma selama, te augwali bugagia bidaibao. Tama augwa te king nogi te tiwai waibao, Genuai Bidi aga te dago doloba pai kolesaga ebo page bidi da, waibao,” te po wai dao.